សេចក្ដីជូនដំណឹង

ទទួលបទពិសោធន៍ដ៏រំភើបពី SkyFest 2.0 – ព្រឹត្តិការណ៍បង្ហោះខ្លែងអន្តរជាតិដ៏ធំឆ្នាំ 2024 នៅ Bay of Lights ខេត្តព្រះសីហនុ ប្រទេសកម្ពុជា

បានផុស

១០ ខែ មុន

នៅ

ថ្ងៃចន្ទ ១៨ មីនា ២០២៤

ដោយ

ត្រៀមខ្លួនអារម្មណ៍រំភើប ថ្មី ប្លែក ជាមួយ ព្រឹត្តិការណ៍បង្ហោះខ្លែងអន្តរជាតិដ៏ធំ SkyFest 2.0 ឆ្នាំ ២០២៤ ដែលមិនធ្លាប់មានពីមុនមក នៅ Bay of Lights ខេត្តព្រះសីហនុ ចាប់ពីថ្ងៃទី 30-31 ខែមីនា ឆ្នាំ 2024។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

SkyFest 2.0 មានសេចក្តីរំភើបរីករាយក្នុងការប្រកាសអ្នកឧបត្ថម្ភធំ ៗជាផ្លូវការ របស់ខ្លួន។ ក្នុងនោះ Sting Cambodia (Cambrew) ដោយសហការជាមួយ Caltex ជាអ្នកឧបត្ថមទៅលើ title sponsor ផ្លូវការដែលដើរតួនាទីយ៉ាងសំខាន់ក្នុងការនាំយកព្រឹត្តិការណ៍ដ៏អស្ចារ្យនេះ ឱ្យទទួលបានផ្លែផ្កាលើសការរំពឹងទុក។ លើសពីនេះ PPCBank ជាដៃគូសហការទូទាត់ប្រាក់ផ្លូវការ ខណៈដែល Nham24 មានមោទនភាពជាដៃគូសហការលក់សំបុត្រជាផ្លូវការក្នុងព្រឹត្តិការណ៍បង្ហោះខ្លែងអន្តរជាតិ Skyfest 2.0។

រីករាយជាមួយភាពរំភើបនៃ SkyFest 2.0 ជាមួយនឹងសកម្មភាពដ៏សម្បូរបែបនៃសកម្មភាពគួរឱ្យចាប់អារម្មណ៍ដែលរៀបចំឡើងសម្រាប់អ្នកចូលរួមគ្រប់វ័យ។សកម្មភាពសប្បាយរីករាយជាច្រើនមានដូចជា ៖ ទស្សនាការបង្ហោះខ្លែងដ៏ធំបំផុត, សិក្ខាសាលារបៀបធ្វើខ្លែងខ្មែរ, សកម្មភាពកម្សាន្ត សប្បាយៗជាច្រើនលើឆ្នេរសមុទ្រ, រីករាយជាមួយការរាំលេងកម្សាន្តសប្បាយជាមួយឌីជេ ល្បីៗ, ភ្លក់អាហារឆ្ងាញ់ៗនៅភូមិអាហារ, រីករាយជាមួយតង់លក់វត្ថុអនុស្សាវរីយ៍ពីកម្មវិធីផ្ទាល់, ការប្រគំតន្ត្រីរបស់សិល្បករល្បីៗ និងការប្រកួតធ្វើខ្លែងច្នៃប្រឌិត ព្រមទាំងសកម្មភាពកម្សាន្ត សប្បាយៗជាច្រើនទៀត ។

សូមបញ្ជាក់ផងដែរថា ព្រឹត្តិការណ៍ដ៏អស្ចារ្យនេះ គឺជាលើកទី ២ ដែលនឹងធ្វើឡើងនៅ ថ្ងៃទី ៣០-៣១ ខែមីនា ឆ្នាំ ២០២៤ ខាងមុខនេះហើយ នៅទីតាំង Bay of Lights, ក្រុងព្រះសីហនុ ។ កុំភ្លេចចូលរួមកម្សាន្តសប្បាយទាំងអស់គ្នាក្នុងព្រឹត្តិការណ៍ SkyFest 2.0 ដែលរៀបចំឡើងក្នុងគោលបំណងលើកកម្ពស់ការថែរក្សាវប្បធម៌ប្រពៃណីជាតិ ដើម្បីឱ្យ យុវជនជំនាន់ក្រោយបានយល់ដឹង និងចេះស្រឡាញ់ថែរក្សានូវអ្វីដែលខ្មែរមាន ហើយវាក៏ជា និមិត្តរូបនៃភាពធន់ ភាពច្នៃប្រឌិត និងសក្តានុពលគ្មានទីបញ្ចប់ ។ មិនត្រឹមតែប៉ុណ្ណោះ SkyFest 2.0 លើកទី ២ គឺជាការបង្កើតព្រឹត្តិការណ៍បង្ហោះខ្លែងអន្តរជាតិដ៏ធំនេះឡើង ដើម្បី លើកកម្ពស់វិស័យទេសចរណ៍នៅខេត្តព្រះសីហនុ ឱ្យកាន់តែប្រសើរឡើង នឹងមានសក្តានុពល ជាងមុន។

ក្រុមហ៊ុន ខានូភី សែន ឌីវេឡុបម៉ិន ជាអ្នកអភិវឌ្ឍន៍ដ៏ធំ នៅពីក្រោយការអភិវឌ្ឍគម្រោង Bay of Lights មានសេចក្តីរីករាយក្នុងការពាំនាំនូវព្រឹត្តិការណ៍បង្ហោះខ្លែង SkyFest 2.0 ខ្នាតអន្តរជាតិជាលើកទី ២ នៅក្នុងប្រទេសកម្ពុជា ដែលមិនធ្លាប់មានពីមុនមក។ ក្រុមហ៊ុនរំពឹងថា នឹងមានអ្នកចូលរួមបង្ហោះខ្លែង និងអ្នកទស្សនារាប់ម៉ឺននាក់នៅ Bay of Lights ។ SkyFest 2.0 គឺជាព្រឹត្តិការណ៍ដ៏អស្ចារ្យមួយដែលនឹងរៀបចំឡើងក្រោមស្មារតីតែមួយ ដើម្បីជួបជុំ និងប្រមូលផ្តុំមហាគ្រួសារខ្មែរ តាមរយៈវប្បធម៌ប្រពៃណីក្រោមការ បំផុសគំនិត និងលើកទឹកចិត្តយុវជនជំនាន់ក្រោយឱ្យហ៊ានឈោងចាប់ក្តីស្រមៃ និងធើ្វអ្វីដែលលើសពីការរំពឹងទុក។

ដោយមានការសហការរៀបចំដោយ ក្រុមហ៊ុន Kilat Events Co., Ltd កម្មវិធី «SkyFest» រៀបចំឡើងក្នុងគោលបំណង បង្ហាញពីការប្តេជ្ញាចិត្តយ៉ាងខ្ជាប់ខ្ជួនក្នុងការថែរក្សាប្រពៃណីបង្ហោះខ្លែងខ្មែរឱ្យបានគង់វង្សជានិរន្តក្នុងប្រទេសកម្ពុជាសម្រាប់យុវជនជំនាន់ក្រោយ។

ព្រឹត្តិការណ៍នេះ ក៏នឹងអញ្ជើញសិស្សានុសិស្សមកពីខេត្តព្រះសីហនុ និងរាជធានីភ្នំពេញឱ្យចូលរួម ក្នុងសកម្មភាពផ្សេងៗ ដើម្បីសិក្សាស្វែងយល់ពីសារៈសំខាន់នៃការលើកតម្កើង និងបំផុសគំនិតឱ្យពួកគេចេះស្រលាញ់វប្បធម៌ប្រពៃណីជាតិ ក៏ដូចជាយល់ដឹងពីការរចនាខ្លែងខ្មែរ ដែលបានបង្ហាញនៅលើឆាកអន្តរជាតិ ដែលជាផ្នែកមួយនៃកិច្ចខិតខំប្រឹងប្រែងសម្រាប់ទំនួលខុសត្រូវសង្គមរបស់សាជីវកម្ម ក្រុមហ៊ុន ខានូភី សែន ឌីវេឡុបម៉ិន។

អ្នកចូលរួមក្នុងកំឡុងថ្ងៃព្រឹត្តិការណ៍ ក៏អាចចូលរួមក្នុងវគ្គបណ្តុះបណ្តាលខ្លី ស្តីពីការធ្វើខ្លែងឯក និងអាចនាំយកខ្លែង ដែលរចនាដោយខ្លួនឯងទៅចូលរួម ក្នុងការប្រកួតការធ្វើ និងរចនាខ្លែង ដែលក្នុងនោះ ជ័យលាភីលេខ១នឹងទទួលបាន Laptop មួយគ្រឿង, ជ័យលាភីលេខ២នឹងទទួលបាន TABLET មួយគ្រឿង, ជ័យលាភីលេខ២នឹងទទួលបាន SMARTWATCH មួយគ្រឿង (សម្រាប់ការចូលរួមរបស់សិស្សានុសិស្ស) ។

មិនត្រឹមតែប៉ុណ្ណោះ ក្នុងព្រឹត្តិការណ៍ SkyFest 2.0 ក្រៅពីការបង្ហោះខ្លែងខ្មែរ ក៏មានការចូលរួមបង្ហោះខ្លែងពីក្រុមអន្តរជាតិមកពី ៨ ប្រទេស រួមមាន សិង្ហបុរី ថៃ វៀតណាម ម៉ាឡេស៊ី ឥណ្ឌូនេស៊ី បារាំង ចិន និងហ្វីលីពីន ដោយក្រុមនីមួយៗនឹងបង្ហាញខ្លែងគ្រប់ទំហំ និងរូបរាងប្លែកៗពីគ្នា ។ លើសពីនេះព្រឹត្តិការណ៍ SkyFest 2.0 នឹងផ្តល់ឱ្យអ្នកចូលរួមនូវឱកាសរៀនធ្វើខ្លែងខ្មែរ ពីអ្នកជំនាញ ដែលជាបទពិសោធន៍ថ្មី នឹងចំណេះដឹងថ្មី សម្រាប់យុវជនជំនាន់ក្រោយ។

ក្នុងថ្ងៃកម្មវិធីក៏នឹងមានការតាំងលក់អាហារសម្រន់ឆ្ងាញ់ៗជាច្រើន និងភេសជ្ជៈក្នុងថ្ងៃព្រឹត្តិការណ៍នេះផងដែរ ។ ក្រៅពីនេះក៏មានការសម្តែងពីDJដ៏ល្បីល្បាញ៖ DJ BREE, DJ ONUR PEKINOZ, DJ-RAM, DJ LEFTY STRYKER, DJ-CHILL BILL និងសិល្បកររបស់កម្ពុជា គឺ កញ្ញា Siryka កញ្ញា Nie votey, កញ្ញា Tey$ និង កញ្ញា Socheataa បានអញ្ជើញមកសម្តែងក្នុងព្រឹត្តិការណ៍បង្ហោះខ្លែងអន្តរជាតិដ៏ធំ SkyFest 2.0 ឆ្នាំ ២០២៤ ។

កុំខកខានឱកាសរបស់អ្នកក្នុងការក្លាយជាផ្នែកនៃការជួយលើកស្ទួយអភិរក្សវប្បធម៌ខ្មែរ។ ចូលរួមជាមួយពួកយើងនៅ SkyFest 2.0 ហើយចាប់ផ្តើមដំណើរកម្សាន្តដែលមិនអាចបំភ្លេចបានដោយអបអរសាទរប្រពៃណី ភាពច្នៃប្រឌិត និងការរួបរួម។

សម្រាប់សំបុត្រព្រឹត្តិការណ៍បង្ហោះខ្លែងអន្តរជាតិដ៏ធំ SkyFest 2.0 នេះបានដាក់លក់នៅក្នុង Nham24 App ព្រមទាំងមានការបញ្ចុះតម្លៃរហូតដល់ 𝟑𝟎%បន្ថែមទៀត។

តាមរយះតំណរខាងលើ៖ https://go24.app/NkUTCpZkrvbd7Ff98