សុខភាព

ជួសជុលគន្លងបំផ្លាញសុខភាព ផ្លាស់ប្តូរការប្រព្រឹត្តិជាថ្មី

បានផុស

៤ years មុន

នៅ

ថ្ងៃសៅរ៍ ១៤ វិច្ឆិកា ២០២០

ដោយ

គ្រប់គ្នាតែងមានទម្លាប់មិនល្អទាំងនៅក្នុងការិយាល័យ ទាំងនៅផ្ទះដោយធ្វើការនៅតុក្នុងរបៀបមិនត្រឹមត្រូវ និងសម្លឹងមើលអេក្រង់កុំព្យូទ័រយូរៗជានិច្ច។

ដូច្នេះ ដល់ពេលដែលគ្នាយើងត្រូវកែលំអទម្លាប់ធ្វើការរបស់យើងចេះខ្លះ ដោយអនុវត្តគន្លឹះងាយៗចំនួន ៣ ខាងក្រោមនេះ ៖

១. ស្រូបយកខ្យល់បរិសុទ្ធខ្លះៗ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនថាយើងមានពេលចេញក្រៅ ១ ម៉ោង នៅពេលអាហារថ្ងៃត្រង់ ដើរ ១៥ នាទី ឬក៏ ៥ នាទីនៅពេលវេលាកណ្ដាលថ្ងៃឡើយ សូមកុំមើលទូរស័ព្ទនៅក្នុងការសម្រាកពេលដើរនេះ។

ជំនួសឲ្យទូរស័ព្ទ សូមក្រឡេកមើលមេឃពណ៌ខៀវ ឬឧទ្យានដែលមានស្មៅតូចៗដែលយើងបានដើរឆ្លងកាត់ រួចអង្គុយនិងដកដង្ហើមនៅក្នុងខ្យល់ស្រស់ ដើម្បីផ្ដល់ឲ្យខួរក្បាលរបស់យើងសម្រាកពីបច្ចេកវិទ្យាបានខ្លះ។

ការសិក្សាបង្ហាញថា ការត្រលប់ទៅរកធម្មជាតិនិងចំណាយពេលក្នុងមួយថ្ងៃៗជាមួយវត្ថុបៃតង អាចកាត់បន្ថយកម្រិតអ័រម៉ូន cortisol របស់មនុស្សបានយ៉ាងខ្លាំង។ គ្រាន់តែ៥ នាទីនៃថ្ងៃនីមួយៗគឺមានតម្លៃបំផុត។

២. ក្រោកឈរឡើង

ក្នុងអំឡុងពេលធ្វើការ យើងគួរតែក្រោកឈរយ៉ាងតិច ២ ម៉ោងក្នុងមួយថ្ងៃ។ ព្យាយាមនិងសម្រួលខ្លួនឯងដោយចំណាយពេលតិចតួច ស្រូបខ្យល់ចេញក្នុងសួត។ ជាពិសេសពេលកំពុងនិយាយទូរស័ព្ទ យើងក៏អាចក្រោកឈរបានគ្រប់ពេល ដើម្បីសម្រាកពីការអង្គុយយូរ។

មួយទៀតគឺយើងទាំងអស់គ្នាតែងមានកំហុសក្នុងការចាប់អ្វីដែលយើងចង់បាន ដូចជាអាហារមិនល្អចំពោះសុខភាពជាដើម។ ដូច្នេះសូមបញ្ឈប់ជម្រើសនេះ ហើយងាកមកសាកល្បងអាហារដែលមានសុខភាពល្អជំនួសវិញ។

៣. កែសម្រួលបញ្ជីការងារត្រូវធ្វើ

ទម្លាប់ធ្វើការងារស្ត្រេសនិងសុខភាពមិនល្អ អាចនាំឲ្យយើងមានអារម្មណ៍មិនល្អតាមហ្នឹងដែរ ហើយក៏មិនអាចស្ថិតក្នុងផ្នត់គំនិតត្រឹមត្រូវ ក្នុងការសម្រេចកិច្ចការបានណាមួយបានល្អឡើយ។

ដំបូងយើងត្រូវមើលបញ្ជីការងារដែលត្រូវធ្វើ ហើយស្វែងយល់ថា តើឥលូវនេះយើងកំពុងធ្វើអ្វី និងត្រូវការកែលំអការគ្រប់គ្រងពេលវេលា ឬផ្ដល់អាទិភាពណាមួយឲ្យប្រសើរជាងមុន ឬប្រហែលត្រូវបង្កើតបញ្ជីការងារឲ្យទាន់ពេលវេលា ដើម្បីជួយយើងឈានទៅមុខ។

ពេលខ្លះស្ត្រេសគ្រាន់តែជារឿងចៀសមិនផុត ប្រសិនបើយើងមានអារម្មណ៍ធុញថប់ សូមសាកល្បងអនុវត្តវិធីបន្ធូរអារម្មណ៍ ដោយមានការណែនាំពីអ្នកជំនាញចិត្តវិទូជាដើម៕

ប្រែសម្រួល៖ សាង ស្រីល័ក្ខ

ប្រភព៖careergirldaily

Related Topics:ការថែទាំសុខភាព