វប្បធម៌ ជំនឿ

គជ់ភ្នែកខ្លា ថាមពលនៃអំណាចព្រមទំាងការពារអាគមផ្សេងៗ

បានផុស

៤ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

Sonya

គជ់ភ្នែកខ្លាត្រូវបានគេចាត់បញ្ជូលថា ប្រភេទថ្មគជ់ធម្មជាតិមានតម្លៃដែលអាចសម្គាល់បានតាមរយៈពណ៌លឿង លាយមាស។ ជំនឿរាប់ពាន់ឆ្នាំរបស់អឺរ៉ុបគឺគេជឿថា គជ់ភ្នែកខ្លាជាថ្មដ៏មានឥទ្ធិពលដែលជួយឱ្យបញ្ចប់ភាពរុញរា ការភ័យខ្លាចនិង ការថប់បារម្ភ ជំនួសមកវិញនូវទំនុកចិត្ត និងអារម្មណ៍សុខដុមព្រមទំាងបង្កើនតុល្យភាពនាំការគិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រការទំាងនេះ អ្នកពាក់វាជាប់ខ្លួននិងអាចធ្វើការសម្រេចចិត្តដោយវាងវៃលែងប្រើអារម្មណ៍ឆេវឆាវដែលនាំឱ្យខូចការធំ។

នៅប្រទេសចិនវិញ ជាប្រពៃណីគជ់នេះត្រូវបានគេយកទៅធ្វើជាគ្រឿងអលង្កាប្រឆាំងនឹងបណ្តាសាអាក្រក់ៗ ប្រឆាំងអំពើធ្មប់ រីឯនៅឥណ្ឌា និងមជ្ឈិមបូព៌ា គេពាក់វាដើម្បីសម្រេចសេចក្តីប្រាថ្នារឿងអំណាចយសសក្តិក្នុងការងារ។

គជ់ភ្នែកខ្លាភាគច្រើនត្រូវបានគេរកឃើញនៅអាហ្វ្រិកខាងត្បូង ប៉ុន្តែប្រេស៊ីលនិងឥណ្ឌាព្រមទំាងភូមាក៏មានដុះមកដូចគ្នា។

នៅសហរដ្ឋអាមេរិកគេចាត់ទុកគជ់ភ្នែកខ្លាជាត្បូងគ្រីស្តាល់សំដៅលើហេតុផលពីរ ទីមួយវាជាប្រភេទរ៉ែថ្មមានតម្លៃ ដែលរឹងគ្រប់គ្រាន់អាចច្នៃធ្វើជាត្បូងលើគ្រឿងអល្លង្ការបាន។ ទីពីរក្នុងខ្លួនវាមានល្បាយដែលបង្កប់នូវសរសៃអាបស្តូសនិងរ៉ែផ្សេងៗទៀតធ្វើឱ្យថ្មនេះបញ្ចេញរស្មីពណ៌មាស។

នៅអេហ្សីប គេជឿថាថាមពលដ៏ធំធេងនៃគជ់ភ្នែកខ្លាគឺជំរុញថាមពលទំនុកចិត្តការងារជាផ្នែកនៃហុងស៊ុយចក្រាដែលនាំមកនូវអំណាចសម្តីនិងការប្រព្រឹត្តិជួយឱ្យសម្រេចគោលដៅបង្កើនសុទិដ្ឋិនិយមថែមទំាងមានអនុភាពការពារពីថាមពលអវិជ្ជមានយ៉ាងសក្តិសិទ។

អ្នកកើតខែ១០ហាមមិនឱ្យប្រើគជ់នេះឡើយ៕