វប្បធម៌ ជំនឿ

ហេតុអ្វីជនជាតិចិនចាត់ទុកពិធីបុណ្យសែននំលោកខែថា រំភើប និងសែនសំខាន់

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

Sonya

ពិធីបុណ្យសែននំលោកខែ គឺជាពិធីបុណ្យប្រពៃណីសំខាន់បំផុតទីពីរ សម្រាប់ប្រជាជនចិន បន្ទាប់ពីពិធីបុណ្យចូលឆ្នាំ ហើយកើតឡើងនៅយប់ពេញបូណ៌មី។

Mid-Autumn Festival | Mid autumn festival, Autumn moon festival, Festivals in china

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាតិចិនរមែងទុកថា យប់នេះគឺជាហេតុការណ៍គួរឲ្យជួបជុំរំភើប និងជាថ្ងៃឈប់សម្រាកដ៏ពេញនិយម ក្នុងចំណោមពិធីបុណ្យប្រពៃណីនានា ដោយសារ ៖

១. ពិធីបុណ្យសែនជាញឹកញាប់គឺធ្វើនៅចុងរដូវក្ដៅ

ពិធីបុណ្យសែននំលោកខែ ចាប់ផ្ដើមដំបូងគឺនៅថ្ងៃទី ៨ ខែកញ្ញា ដែលជាចុងរដូវក្ដៅសម្រាប់ប្រទេសចិនភាគខាងត្បូង។ កាលបរិច្ឆេទចុងក្រោយគឺនៅថ្ងៃទី ៦ ខែតុលា ជារដូវស្លឹកឈើជ្រុះដំបូងសម្រាប់ភាគខាងត្បូងប្រទេសចិន។

Celebrating the Chinese Moon Festival | Asian Inspirations

បច្ចុប្បន្ននេះពិធីបុណ្យសែនលោកខែ ត្រូវបានប្រារព្ធធ្វើនៅថ្ងៃទី ១៥ ខែ ៨ នៃប្រតិទិនចន្ទគតិចិន គឺពាក់កណ្ដាលថ្ងៃតាមចន្ទគតិ ៨ វិញ។

២. ត្រូវបានគេហៅថា “បុណ្យព្រះចន្ទ”

តាមជំនឿចិនរង្វង់មូលនៃព្រះចន្ទពេញលេញមានន័យថា “ ការរួបរួមគ្នា” ដូច្នេះព្រះចន្ទគឺជាការជួបជុំគ្នា ជាពិសេសនៅក្នុងវប្បធម៌ចិន។ ពិធីបុណ្យនេះត្រូវនឹងថ្ងៃទី ១៥ នៃខែទី ៨ តាមចន្ទគតិរៀងរាល់ឆ្នាំដែលជា “ ថ្ងៃពេញបូណ៌មី” ។

នៅរាត្រីនៃពិធីបុណ្យនេះ ព្រះចន្ទត្រូវបានគេសន្មតថា នឹងមានពន្លឺភ្លឺច្បាស់ពេញមួយឆ្នាំ។ ពិធីបុណ្យនេះក៏មានដើមកំណើតក្នុងការគោរពបូជាព្រះចន្ទផងដែរ។

៣. ព្រះចន្ទមិនមែនភ្លឺពេញលេញគ្រប់រដូវកាលឡើយ

នេះជារឿងមួយដែលគេជឿជាក់ថា ព្រះចន្ទគឺភ្លឺបំផុតនៅពេលមេឃមានពពកតិច ឬពេលចាប់ផ្ដើមពិធីបុណ្យកើតឡើង។

ជាការពិតណាស់ ពិធីបុណ្យសែនលោកខែមិនតែងតែកើតឡើងនៅរាត្រីដែលមានព្រះចន្ទពេញលេញឡើយ។ ជួនឆ្នាំខ្លះព្រះចន្ទបង្ហាញខ្លួនតែមួយចំណិតប៉ុណ្ណោះ។

៤. ជាពិធីបុណ្យដ៏ធំទីពីររបស់ចិន ក្នុងចំណោមពិធីបុណ្យទាំងអស់

Sweet Soirees — Mid Autumn Lantern Festival

ពលករចិនចំណាកស្រុក តែងតែព្យាយាមត្រឡប់ទៅផ្ទះវិញ ក្នុងឱកាសបុណ្យចូលឆ្នាំចិននិងបុណ្យសែនលោកខែជាចាំបាច់។ ពិធីបុណ្យសែនលោកខែត្រូវបានរួមគ្នាជាលើកទីបី សម្រាប់ការបែងចែកថ្ងៃឈប់សម្រាកសាធារណៈ និងជាបុណ្យមួយដែលជនជាតិចិនចាត់ទុកជាបុណ្យធំទី២បំផុត។

៥. ប្រជាជនចិនធ្វើនំព្រះខែដ៏ធំមួយរួមគ្នា

ជារៀងរាល់ឆ្នាំប្រជាជនចិននឹងរួបរួមកម្លាំងគ្នា ដើម្បីព្យាយាមធ្វើនំសែនព្រះខែតាមដែលអាចធ្វើទៅបាន ដើម្បីបំបែកកំណត់ត្រាពិភពលោក។

តួយ៉ាងរូបនំសែនលោកខែធំជាងគេត្រូវបានផលិតនៅសៀងហៃក្នុងឆ្នាំ ២០១៣ វាមានទម្ងន់ប្រហែល ២៥០០ គីឡូក្រាម (៥.៥០០ ផោន) ដែលមានអង្កត់ផ្ចិតប្រហែល ២,៥ ម៉ែត្រ ដែលមានទំហំធំជាងគ្រែស្ដេច និងធ្ងន់ជាងឡានមួយគ្រឿងទៅទៀត។

៦. សំបុត្ររថភ្លើងជាទូទៅលក់ដាច់គ្មានសល់មួយសន្លឹក

សំបុត្ររថភ្លើងត្រូវបានលក់អស់យ៉ាងឆាប់រហ័ស ហើយកន្លែងទេសចរណ៍ល្បីៗ ជាធម្មតាមានភ្ញៀវច្រើនអនេក។ នេះក៏ដោយសារតែមានថ្ងៃឈប់សម្រាកចំនួនបីថ្ងៃក្នុងអំឡុងពេលពិធីបុណ្យ។ ជនជាតិចិនចូលចិត្តចំណាយពេលជាមួយគ្រួសារ ឬធ្វើដំណើរកម្សាន្តក្រៅទីក្រុងជាដើម។

៧. យុវជនចិននិយមផ្ដល់លុយជាសំណាងដូចជាអំណោយ

នៅក្នុងទំនៀមទម្លាប់ប្រពៃណី ប្រជាជនតែងតែផ្ដល់នំសែនលោកខែជាអំណោយជូនសាច់ញាតិ។ ប៉ុន្តែយុវជនជនជាតិចិនមាននិន្នាការផ្ដល់លុយជាសំណាង ឬស្រោមសំបុត្រនិងអាំងប៉ាវ៕

ប្រែសម្រួល៖ សាង ស្រីល័ក្ខ

ប្រភព៖ chinahighlights

ចុចអាន៖ ប្រវត្តិនៃពិធីបុណ្យ «សែននំព្រះខែ» ក្នុងជំនឿជនជាតិចិន

ចុចអាន៖ ប្រពៃណីសែស្រឡាយចិនអាក់ខានមិនបាន ក្នុងពិធីសែននំព្រះខែ

ចុចអាន៖ ជូនអំណោយ ៥ នេះ ទៅសាច់ញាតិ ក្នុងពិធីបុណ្យសែនព្រះខែ នាំមកនូវហុងស៊ុយសុភមង្គលពេញមួយជីវិត