សុបិនឃើញដំរី អត្ថន័យមានល្អនិងអាក្រក់មករួមគ្នា ជាពិសេសគឺលេខសំណាងប្រចាំជីវិត

យល់សប្ដិឃើញដំរីអត្ថន័យបញ្ជាក់ខាងក្រោមនេះ៖

សុបិន​ឃើញ​ដំរី​បាន​ន័យ​ថា អ្នក​នឹង​បញ្ចប់​នូវ​សំណាងអាក្រក់និង​ទុក្ខព្រួយទាំងអស់​ ជាពិសេស​សះស្បើយ​ពី​ជំងឺ​ដែល​មាន​ប្រចាំកាយ​ ហើយ​ហេងៗនឹង​ចូល​មក​រក​អ្នកវិញ។ លេខ​នាំសំណាង ៩, ៥, ២, ៦។

សុបិនឃើញដំរីឬហ្វូងដំរីជាច្រើនបញ្ជាក់ថា នឹងទទួលបានការគាំទ្រពី​ចាស់ទុំ ឬមិត្តភក្តិ​ ហើយនឹង​មានលាភសំណាង។ លេខនាំសំណាង ៥, ៧។

សុបិនឃើញដំរីធំមួយ ​នឹងផុតពីសំណាងអាក្រក់ឬជាសះស្បើយ​ពីជំងឺដែលមានស្រាប់ ចំពោះ​អ្នកណាដែល​មាន​បណ្តឹង​នឹងឈ្នះក្តី។ លេខនាំសំណាង ៥, ៧។

សុបិនឃើញកូនដំរីបង្ហាញថា ​នឹងមានគ្រោះថ្នាក់ដូចជាមានជំងឺ។ លេខនាំសំណាង ៥, ៤, ៧, ០។

សុបិនឃើញដំរីស បញ្ជាក់ថា​នឹងមានសំណាង ឬមានការឈ្លោះប្រកែកគ្នាអាចឈ្នះ​ដោយ​អំពើល្អ។ លេខនាំសំណាង ៦, ១, ៤។

សុបិនឃើញភ្លុកដំរីដ៏ស្រស់ស្អាត​ នឹងបង្កើតមិត្តភក្តិពី​ចម្ងាយ ឬ​ជនបរទេស។ លេខនាំសំណាង ៧, ៩, ០, ២។

សុបិនឃើញភ្លុកដំរីបាក់ បង្ហាញពី​គ្រោះថ្នាក់ពីការធ្វើដំណើរ។ លេខនាំសំណាង ៨, ២, ៧, ៥។

សុបិនឃើញដំរីធ្លាក់ចូលក្នុងកន្លែងណាមួយ នឹងមានលាភពីការជួញដូរឬវិនិយោគ។ លេខ​នាំ​សំណាង ៩, ៣។

សុបិនឃើញរូបចម្លាក់ដំរី ប្រសិនបើស្ត្រីមានផ្ទៃពោះ នឹងមានកូនប្រុសម្នាក់ដែលមានសំណាងល្អ។ ចំពោះមនុស្សនៅលីវ ពួកគេនឹងជួបគូដែលមាន​ឋានៈល្អ។ លេខ​នាំសំណាង ៧, ៤, ២, ៨។

សុបិនឃើញដំរីធ្លាក់ (ស្លាប់) នឹងមានសំណាងល្អពីអាជីពដែលនាំឲ្យរីកចម្រើន​ ឬត្រូវបានតំឡើងឋានៈ។ លេខនាំសំណាង ២, ៨, ៣, ៦

សុបិនឃើញដំរីនៅក្នុងផ្ទះ បង្ហាញថាមានការ​ផ្ទេរមុខតំណែងការងារ ឬទីលំនៅ ប៉ុន្តែប្រយ័ត្នសត្រូវរបស់យើងអាចផ្អែមល្អមុខ។ លេខនាំសំណាង០, ៩, ៤។

សុបិនឃើញដំរីនៅក្នុងព្រៃ បើក្នុង​អាជីពនឹងត្រូវបានគេផ្តល់កិត្តិយសធ្វើជាប្រធានអាជីវកម្ម។ លេខនាំសំណាង ១, ៧។

សុបិនថាដំរីកំពុងដេញតាម នឹងទទួលបានដំណឹងពីចម្ងាយពីមិត្តភក្តិ ហើយប្រសិនបើដល់វ័យរៀបការនឹងជួបគូព្រេងដែលរង់ចាំមកជាយូរ។ លេខនាំសំណាង ០, ៦។

សុបិនត្រូវដំរីវាយប្រហារ បង្ហាញថាជីវិតគ្រួសារនឹងមានវិវាទ ឬកិច្ចការអាចរញ៉េរញ៉ៃ ហើយមានអ្វីដែលបណ្តាល​ឲ្យ​បាត់បង់ទ្រព្យសម្បត្តិ។ លេខនាំសំណាង ២, ៥, ៩។

សុបិនចង់ជិះដំរី ឬថើបដំរី នឹងទទួលបានដំណឹងល្អពីចម្ងាយ ឬពីការធ្វើដំណើរ និងមានសំណាងពីល្បែងតូចមួយ ។ លេខនាំសំណាង ៩, ១, ៥, ៣។

ប្រែសម្រួល៖ សាង ស្រីល័ក្ខ

ចុចអាន៖យល់សប្ដិឃើញ សព មឈូស និងមនុស្សស្លាប់ បកស្រាយអត្ថន័យល្អនិងអាក្រក់មករួមគ្នា

ចុចអាន៖សុបិនឃើញគ្រោះថ្នាក់ចរាចរណ៍ អត្ថន័យល្អឬអាក្រក់នឹងបញ្ជាក់ក្នុងនេះ