វគ្គបណ្តុះបណ្តាល ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ នឹងប្រព្រឹត្ត ៣ ថ្ងៃ

គណៈកម្មាធិការជាតិ រៀបចំការបោះឆ្នោត ថ្ងៃទី ០៤​ ខែកញ្ញា ឆ្នាំ​២០២២ នេះ បានចេញសេចក្តីជូនដំណឹង ស្តីពីវគ្គបណ្តុះបណ្តាល “ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២” ជូន លធ.ខប តំណាងគណបក្សនយោបាយ សមាគម និងអង្គការមិនមែនរាជរដ្ឋាភិបាល។

នៅក្នុង សេចក្តីជូនដំណឹងរបស់គណៈកម្មាធិការជាតិ បានជម្រាបដល់ប្រធាន អនុប្រធាន និងអ្នកបច្ចេកទេសកុំព្យូទ័រនៃលេខាធិការដ្ឋានរាជធានី ខេត្ត រៀបចំការបោះឆ្នោត (លធ.ខប) តំណាងគណបក្សនយោបាយ សមាគម និងអង្គការមិនមែនរដ្ឋាភិបាល។ វគ្គបណ្តុះបណ្តាលនេះ មានរយៈពេល ៣ ថ្ងៃ ចាប់ពីថ្ងៃទី៥ ដល់ថ្ងៃទី​៧ ខែកញ្ញា ឆ្នាំ២០២២ នៅទីស្តីការ គ.ជ.ប វិថីរដ្ឋសភា សង្កាត់ទន្លេរបាសាក់ ខណ្ឌចំការមន រាជធានីភ្នំពេញ។

គួរបញ្ជាក់ថា កម្មវិធីបើក នៅថ្ងៃទី ០៥ ខែកញ្ញា ឆ្នាំ​២០២២ នៅវេលាម៉ោង ៨:០០ នាទី នឹងស្ថិតទៅក្រោមអធិបតីភាព លោក ម៉ុក ដារ៉ា អគ្គលេខាធិការរង គ.ជ.ប។ ចំណែកកម្មវិធីបិទ នៅរសៀលថ្ងៃទី០៧ ស្ថិតក្រោមអធិបតីភាព លោក ទេព នីថា អគ្គលេខាធិការ គ.ជ.ប ៕