តើបុរសនិងស្ត្រីមានប្រជ្រុយរងទឹកភ្នែក មានជោគជតា​ខុសគ្នាបែបណា?

ចាប់តាំងពីជំនាន់មុនរហូតមកដល់បច្ចុប្បន្ន បើទោះបីស្ថិតក្នុងសម័យវិទ្យាសាស្ត្រសម្បូរបែប ជំនឿ​បែបបុរាណ​ក៏នៅតែដិតជាប់ក្នុងចិត្តរបស់មនុស្សយើងម្នាក់ៗមិនទាន់សាបសូន្យនោះឡើយ។

យ៉ាងណាមិញត្រឡប់មកដឹងអំពីអត្ថន័យចំពោះប្រជ្រុយរងទឹកភ្នែក ទៅលើបុរសនិងស្ត្រី ដែលបានចែងក្នុងតម្រាមើលប្រជុយរបស់បុរាណឯណេះវិញ ប្រាកដជាបងប្អូនចង់ដឹងណាស់ថាតើបុរសនិងស្ត្រីដែលមានប្រជ្រុយនៅត្រង់ចំណុចផ្នែកគល់ភ្នែកខាងក្រោម (ប្រជ្រុយរងទឹកភ្នែក) មានអត្ថន័យបែបណាពាក់ព័ន្ធនិងប្រជ្រុយនេះនៅលើបុរសឬស្ត្រី។

បើតាមការស្រាវជ្រាវស្វែងរកក្នុងតម្រាមើលប្រជ្រុយរបស់បុរាណមួយ បានចែងច្បាស់ក្នុងអត្ថន័យ​ប្រជ្រុយខាងលើនេះ​ ដែលបានកើតឡើងទៅលើបុរសឬស្រ្តីបានទស្សន៍ទាយថា ចំពោះបុរសដែលមានប្រជ្រុយរងទឹកភ្នែកក្នុងតម្រាបានទស្សន៍ទាយថា ជាគ្រឿងបញ្ជាក់ឱ្យដឹងថា បុរសនោះជាអ្នកចូលចិត្តស្ងប់ ចូលចិត្តការពិតយុត្តិធម៌។ ជាមនុស្សស្ទាក់ស្ទើរ ជាមនុស្សមិនសូវជឿលើមនុស្សងាយៗមានសតិបញ្ញា និងការគិតជាកណ្តាលមិន​សូវជឿលើគំនិត ដែលខ្លួនឯងគិតច្រើនពឹងផ្នែកលើការគិតរបស់អ្នកដទៃ តែបើមានអ្នកធំណាម្នាក់​ជួយ​ឧបត្ថមរាប់អាន​ជោគជតា​ជីវិតបុរសនោះនឹង​ចំរើនរុងរឿង។

ចំណែកគូរគ្រង​វិញ ពិតប្រាកដបុរសដែលមានប្រជ្រុយខាងលើនេះ គឺជាមនុស្សជាកណ្តាលដូចគ្នាឬជាមនុស្សនាំយកជោគលាភទ្រព្យសម្បត្តិប្រាក់មាសមកឱ្យខ្លួន។

ក្នុងក្បូនតម្រាដដែលក៏បានទស្សន៍ទាយចំពោះស្ត្រីដែរថា ស្ត្រីឯណាដែលមានប្រជ្រុយរងទឹកភ្នែកទំនាយ​ទាយ​បញ្ជាក់ឱ្យដឹងអំំពីស្ត្រីនោះ មានចិត្តស្ងប់ស្ងាត់ និងមានភាពរាក់ទាក់ភក្តី តែជាមនុស្សឆាប់ជឿចិត្តគេងាយៗ ដោយសាតែសតិបញ្ញាការគិតតិចតូចនិងភាពវាងវ័យពុំសូវទាន់គេ។

មនុស្សស្ត្រីដែលមានប្រជ្រុយរងទឹកភ្នែកទំនាយក្នុងតម្រាទាយបន្ត​ថា ជាមនុស្សមានបុណ្យវាសនាតិចតូចបើសិនប្រកបមុខ​របរ​រកសុី​ក៏មិនសូវទាន់មិត្តភក្តិដែរ។ ចំណែកការគ្រប់គ្រងជីវិត ក៏មិនសូវមានការទៀងទាត់ផងដែរ ជីវិតមិនសូវមានសេចក្តីសុខ ជួបទុក្ខព្រួយមកតាមជាមួយជានិច្ច៕

អត្ថបទ៖ សៅ សារិទ្ធ