ការបញ្ជាន់ ឬចូល​រូប ក្នុងជំនឿជនជាតិអាស៊ី

ការបញ្ជាន់រូប ជាជំនឿយូរលង់មកហើយក្នុងប្រទេស​ជាច្រើននៃតំបន់អាស៊ីនិងអាហ្វ្រិកផងដែរ។ អ្នកដែល​មានរាងកាយ​ត្រូវបារមី ឬអារក្ស​ អ្នកតា ជិតឆ្ងាយមក​​ចូលរូបបាន អាចជាជនជរា ពិកា ប្រុស នារី ឬកុមារ​តូចៗទៀតក៏មាន។

ពេលចូលខ្លួនកាលណា គេ​ក៏ដូរទៅជារាំរែក ខ្លះស្រែកយំ(ម្រិញគង្វាល) ឬខ្លះ កាន់ដាវកាំបិត(មេទ័ពអ្នកចម្បាំង) ហើយកាយវិកា​ឬក្បាច់រាំក៏បានផ្លាស់ប្តូរតាមមុខងាររបស់វិញាណ ឬបារមី​ទាំងនោះដូចគ្នា។

គេមានជំនឿថា ការចូលរូប គឺជាវិធីសាស្ត្រសម្រាប់អញ្ជើញ​បារមី​ប្លែកៗមកជួយបញ្ចេញមន្តវិជ្ជាការព្យាបាលជំងឺធ្ងន់ ដោះអំពើ ដោយមកចូលក្នុងរាងកាយអ្នកណាម្នាក់បង្គាប់អំពីថ្នាំ ឬសូត្រ​ប្រោះព្រំ ។ ការ​ចូលរូបក៏នឹង​ប្រើសម្រាប់ការសាកសួរ អំពីអនាគតកាល របររកស៊ី ការបាត់បង់របស់ទ្រព្យ និងបាត់ដំណឹង​សាច់ញាតិផងដែរ។

រណ្តាប់ដែលគេដាក់រួមមាន ស្លាម្លូ ឬស្ករគ្រាប់ ផ្កា ផ្លែចេក ដន្លាប់ក្រមួនតុបតែង។ល។

អ្នកសម្គាល់និយាយថា ប្រសិនបើជាការបញ្ជាន់រូបពិតៗ អ្នកនឹងឃើញ​ផ្ទាល់ភ្នែកថា រាងកាយ​ញាក់ញ័រ និយាយម្ហេបម្ហបពិបាកចេញសំឡេង​ហើយ​និងមានសំនៀងផ្សេង ពិបាកស្តាប់​ទាល់តែផ្ទៀង​ទើបបានដឹងអត្ថន័យ​ច្បាស់។

តើអ្នកណាខ្លះមាន​ជំនឿ ឬធ្លាប់បានឃើញ​រឿងរ៉ាវទាំងនេះ?

គ្រូ ឯម

ចុចអាន៖ ជូតកើត​ឆ្នាំ ១៩៧២«កណ្តុរទឹក»ចូលឆ្នាំ២០២១ មិនលំបាកដូចឆ្នាំនេះទេ

ចុចអាន៖ ស្វែងយល់រូបគំនូរសេះ​តាម​ក្បួន​ហុងស៊ុយ លើក​រាសី​មនុស្សឲ្យ​​ជោគជ័យ