Connect with us

សេចក្ដីជូនដំណឹង

ស្វែងយល់អំពីសាកលវិទ្យាល័យល្បីៗមកពីទ្វីបអឺរ៉ុបក្នុងកម្មវិធីពិព័រណ៍សិក្សានៅអឺរ៉ុប ដែលប្រព្រឹត្តទៅក្នុងរយៈពេលពីរថ្ងៃ

បានផុស

នៅ

សិស្សនិស្សិតកម្ពុជាដែលកំពុងតែស្វែងរកការអប់រំលំដាប់ពិភពលោកនឹងមកជួបជុំគ្នានៅ Factory ភ្នំពេញ ដើម្បីចូលរួមក្នុងកម្មវិធីដ៏វិសេសវិសាលគឺកម្មវិធី ពិព័រណ៍ការសិក្សានៅអឺរ៉ុបឆ្នាំ ២០២៤ ដែលនឹងប្រព្រឹត្តិទៅ នៅថ្ងៃទី ២៤ និង ២៥ ខែតុលា ឆ្នាំ២០២៤ ខាងមុខនេះ។ ព្រឹត្តិការណ៍ដ៏អស្ចារ្យនេះនឹងផ្តល់នូវឱកាសដ៏ពិសេស ដើម្បីឱ្យសិស្សនិស្សិតកម្ពុជាបានស្វែងរកកម្មវិធីសិក្សាដែលខ្លួនចាប់អារម្មណ៍ ពិភាក្សាពីកម្មវិធីអាហារូបករណ៍ និងមានលទ្ធភាពផ្លាស់ប្តូរព័ត៌មានជាមួយសាកលវិទ្យាល័យកំពូលៗនៅអឺរ៉ុបជាង ៣០សាកលវិទ្យាល័យគ្រប់គ្នាអាចចូលរួមក្នុងពិព័រណ៍នេះដោយសេរី ហើយចំនួនអ្នកចូលរួមជាសិស្ស និស្សិតអាចនឹងមានចំនួនដល់ទៅជាង ១៦០០ នាក់ ដែលពួកគេសុទ្ធសឹងតែចង់ស្វែងយល់បន្ថែមអំពីការសិក្សានៅអឺរ៉ុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះនឹងត្រូវបើកសម្ពោធជាផ្លូវការដោយតំណាងជាន់ខ្ពស់មកពីក្រសួងអប់រំ យុវជន និងកីឡា (MoEYS) និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) រួមជាមួយនឹងវត្តមានដ៏ខ្ពង់ខ្ពស់របស់ឯកអគ្គរដ្ឋទូតសហភាពអឺរ៉ុប ឯកឧត្តម អ៊ីហ្កូ ទ្រីសម៉ាន់ (Igor Driesmans) ផងដែរ។ ពិព័រណ៍នេះត្រូវបានរៀបចំឡើងជាពិសេសដើម្បីជួយជ្រោមជ្រែងសិស្ស និស្សិតកម្ពុជាឱ្យបោះជំហានឆ្ពោះទៅរកការអប់រំលំដាប់ពិភពលោកនៅក្នុងទ្វីបអឺរ៉ុប។
 
មិនត្រឹមតែប៉ុណ្ណោះ នៅក្នុងកម្មវិធីដ៏អធឹកអធមនេះ ក៏នឹងមានតំណាងមកពីសាកលវិទ្យាល័យនានានៅទូទាំងទ្វីបអឺរ៉ុប រួមមានអ្នកតំណាងមកពីប្រទេសបារាំង អាល្លឺម៉ង់ បែលហ្សិក អ៊ីតាលី និងប្រទេសជាសមាជិកជាច្រើនទៀត ដែលពួកគេនឹងមកផ្តល់នូវការប្រឹក្សាដោយផ្ទាល់ជាមួយសិស្ស និស្សិត ដែលបានចូលរួម ឱ្យយល់កាន់តែច្បាស់អំពីជម្រើសនៃការសិក្សានានា ចាប់ពីកម្មវិធីថ្នាក់បរិញ្ញាបត្រ ថ្នាក់ក្រោយឧត្តមសិក្សា និងជាពិសេសព័ត៌មានស្តីពីអាហារូបករណ៍ដូចជា កម្មវិធី Erasmus+ ជាដើម។ សិស្ស និស្សិតដែលចូលរួម ក៏នឹងមានឱកាសជួបជាមួយអតីតនិស្សិតកម្ពុជា ដែលបានទៅសិក្សានៅទ្វីបអឺរ៉ុប និងបានស្តាប់ដោយផ្ទាល់អំពីបទពិសោធន៍របស់ពួកគេ ព្រមទាំងស្វែងយល់ ថាតើការសិក្សានៅបរទេសពិតជាបានផ្លាស់ប្តូរជីវិតរបស់ពួកគេយ៉ាងណាផងដែរ។
 
ឯកឧត្តម អ៊ីហ្កូ ទ្រីសម៉ាន់ (Igor Driesmans) ឯកអគ្គរដ្ឋទូតសហភាពអឺរ៉ុបមានប្រសាសន៍ថា៖ «អឺរ៉ុបផ្តល់ឱកាសជាសាកលសម្រាប់និស្សិតកម្ពុជា។ ចាប់ពីសាកលវិទ្យាល័យលំដាប់កំពូលៗ រហូតដល់ការផ្តល់នូវបទពិសោធន៍ដ៏មានតម្លៃដែលអាចផ្លាស់ប្តូរជីវិតរបស់និស្សិតដែលបានសិក្សានៅទីនោះ ហើយការសិក្សានៅអឺរ៉ុបមានន័យថាពួកគេទទួលបានជំនាញដ៏មានតម្លៃ និងបានស្គាល់នូវវប្បធម៌ថ្មីៗទៀតផង។ យើងសូមលើកទឹកចិត្តសិស្ស និស្សិតគ្រប់រូបដែលមានក្តីសុបិន្ត ឱ្យចូលរួមជាមួយយើងនៅក្នុងកម្មវិធីពិព័រណ៍ ហើយនិងបោះជំហានទីមួយដ៏សំខាន់នេះ ដើម្បីឆ្ពោះទៅកាន់អនាគតដ៏ភ្លឺស្វាង»

ពិព័រណ៍ការសិក្សានៅអឺរ៉ុបឆ្នាំ ២០២៤ ក៏បានបញ្ជូលនូវកម្មវិធីកម្សាន្តផងដែរ! សិស្ស និស្សិតអាចរីករាយជាមួយហ្គេមសប្បាយៗ ព្រមទាំងអាចចូលរួមកម្មវិធីកីឡា ដែលរៀបចំដោយ ក្រុមហ៊ុន Decathlon និងជាពិសេសទៅទៀតនោះអាចភ្លក់រសជាតិអាហារអឺរ៉ុបដ៏ឆ្ងាញ់ពិសា ដែលនាំមកជូនដោយក្រុមហ៊ុនដ៏ល្បីល្បាញ គឺក្រុមហ៊ុន Thalias Group។ មិនថាអ្នកជាអ្នកនិយមភ្លក់អាហារឆ្ងាញ់ៗ ឬអ្នកចូលចិត្តកីឡានោះទេ អ្នកនឹងទទួលបានបទពិសោធន៍ដែលមិនអាចបំភ្លេចបាន ព្រមទាំងមានឱកាសទទួលបាននូវចំណេះដឹងថ្មីៗស្តីអំពីការទៅសិក្សានៅអឺរ៉ុបទៀតផង។
 
សិស្ស និស្សិតអាចចុះឈ្មោះចូលរួមដោយឥតគិតថ្លៃ បានតាមអាសយដ្ឋាននេះ  http://www.studyineuropeKh.com ។ ប្រញាប់រួសរាន់ឡើង ព្រោះសំបុត្រមានកំណត់ ចុះឈ្មោះឥឡូវនេះដើម្បីទទួលបានកន្លែងមុន!

ពិព័រណ៍ការសិក្សានៅអឺរ៉ុបឆ្នាំ ២០២៤ គឺជាព្រឹត្តិការណ៍ដែលមិនគួរខកខានឡើយ ជាពិសេសសម្រាប់សិស្ស និស្សិតកម្ពុជាដែលចង់ស្វែងរក និងចូលរួមជាមួយការអប់រំលំដាប់អន្តរជាតិ ហើយជាពិសេសសម្រាប់អ្នកដែលចង់ជួបជាមួយអ្នកជំនាញមកពីទូទាំងពិភពលោក។

Helistar Cambodia - Helicopter Charter Services
Sokimex Investment Group
កីឡា១៧ នាទីutes មុន

លោក Munoz និយាយពីកីឡាករចំណូលថ្មី ក្រោយរកបាន Hat-trick

សេចក្ដីជូនដំណឹង៤៥ នាទីutes មុន

កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ

ព័ត៌មានជាតិ១ ម៉ោង មុន

លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ

ព័ត៌មានជាតិ២ ម៉ោង មុន

រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់

ព័ត៌មានជាតិ២ ម៉ោង មុន

ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ

ព័ត៌មានអន្ដរជាតិ៣ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

សន្តិសុខសង្គម២០ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ព័ត៌មានជាតិ២ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

រថភ្លើង
ចរាចរណ៍១២ ម៉ោង មុន

រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល

ព័ត៌មានអន្ដរជាតិ៨ ម៉ោង មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

Sokha Hotels

ព័ត៌មានពេញនិយម