វប្បធម៌ ជំនឿ
ជនជាតិដើមភាគតិច ព្នង នៅអភិរក្សប្រពៃណី សែនឡើងប្រយ៉ុងស្រែ
ជនជាតិដើមភាគតិចព្នង នៅភូមិឃុំក្បាលរមាស ស្រុកសេសាន ខេត្តស្ទឹងត្រែង នៅថ្ងៃទី៣១ ខែសីហា ឆ្នាំ២០២១ នេះ បាននាំគ្នាសែនឡើងក្បាលស្រែ ដល់អ្នកតាភ្នំ ដើម្បីសុំសេចក្តីចម្រុងចម្រើន។

ពិធីនេះបានបង្ហាញពីប្រពៃណី ទំនៀមទំលាប់របស់ជនជាតិព្នង សម្រាប់ឱ្យកូនចៅជំនន់ក្រោយបានស្គាល់ និងជួយបន្តអភិរក្ស។ លោក ច្រូ ញ៉ុង ជនជាតិព្នង តំណាងឱ្យ មេកញ្ទ្រាញជនជាតិព្នង បានបញ្ជាក់ថា នេះជាពិធីសែនឡើងប្រយ៉ុងស្រែ (ហៅថា ក្បាលស្រែ)។ ពិធីនេះ បងប្អូនជនជាតិព្នង ធ្វើតាមទម្លាប់ដែលមានពីដូនមកតាមកជារៀងរាល់ឆ្នាំមិនដែលអាក់ខានទេ។
លោកបន្តថា៖ “ការធ្វើបែបនេះ គឺសុំឱ្យស្រែស្រូវដែលកូនបានដាំដុះមកហើយនេះ ទទួលបានផ្លែផ្កាល្អ និងឱ្យលោកតាព្រៃភ្នំ ដែលថែរក្សាទឹកដី ព្រៃឈើ ក្រំថ្ម អ្នកតាប្រយ៉ុងស្រែ ជួយការពារព្រៃឈើឱ្យនៅគង់វង្ស ដាំណាំដាំដុះកុំឱ្យកើតជំងឺ និងកុំឱ្យមានសត្វព្រៃ ឬសត្វល្អិតចង្រៃមកយាយីស៊ីបំផ្លាញ”។

លោកស្រី ឃ្លឿប ជា បានលើកឡើងថា តាំងពីដឹងក្តីមក បងប្អូនជនជាតិតែងបានគោរពប្រពៃណីរបស់ជនជាតិ ដូចជាជនជាតិ ព្នង ព្រៅ គួយ ទំពួន ចារាយ ស្ទៀង គ្រឹង ការវែត ជាដើម បានធ្វើពិធីនេះដូចគ្នា។
លោកស្រី បន្តថា៖ “ជាពិសេសការសែនព្រេន សុំព្រះធរណីឱ្យដាក់គ្រាប់ពូជដាំដុះ ដាក់ចុះដុះឡើង សែនប្រយ៉ុងស្រែ សុំឱ្យបានភោគផលច្រើន សែនស្រូវឡើងជង្រុកទុកដាក់ឱ្យគង់គវង្ស និងសែនដឹងគុណព្រះម៉ែ ដែលចិញ្ចឹមកូនចៅបានធំធាត់”។
លោកតា គ្រុយូ ជនជាតិព្នង រស់នៅភូមិក្បាលរមាស បានលើកឡើងថា ពិធីនេះមិនខុសពីបងប្អូនខ្មែរធ្វើពិធីសែនព្រេននៅវត្តអារាមនោះទេ គ្រាន់បងប្អូនជនជាតិបាននាំគ្នាធ្វើនៅតាមរោងអ្នកតា និងទីកន្លែងធ្លាប់គោរពបូជាផ្សេងៗ ដូចដែលចាសទុំជនជាតិមានទំលាប់ធ្វើជាយូរយាមក។

លោកតាបន្តថា៖ “លើកនេះក៏ដូចសព្វដងដែរ មេកន្ទ្រាញតែងកោះហៅទាំងក្មេងចាស់ប្រុសស្រី មកជួបជុំសែនព្រេន ប្រមូលគ្នាយកអាហារ នំចំណី មានមាន់ អង្ករ បង្អែម អន្សម ស្រាពាង មកសែនព្រេន សុំឱ្យអ្នកតា ប្រយ៉ុងស្រែជួយឱ្យស្រែស្រូវបានផលច្រើនទាំងអស់គ្នា”។
សូមបញ្ជាក់ថា នៅស្រុកសេសាន មានអំបូរជនជាតិព្នងនៅឃុំក្បាលរមាស ជនជាតិព្រៅនៅឃុំកំភុន និងជនជាតិគ្រឹងនៅឃុំតាឡាត ដែលបាន និងកំពុងអភិរក្សប្រពៃណីនេះដូចគ្នា៕
អត្ថបទ៖ ងិន លីម




-
ព័ត៌មានអន្ដរជាតិ៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?