ចរាចរណ៍

ដឹកសត្វគោមួយក្បាលយករក្សាទុកនៅអធិការនគរបាលស្រុក បន្ទាប់ពីរត់ចូលរថយន្ដកំពុងបើកបរធ្វើឲ្យខូចខាត

បានផុស

៤ years មុន

នៅ

ថ្ងៃចន្ទ ៥ មេសា ២០២១

ដោយ

សត្វគោ១ក្បាលត្រូវបានប៉ូលីសនៃអធិការដ្ឋាននគរបាលស្រុកបាទីសម្រេចលើដាក់រថយន្តយកទៅទុកនៅអធិការដ្ឋាននគរបាលស្រុក ក្រោយសត្វគោមួយក្បាលនេះ រត់ចូលឡានអ្នកដំណើរពេលកុំពុងបើកធ្វើឲ្យខូចខាត ហើយរកម្ចាស់មិនឃើញ។

សត្វគោ១ក្បាលបានរត់ចូលឡានបាក់ជើងមុខ និងធ្វើឲ្យខូចខាតរថយន្តអ្នកដំណើរមួយកំណាត់មុខខាងស្ដាំនៅព្រឹកថ្ងៃទី០៥ ខែមេសា ឆ្នាំ២០២១ វេលាម៉ោង៧ព្រឹក នៅចំណុចភូមិត្រពាំងក្រសាំង ឃុំត្រពាំងក្រសាំង ស្រុកបាទី ខេត្តតាកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្ដដែលបុកគោនោះមានផ្លាកលេខ ភ្នំពេញ 2AS 4214 ខូចខាតកំណាក់មុខខាងស្ដាំយ៉ាងដំណំ ដែលម្ចាស់រថយន្ដមានឈ្មោះ ភឿក សុភ័ក្រ ។ ក្រោយឃើញរថយន្តខ្លួនខូចខាតម្ចាស់រថយន្តបានទាមទាសំណងថ្លៃជួសជុលរថយន្ដរបស់ខ្លួនចំនួន១លានរៀល តែម្ចាស់សត្វគោមិនហ៊ានចេញមុខមកដោះស្រាយ។

ដោយមិនឃើញមានអ្នកមកទទួលយកសត្វគោនៅកន្លែងកើតហេតុ និងកុំឲ្យមានការកកស្ទះចរាចរណ៍ផង ទើបកម្លាំងប៉ូលីសផ្នែកចរាចរណ៍ស្រុកបាទីសម្រេចលើកយកគោដាក់លើរថយន្តទៅទុកនៅអធិការដ្ឋានស្រុកបាទី រង់ចាំម្ចាស់គោចូលដោះស្រាយជាមួយម្ចាស់រថយន្តតាមនីតិវិធី៕

អត្ថបទ ៖ វីរៈ