ព័ត៌មានជាតិ

៦ មុខជំនាញកំពុងពេញនិយមសិក្សានៅវិទ្យាស្ថានតេជោសែនសាធារណការ ឥតបង់ថ្លៃ

បានផុស

១ year មុន

នៅ

ថ្ងៃពុធ ៦ ធ្នូ ២០២៣

ដោយ

វិទ្យាស្ថានតេជោសែនសាធារណការ និងដឹកជញ្ជូន នៅក្នុងឆ្នាំ២០២៣-២០២៤ នេះ បានប្រកាសជ្រើសរើសសិស្ស-និស្សិត អាហារូបករណ៍ ១០០% សម្រាប់សិស្សឆ្នើម និង ៥០% សម្រាប់សិស្សស្រី ដែលប្រឡងប្រជែងជាប់ដើម្បីសិក្សាលើមុខជំនាញដែលកំពុងមានទីផ្សារចំនួន ៦ មុខជំនាញផ្សេងគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្នាំសិក្សាថ្មីនេះ វិទ្យាស្ថានតេជោសែន សាធារណការ និងដឹកជញ្ជូន នឹងផ្ដល់អាហារូបករណ៍ដល់សិស្សានុសិស្សទាំងអាហារូបករណ៍ ១០០% ចំនួន ៥០នាក់ សម្រាប់និស្សិតឆ្នើម ដែលប្រឡងជ្រើសរើសចូលរៀនជាប់ និងបានលំដាប់ពិន្ទុខ្ពស់ ក្នុងចំណោម ៣០០នាក់ និងអាហារូបករណ៍ ៥០% សម្រាប់និស្សិតជានារី ដែលប្រឡងជ្រើសរើសចូលរៀនជាប់។

មុខជំនាញដែលជាជំនាញកំពុងមានតម្រូវការទីផ្សារការងារ ជាពិសេសនៅក្នុងវិស័យសាធារណការណ៍រួមមានដូចជា៖

១/ សំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ
២/ ប្រព័ន្ធចម្រោះទឹកកង្វក់
៣/ សេដ្ឋកិច្ចនិងការគ្រប់គ្រងការដឹកជញ្ជូនផ្លូវគោក
៤/ គ្រប់គ្រងភស្តុភារកម្មនិងខ្សែច្រវាក់ផ្គត់ផ្គង់
៥/ អ្នកបើកនាវា
៦/ ម៉ាស៊ីននាវា។

សម្រាប់យុវជនដែលចង់ដាក់ពាក្យស្នើសុំអាហារូបករណ៍អាចទៅទទួលពាក្យប្រឡងនៅការិយាល័យសិក្សា នៃវិទ្យាស្ថានតេជោសែន សាធារណការ និងដឹកជញ្ជូន រហូតដល់ថ្ងៃទី០៨ ខែមករា ឆ្នាំ២០២៤ ខាងមុខនេះ៕