សេចក្ដីជូនដំណឹង
ប្រទេស៤ ផ្តល់អាហារូបករណ៍ដល់និស្សិតកម្ពុជានៅក្នុងឆ្នាំ២០២៣នេះ
ប្រទេសល្បីៗចំនួន៤ រួមមាន ប្រទេស ណូវែលហ្សេឡង់ ឥណ្ឌូណេស៊ី តួកគី និងប្រទេសចិន បានប្រកាសផ្តល់អាហារូបករណ៍ដល់និស្សិតកម្ពុជាសម្រាប់ឆ្នាំសិក្សា២០២៣។ អាហារូបករណ៍នេះ មានសម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។

អាហារូបករណ៍តាមរយៈរដ្ឋាភិបាលកម្ពុជាទៅកាន់៤ប្រទេសនេះ គឺមានលក្ខខណ្ឌ និងអត្ថប្រយោជន៍ខុសៗគ្នាទាំងអស់។ ខាងក្រោមនេះ គឺជាអត្ថប្រយោជន៍ និងព័ត៌មានខ្លះៗទាក់ទងជាមួយនឹងអាហាររូបករណ៍ទាំង៤ប្រទេស៖
១.អាហារូបករណ៍ប្រទេស ណូវែលហ្សេឡង់
អាហារូបករណ៍របស់ប្រទេស ណូវែលហ្សេឡង់ ផ្តល់ជូនដល់និស្សិតដែលមានបំណងចង់បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសណូវែលហ្សេឡង់។ ប្រសិនជានិស្សិតមានបំណងដាក់ពាក្យសុំអាហារូបករណ៍ អាចដាក់ពាក្យតាមរយៈ https://scholarship.force.com/Scholar/s/ ។ ផុតកំណត់តទទួលពាក្យ គឺថ្ងៃទី២៣ ខែកុម្ភៈ ឆ្នាំ២០២៣។ មិនត្រឹមតែបើកឱ្យមានការសុំពាក្យអាហារូបករណ៍ប៉ុណ្ណោះទេ ក៏មានជាការធ្វើបទបង្ហាញស្តីពី បែបបទ និងគន្លឹះសំខាន់ៗ ដើម្បីសុំអាហារូបករណ៍ផងដែរ។ ចុះឈ្មោះចូលរួមស្តាប់បទបង្ហាញតាមរយៈ៖ https://goo.gl/CbsEhF ។

២.អាហារូបករណ៍សិក្សានៅប្រទេសឥណ្ឌូណេស៊ី
សម្រាប់ឆ្នាំ២០២៣នេះ ឥណ្ឌូណេស៊ីបានផ្តល់អាហារូបរករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតដល់និស្សិតកម្ពុជាដែលមានបំណងចង់បន្តការសិក្សានៅទីនោះ។ អាហារូបករណ៍នេះ ធ្វើឡើងក្រោមកម្មវិធី Kemitraan Negara Berkembang (KNB) or “the Development Countries Partnership” របស់សាធារណរដ្ឋឥណ្ឌូណេស៊ី។ អាហារូបករណ៍នេះ នឹងរ៉ាប់រងចេញថ្លៃសិក្សារបស់និស្សិត ផ្តល់កន្លែងស្នាក់នៅ ការធានារ៉ាប់រងបញ្ហាសុខភាព ការធ្វើដំណើរទៅមកកម្ពុជា និងឥណ្ឌូណេស៊ី និងអត្ថប្រយោជន៍ផ្សេងៗទៀត។ ប្រសិនជានិស្សិតមានចំណាប់អារម្មណ៍ អាចដាក់ពាក្យតាម https://knb.kemdikbud.go.id/ ។ ផុតកំណត់ ទទួលពាក្យនៅថ្ងៃទី១៨ ខែកុម្ភៈ ឆ្នាំ២០២៣។
៣.អាហារូបករណ៍របស់ប្រទេសតួកគី
ប្រទេសតួកគី បានផ្តល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣។ ប្រទេសតួកគី បានផ្តល់អាហារូបករណ៍ធំទូលាយបំផុត ដោយមានប្រាក់ឧបត្ថម្ភប្រចាំខែ ថ្លៃសិក្សា ការធានារ៉ាប់រងសុខភាព ការស្នាក់នៅ សំបុត្រយន្តហោះ វគ្គសិក្សាភាសាតួកគី ព្រមទាំងមានកម្មវិធីសិក្សា និងវប្បធម៌ដោយឥតគិតថ្លៃផ្សេងទៀត។ មួយវិញទៀត និស្សិត ក៏មានឱកាសបានសិក្សានៅសាកលវិទ្យាល័យល្បីៗក្នុងប្រទេសតួកគីផងដែរ។ និស្សិតអាចដាក់ពាក្យតាមរយៈ https://www.turkiyeburslari.gov.tr/ ។ ផុតកំណត់ទទួលពាក្យនៅថ្ងៃទី២០ ខែកុម្ភៈ ឆ្នាំ២០២៣។
៤.អាហារូបករណ៍ប្រទេសចិន
សាកលវិទ្យាល័យ Renmin ប្រទេសចិន បានផ្តល់អាហារូបករណ៍ថ្នាក់បរិញ្ញាបត្រចាន់ខ្ពស់សម្រាប់និស្សិតកម្ពុជាក្នុងឆ្នាំ២០២៣នេះ។ សម្រាប់និស្សិតដែលមានចំណាប់អារម្មណ៍ត្រូវដាក់ពាក្យតាម http://international.ruc.edu.cn/application។ ផុតកំណត់ទទួលពាក្យនៅថ្ងៃទី៣០ ខែមេសា ឆ្នាំ២០២៣។

សូមជម្រាបថា ប្រសិនជានិស្សិតមានចំណាប់អារម្មណ៍ចង់ដាក់ពាក្យអាហារូបករណ៍ទៅកាន់ប្រទេសណាមួយ គួរត្រៀមលក្ខណៈ និងរៀបចំផែនការសិក្សាឱ្យបានត្រឹមត្រូវ ជាពិសេស គឺផ្នែកភាសាតែម្តង។ និស្សិត ក៏ត្រូវចេះនិយាយ អាន និងសរសេរភាសារបស់ប្រទេសដែលខ្លួនមានបំណងចង់សិក្សា ទើបជាការប្រសើរ៕
ប្រភព៖ ក្រសួងអប់រំ យុវជន និងកីឡា
ដោយ៖ អុន ស្រីមាន

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២៣ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់