ជីវិតកម្សាន្ដ

វី ឌីណែត បន្ទោសខ្លួនឯងនាំទុក្ខឲ្យគ្រួសារ រហូតធ្វើឲ្យម្តាយស្លាប់

បានផុស

៤ years មុន

នៅ

ថ្ងៃចន្ទ ៥ មេសា ២០២១

ដោយ

ភ្នំពេញ៖ តារាចម្រៀងស្រីកញ្ញា វី ឌីណែត បានត្រឡប់មកដល់ផ្ទះវិញ បន្ទាប់ពីជាសះស្បើយជំងឺកូវីដ-១៩និងធ្វើចត្តាឡីស័ក១៤ថ្ងៃតាមការណែនាំរបស់ក្រសួង។ ទិដ្ឋភាពនៃការវិលត្រឡប់មកដល់ផ្ទះរបស់ វី ឌីណែត នាងបានអុជធុបសំពះខមាលទោសម្តាយនៅមុខរូបថត ខណ:លោក ហួរ ឡាវី ដែលជាឪពុកបានត្រឹមតែឈរមើលនិងស្រក់ទឹកភ្នែកនឹកភរិយាហើយអាណិតកូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង គឺ វីលីដា ជាបងស្រីរៀបរាប់ដល់ព្រលឹងម្តាយថា ” ម៉ាក់អើយណែតមកផ្ទះវិញហើយ វានៅតែបន្ទោសខ្លួនឯងថាមកពីវាបានធ្វើអោយម៉ាក់ទៅគ្មានថ្ងៃត្រឡប់ និងអោយគ្រួសារទាំងមូលពិបាក។ បើវិញ្ញាណក្ខន្ធម៉ាក់កំពុងស្ថិតនៅក្នុងផ្ទះមែន សូមម៉ាក់ជួយបណ្តាចិត្តប្អូនអោយឈប់គិតរឿងនេះទៀត ហើយក្រោកឡើងតស៊ូជាថ្មី”។

បងស្រីតារាចម្រៀងរូបនេះ ក៏លើកទឹកចិត្តប្អូនស្រីឲ្យតស៊ូ និងលួងលោមប្អូនស្រីគ្មាននរណាអាចមើលឃើញមេរោគនឹងទេ។ ធ្វើយ៉ាងម៉េចបើវាជាពេលវេលាអូនកំពុងបំពេញការងារ។ តាមរយ:នេះមានមហាជនជាច្រើនបានលើកទឹកចិត្តតារាស្រី វី ឌីណែត ឲ្យរឹងមាំនិងតស៊ូឡើងផងដែរ៕

អត្ថបទ៖ ចាន់រ៉ា