វប្បធម៌ ជំនឿ

ល្អបំផុតសម្រាប់អ្នករាជការបើមានវត្ថុ ៣ នេះលើតុ

បានផុស

៤ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

Sonya

អ្នកធ្វើការរដ្ឋ ស្ថិតនៅក្នុងក្របខណ្ឌមួយ ខុសពីអ្នកធ្វើអាជីវកម្មដោយខ្លួនឯងឬអ្នកនៅវិស័យឯកជន។ គ្រប់គ្នាស្ថិតក្នុងប្រព័ន្ធគ្រប់គ្រងធំទូលាយមួយ ដែលមានរចនាសម្ព័នជាក់លាក់ និងតឹងរឹង។

ហុងស៊ុយ សម្រាប់អ្នករាជការមានភាពពិសេសដោយឡែក។

១ ប្រសិនបើនិយាយអំពីអំណាចនិងជោគជ័យ សត្វដំរីមួយនៅលើតុជាថាមពលដ៏ធំមួយ។ សត្វដំរី ដែលច្នៃពីប្រាក់ឬលោហធាតុផ្សេងទៀត នាំមកនូវថាមពលវិជ្ជមាននៃភាពរឹងមំាថ្កុំថ្កើង ជាស្តេចលើសត្វព្រៃនានា។ ការប្រើរូបដំរីជាគជ់ឬសិលាមានតម្លៃផ្សេងៗត្រូវបានហាមឃាត់ព្រោះ វត្ថុនោះសម្រាប់តែអ្នករកស៊ីផ្នែកសំណង់និងអចលនាៈទ្រព្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ប្រសិននិយាយអំពីមន្តសម្តីនិងប្រជាប្រិយភាព សត្វក្ងោកឬហង្សជាថាមពលដ៏មហិមា។ យើងអាចដាក់រូបគំនូរហង្សក្រហមមួយនៅទិសខាងត្បូងនៃបន្ទប់ធ្វើការ ឬ អាចជាហង្សឆ្លាក់ពីថ្មមានតម្លៃគ្រប់ប្រភេទ លើកលែងតែធ្វើពីលោហៈ ព្រោះលោហៈមិនអាចប៉ះភ្លើងហើយហង្សនាំមកនូវប្រជាប្រិយគឺជាហង្សអគ្គី។

៣ មេទ័ពម៉ឺនឆ្នាំ អណ្តើកខ្មៅ ជាថាមពលនៃកម្លាំងមិនចេះចុះថយ គួរដាក់បែរទៅរកទិសខាងជើង។ អណ្តើកខ្មៅអាចធ្វើឡើងពីស្ពាន់ឬ ឈើដោយមានលាបពណ៌ខ្មៅក្រឹបតែម្តង។

រូបតំណាងថាមពលវិជ្ជមានទាំងបី មិនអាចដាក់ជាមួយគ្នាបានទេ។ អ្នកអាចរើសមួយក្នុងចំណោមនេះ។ ជារៀងរាល់ខែអ្នកគួរសម្អាតម្តង ហើយនិយាយថ្លែងអំណរគុណដល់ថាមពលនេះធ្វើឲ្យអារម្មណ៍ដូចជាវត្ថុមានជីវិតមួយពេញទៅដោយឥទ្ធិពលដែលកំពុងតាមការពារអ្នក គ្រប់ពេលវេលាគ្រប់ទីកន្លែង។