ទៅលេង​ស្រុក​ជុំ​បងប្អូន ! កូ​កា​-​កូ​ឡា ចូលរួម​បន្ថែម​ភាពស្រស់​ស្រាយ​នៃ​ថ្ងៃ​ចូលឆ្នាំថ្មី​ប្រពៃណីជាតិ ជាមួយ​គ្រួសារ​ខ្មែរ ដោយមាន​ការចូលរួម​ពី​តារា​រ៉េ​ប វណ្ណដា influencer និង​ចង្កៀងគោម​ផ្កាយ !

ភ្នំពេញ ៖ ថ្ងៃទី​១២ ខែមីនា ឆ្នាំ​២០២៤ ដើម្បី​ចូលរួម​បង្កើន​ភាពស្និទ្ធស្នាល ក្នុងការ​ជួបជុំ​ក្រុមគ្រួសារ​នាឱកាស​បុណ្យចូលឆ្នាំ​ថ្មី​ប្រពៃណីជាតិ កូ​កា​-​កូ​ឡា​កម្ពុជា កំពុង​ធ្វើ​យុទ្ធនាការ “​ជាមួយ​តារា​ល្បីៗ​” ដែលមាន​ការចូលរួម​ពី​តារា​រ៉េ​ប​ដ៏​ល្បី គឺ​លោក វណ្ណដា និង​ចង្កៀងគោម​ផ្កាយ​។

​ថ្ងៃ​ចូលឆ្នាំថ្មី គឺជា​ពេលដែល​ប្រជាពលរដ្ឋ​ទៅលេង​ស្រុក​ជួបជុំ​គ្រួសារ ដើរលេង​កំសាន្ត​ជុំ​មិត្តភក្តិ​។ ដូច្នេះហើយ យុទ្ធនាការ​របស់ កូ​កា​-​កូ​ឡា គឺមាន​គោលដៅ និង​មាន​សមត្ថភាព​ជួយ​បំពេញ​អោយ​ពេលវេលា​ជួបជុំ​នេះ​អោយ​កាន់​តែមាន​ភាព​ស្និទ្ធស្នាល​ជាមួយគ្នា ជាពិសេស​គឺ​ពេល​ញុំ​ា​អាហារ​ជួបជុំ​បងប្អូន ក្នុង​ថ្ងៃបុណ្យ​ចូលឆ្នាំថ្មី​ប្រពៃណី​ជាតិ​។ យុទ្ធនាការ​នេះ លើកទឹកចិត្ត​ឲ្យ​យុវវ័យ​សម័យថ្មី​Gen Z ជាមួយ​ក្រុមគ្រួសារ រក​ឱ្យឃើញ​នូវ​ចំណង់​ចំនូលចិត្ត​ដែល​ប្លែក តែ​ស្រដៀង​គ្នា​។

​យុទ្ធនាការ​នេះ​នឹងមាន​ការ​តាំង​បង្ហាញ ចង្កៀងគោម​ផ្កាយ នៅ​ទីតាំង​សំខាន់ៗ​ទូទាំង​រាជធានី​ភ្នំពេញ និង​ទី​រួម​ខេត្ត​ធំៗ ដូចជា ខេត្តសៀមរាប បាត់ដំបង និង​ព្រះសីហនុ​។ ចង្កៀងគោម​ផ្កាយ​នេះ ក៏មាន​នៅលើ​កេស និង​កំប៉ុង​កូ​កា​-​កូ​ឡា​ផងដែរ​។ គ្រប់គ្នា​អាច​ថតរូប ថត​សែ​ល​ហ្វី ជាមួយនឹង​ចង្កៀងគោម​ផ្កាយ ហើយ​បង្ហោះ​រូបនោះ​លើ​បណ្ដាញ​សង្គម ជា​កាយវិការ​អបអរ​ថ្ងៃ​ដ៏​សប្បាយរីករាយ​នេះ​។ អ្នក​បង្ហោះ​រូប​ចង្កៀងគោម​ផ្កាយ​នេះ នឹងមាន​ឱកាស​ទទួល​បាន​ផលិតផល​កូ​កា​-​កូ​ឡា ៥​កេស​ដែលជា​រង្វាន់​ផងដែរ​។

វីដេអូ​ចលនា​លឿន (time-lapse) នៃ​ចង្កៀងគោម​ផ្កាយ បាន​ផលិត និង​បង្ហោះ​នៅលើ​ប្រព័ន្ធ​ផ្សព្វផ្សាយ​សង្គម​។​

Influencer ល្បីៗ ដូចជា រាជ​នី​, សេង ហួរ​, សា​លីន​ដា និង ហេង វាសនា ដែលមាន​អ្នកតាមដាន រាប់សែន​នាក់ ដែល​តែងតែ​បង្ហោះ​ទំនាក់ទំនង​ដ៏​ស្និទ​ស្នាល​ជាមួយ​អ្នកផ្ទះ ក៏​នឹង​ចេញ​វីដេអូ​ឃ្លី​ប​ជា​ភាគ​ដែល​បង្ហាញ​ពី​ភាពស្និទ្ធស្នាល​របស់​ពួកគេ​ជាមួយ​អ្នកផ្ទះ ជាពិសេស​គឺ​ម្តាយ​របស់​ពួកគេ​ផងដែរ​។ បវរកញ្ញា​ពិភពលោក​កម្ពុជា (Miss World Cambodia) ឆ្នាំ ២០២១ កញ្ញា សារី សុ​វ​ត្តី នឹង​បង្ហោះ​វីដេអូ​ដើម្បី​សួរ​សំណួរ​មួយចំនួន ដូចជា «​តើ​ទំនាក់ទំនង​របស់​អ្នក​ជាមួយ​គ្រួសារ ជាពិសេស​ប៉ា​ម៉ាក់ មាន​លក្ខណៈ​ជិតស្និទ្ធ​កម្រិតណា​ដែរ​?» វីដេអូ​ភាគ​នេះ​មាន​គោលបំណង លើកទឹកចិត្ត​ទស្សនិកជន​អោយ​សួរ​ខ្លួនឯង ថា​តើ​ពួកគាត់​និង​គ្រួសារ មាន​ចំណង់​ចំណូលចិត្ត​ប្លែកៗ​អ្វីខ្លះ​ដែល​ដូចគ្នា​។ លោក វណ្ណដា ដែលជា​តារា​រ៉េ​ប​ដ៏​ល្បី និង​ជា BA របស់ កូ​កា​-​កូ​ឡា កម្ពុជា ក៏​ចូលរួម​ក្នុង​យុទ្ធនាការ​នេះ​ផងដែរ​។

លោក Leonardo Garcia អគ្គនាយក​ក្រុមហ៊ុន​កូ​កា​-​កូ​ឡា ប្រចាំ​កម្ពុជា និង​វៀតណាម មានប្រសាសន៍ថា «​ពិធីបុណ្យ​ចូលឆ្នាំ​ខ្មែរ គឺជា​ពេលវេលា​ដ៏​ពិសេស​ប្រចាំឆ្នាំ ដែល​បងប្អូន​ខ្មែរ​និយម​ជួបជុំ​គ្រួសារ និង​ញាំ​អាហារ​ជុំគ្នា​។ ថ្ងៃ​ធម្មតា ប្រជាពលរដ្ឋ​ខ្មែរ​មានការ​រវល់​រៀងៗ​ខ្លួន ប៉ុន្តែ​ក្នុង​ថ្ងៃ​ចូលឆ្នាំថ្មី ពួកគាត់​រវល់​តែ​រឿង​តែមួយ​ប៉ុណ្ណោះ គឺ​រវល់​ទៅ​ស្រុក​ជួបជុំ​បងប្អូន​សាច់ញាតិ និង​ញុំ​ា​អាហារ​ជុំគ្នា​។ ហើយ កូ​កា​-​កូ​ឡា កម្ពុជា ក៏​ចង់​ចូលរួម​ជួយ​ឲ្យ​ឱកាស​ជួបជុំ​នេះ កាន់តែ​មានន័យ ជាមួយនឹង​រសជាតិ​ដ៏​ពេញនិយម​របស់​ភេសជ្ជៈ​កូ​កា​-​កូ​ឡា​»​។

លោក Leonardo បាន​បន្ថែមថា «​ជាការ​ពិតណាស់ថា បងប្អូន​ខ្មែរ​ជាទូទៅ មានឱកាស​ទៅលេង​ស្រុកកំណើត​ក្នុង​ថ្ងៃ​ចូលឆ្នាំ ប៉ុន្តែ​ក៏មាន​បងប្អូន​ខ្លះទៀត ដែល​មិនអាច​ទៅបាន​។ យុទ្ធនាការ​របស់​យើង ក៏​ធ្វើឡើង​សម្រាប់​បងប្អូន​ដែល​មិនបាន​ទៅ​ស្រុក​ដែរ ព្រោះ​មែនទែនទៅ ការជួបជុំ​ក៏​អាច​ធ្វើឡើង​នៅក្រៅ​ផ្ទះ​បានដែរ​»​។

ចង្កៀងគោម​ផ្កាយ​របស់​កូ​កា​-​កូ​ឡា កម្ពុជា បាន​ចាប់​តាំង​បង្ហាញ​ហើយ នៅ​ទូទាំង​រាជធានី​ភ្នំពេញ និង​ទី​រួម​ខេត្ត​ធំៗ ដូចជា សៀមរាប បាត់ដំបង និង​ព្រះសីហនុ​។

​យុទ្ធនាការ​នេះ ក៏មាន​ផ្សព្វផ្សាយ​នៅតាម​ផ្ទាំង​ប៉ាណូ និង​ប្រព័ន្ធ​ផ្សព្វផ្សាយ​សង្គម​ផងដែរ​។​

​សូមបញ្ជាក់ថា ក្រុមហ៊ុន ខេ​ម​បូ​ឌា បេ​វេ​រេ​ដ ខម​ប៉ានី លី​មី​ធី​ត (​កូ​កា​-​កូ​ឡា​) ជា​ក្រុមហ៊ុន​ផលិត​និង​ចែកចាយ​ភេសជ្ជៈ​គ្មាន​ជាតិ​ស្រវឹង​ឈានមុខ​គេ​នៅក្នុង​ព្រះរាជា ណា​ចក្រ​កម្ពុជា​។ រោងចក្រ​ដ៏​ទំនើប​របស់​យើង (​សម្ពោធ​ដាក់ឱ្យ​ដំណើរការ​ក្នុង​ឆ្នាំ​2016) មាន​ទីតាំង​នៅក្នុង​តំបន់​សេដ្ឋកិច្ច​ពិសេស​ភ្នំពេញ ដែលជា​តំបន់​សេដ្ឋកិច្ច​ឈានមុខ​គេ​មួយ​នៅ​រាជធានី​ភ្នំពេញ​។ កូ​កា​-​កូ​ឡា​កម្ពុជា ជា​ក្រុមហ៊ុន​បុត្រ​សម្ព័ន្ធ 100% របស់​ក្រុមហ៊ុន ស្វាយ​អឺ កូ​កា​-​កូ​ឡា ដែលជា​ក្រុមហ៊ុន​ដៃគូ​ផលិត​និង​ចែកចាយ​កូ​កា​-​កូ​ឡា​ធំ​បំផុត​លំដាប់​ទី​5​លើ​ពិភពលោក​ផ្អែកលើ​បរិមាណ នៃ​ក្រុមហ៊ុន The Coca-Cola Company ដោយមាន​សិទ្ធិផ្តាច់មុខ​ក្នុង​ការផលិត ធ្វើ​ទីផ្សារ និង​ចែកចាយ​ផលិតផល​របស់​ក្រុមហ៊ុន The Coca-Cola Company នៅ​កម្ពុជា វៀតណាម ចិនដីគោក និង​ប៉ែក​ខាងលិច​នៃ​សហរដ្ឋអាមេរិក​។

​ក្រុមហ៊ុន ខេ​ម​បូ​ឌា បេ​វេ​រេ​ដ ខម​ប៉ានី លី​មី​ធី​ត (​កូ​កា​-​កូ​ឡា​) ផលិត​ភេសជ្ជៈ​ចំនួន 18 មុខ មាន 10 ម៉ាក​ផលិតផល (10 Brands)៖ កូ​កា​-​កូ​ឡា ស្ព្រៃ ហ្វា​ន់តា ស្វេ​ប ដា​សានី ហ្វ្យូ​ស​ធី អា​ឃ្វ័​រ​រៀស ថាំ​ស៍អាប់​ឆា​ច សាំ​ម៉ូ​រ៉ៃ ព្រី​ឌេ​ត​ទ័​រ (Coca-Cola, Sprite, Fanta, Schweppes, Dasani, Fuze Tea, Aquarius, Thums Up Charged, Samurai, Predator) ដែល​ក្នុងនោះ​ចែកចេញជា​6​ប្រភេទ រួមមាន ភេសជ្ជៈ​មាន​ជាតិ​ហ្គាស (Sparkling) តែ (Tea) ភេសជ្ជៈ​ប៉ូវ​កំលាំង (Energy Drinks) ទឹក​(Water) ភេសជ្ជៈ​បំពេញ​ជាតិ​ទឹក (Isotonic) និង​ភេសជ្ជៈ​ជំនួយ​រាងកាយ​និង​ស្មារតី (Invigorating) ​ដែល​កំពុង​ផ្គត់ផ្គង់​ដល់​អតិថិជន នៅ​ទូទាំង​ព្រះរាជាណាចក្រ​កម្ពុជា​។

​កូ​កា​-​កូ​ឡា​កម្ពុជា មាន​បុគ្គលិក​ប្រមាណ​ជាង 830​នាក់ កំពុង​បំពេញការងារ​ដោយផ្ទាល់ និង​ប្រមាណ​ជាង 8,000​នាក់​ទៀត​បំពេញការងារ​ដោយ​ប្រយោល នៅ​ទូទាំងប្រទេស​។ ក្រុមហ៊ុន​ពិតជា​មាន​មោទនភាព ដែលមាន​បុគ្គលិក​ជា​ជនជាតិខ្មែរ​លើសពី 99.7% ដែល​ក្នុងនោះ ស្ត្រី​ជាង ៦0% ហើយ​ស្ត្រី​កាន់​តួនាទី​ក្នុងគណៈ​គ្រប់គ្រង​ជាន់ខ្ពស់​ក្រុមហ៊ុន​មាន​រហូតដល់​ទៅ​37% ។ ក្រុមហ៊ុន​ប្តេជ្ញា​នឹង​លើកកម្ពស់​ស្ត្រី ដើម្បី​សម្រេច​ឱ្យបាន​ចំនួន​បុគ្គលិក​ជា​ស្ត្រី 50% នៅត្រឹម​ឆ្នាំ 2030​។ រាល់​សកម្មភាព​របស់​ក្រុមហ៊ុន​តែងតែ​ផ្សារភ្ជាប់​ជាមួយ​គោលដៅ​ចីរភាព​ជានិច្ច​។ នៅ​ឆ្នាំ 2030 យើង​មាន​គោលដៅ​ប្រមូល​កែច្នៃ​ដប​ប្លា​ស្ទិ​ក ឬ​កំប៉ុង​ឱ្យបាន 100% ស្មើនឹង​ចំនួន​សំបក​វេច​ខ្ចប់​ផលិតផល​ដែល​បាន​លក់​ចេញ និង​ប្រើប្រាស់​វត្ថុធាតុដើម​កែច្នៃ​ឡើងវិញ​ឱ្យបាន 50% នៃ​សំបក​វេច​ខ្ចប់​ផលិតផល​របស់​យើង​។ យើង​ប្តេជ្ញា​រក្សា​ភាពស្រស់​បំព្រង​នៃ​ធម្មជាតិ និង​ផ្តល់ជូន​សហគមន៍​វិញ​នូវ​ទឹក​ដែល​យើង​បាន​ប្រើប្រាស់​ក្នុង​ភេសជ្ជៈ និង​ក្នុង​ច្រ​វ៉ា​ក់​ផលិតកម្ម​។ យើង​កំពុង​បំពេញបេសកកម្ម​ផ្តល់ និង​រក្សា​ធនធានទឹក នៅ​គ្រប់​ទីកន្លែង​ដែល​យើង​ធ្វើ​អាជីវកម្ម ពោលគឺ​ទីតាំង​ផលិត​ធាតុ​ផ្សំ និង​ទីតាំង​ទាំងឡាយណា​ដែលជា​ផ្នែក​ពាក់ព័ន្ធ​នៃ​អាជីវកម្ម​របស់​យើង​។​

​សម្រាប់​ព័ត៌មាន​បន្ថែម សូម​ចូលទៅ​កាន់​គេហទំព័រ​៖ www.cbcl.com.kh ឬ​ចូលទៅ​កាន់​ទំព័រ​ហ្វេ​ស​ប៊ុ​ក​ផ្លូវការ​របស់​យើង​៖ Cambodia Beverage Company Ltd​។ សម្រាប់​ព័ត៌មាន​បន្ថែម​៖ កញ្ញា សម្បត្តិ មុនី​វរលក្ខណ៍ តាមរយៈ​អ៉ី​មែ​ល [email protected] ៕