សេចក្ដីជូនដំណឹង
អាជ្ញាធរខេត្តតាកែវ ចេញមុខបំភ្លឺ ក្រោយមានការរិះគន់ស្មៅនិងកូនឈើងាប់នៅតាមទ្រូងផ្លូវជាតិលេខ៣
មន្ទីរសាធារណការ និងដឹកជញ្ជូនខេត្តតាកែវ បានចេញមកបំភ្លឺថា តំបន់ស្មៅ និងកូនឈើងាប់ ដោយសារខ្វះការថែទាំ និងស្រោចទឹក នៅតាមទ្រូងផ្លូវជាតិលេខ ៣ ពុំមែនស្ថិតនៅក្រោមការគ្រប់គ្រងក្នុងដែនសមត្ថកិច្ចរបស់ខ្លួនឡើយ។
ការចេញមកបកស្រាយបំភ្លឺនេះ បន្ទាប់ពីមានករណីការចុះផ្សាយតាមបណ្តាញសង្គមហ្វេសប៊ុក(Facebook) របស់គណនី ឈ្មោះ ហង្ស សំណាង Hang Somnang កាលពីថ្ងៃទី២២ ខែ មេសា ឆ្នាំ២០២៤ ដោយដាក់ចំណងជើងថា កែវតាបងអើយ(ចប់ហើយ) ដែលក្នុងការចុះផ្សាយគឺពាក់ព័ន្ធនឹងកូនឈើនៅតាមទ្រូងផ្លូវជាតិលេខ៣មានការងាប់ច្រើន ។
ក្រោយការចុះផ្សាយនេះ សាធារណជនដែលនិយមលេងបណ្តាញសង្គមហ្វេសប៊ុក បានដាក់បន្ទុក និងរិះគន់អាជ្ញាធរខេត្តតាកែវ ថាខ្វះការយកចិត្តទុកដាក់ ទើបបណ្តាលឱ្យស្មៅ និងកូនឈើជាច្រើនងាប់ជាបន្តបន្ទាប់។
យ៉ាងណាមិញ សេចក្តីបំភ្លឺរបស់មន្ទីរសាធារណការ និងដឹកជញ្ជូនខេត្តតាកែវ ចុះថ្ងៃទី ២៣ ខែ មេសា បានអះអាងថា ការចុះផ្សាយខាងលើនេះ គឺគ្មានមូលដ្ឋានច្បាស់លាស់ មានលក្ខណៈបង្កាច់បង្ខូច ញុះញង់ ប្រើពាក្យសម្តីមិនសមរម្យប៉ះពាល់ដល់កិត្តិយសថ្នាក់ដឹកនាំខេត្តតាកែវ ។
មន្ទីរសាធារណការខេត្តតាកែវ បញ្ជាក់ថា៖«ទីតាំងគោលដៅដែលគណនីឈ្មោះខាងលើ បានចុះផ្សាយគឺនៅលើចំណុចផ្លូវជាតិលេខ ៣ ចន្លោះ គ.ម ៤៨ – ៤៩ ស្ថិតនៅក្នុងឃុំព្រៃវិហារ ស្រុកគងពិសី ខេត្តកំពង់ស្ពឺ ដែលទីតាំងនេះស្ថិតក្រោម ការគ្រប់គ្រងថែទាំរបស់មន្ទីរសាធារណការ និងដឹកជញ្ជូនខេត្តកំពង់ស្ពឺ នៃខេត្តកំពង់ស្ពឺ» ។
ប្រភពដដែលបន្តថា ជាក់ស្ដែងមន្ទីរសាធារណការ និងដឹកជញ្ជូនខេត្តតាកែវ គ្រប់គ្រង និងថែទាំកំណាត់ផ្លូវនេប្រវែង ៣០គីឡូម៉ែត្រ ចាប់ពី គ.ម ៦៦+០០០ (ខាងត្បូងស្ពានស្លាគូរ) ដល់ គ.ម ៩៦+០០០
(នរាយណ៍ ព្រំប្រទល់ខេត្ត តាកែវ-ខេត្តកំពត)។
បន្ថែមពីនេះ មន្ទីរសាធារណការខេត្តតាកែវ បញ្ជាក់ថា សម្រាប់កំណាត់ទីតាំងដែលស្ថិតនៅក្រោមការគ្រប់គ្រងរបស់ខ្លួន គឺបានយកចិត្តទុកដាក់ចំពោះកូនឈើតាមបណ្ដោយទ្រូងផ្លូវនេះ ដោយមានឡានស្រោចទឹករាល់ថ្ងៃជាប្រចាំ៕
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ