វប្បធម៌ ជំនឿ

យល់សប្ដិឃើញស្បែកជើង បញ្ជាក់ពីបញ្ហាជីវិត សម្រាប់អ្នកនៅលីវនឹងជួបគូជីវិត

បានផុស

៣ years មុន

នៅ

ថ្ងៃព្រហស្បតិ៍ ១៤ តុលា ២០២១

ដោយ

សាង ស្រីល័ក្ខ

កាលបើសុបិនឃើញបាត់ស្បែកជើង ឬបានដោះស្បែកជើងចេញ សុបិនទាំងនេះសុទ្ធតែជាប្រផ្នូលបញ្ជាក់ពីបញ្ហាជិវិត និងស្នេហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញស្បែកជើង សម្រាប់អ្នកដែលមានគម្រោងត្រូវធ្វើដំណើរផ្លូវឆ្ងាយ ក្នុងកំឡុងពេលនេះ នឹងមានភាពរលូនគ្មានឧបសគ្គក្នុងដំណើរ។ នៅក្នុងវិស័យស្នេហា បុរសនៅលីវនឹងស្វែងរកឃើញមនុស្សយល់ចិត្ត។ សម្រាប់អ្នកដែលមានគ្រួសារ អាចមានកូនស្រីមកចាប់កំណើត ឬទទួលបានសំណាងពីភេទផ្ទុយផងដែរ។

សុបិនឃើញស្បែកជើងបាត់ បានន័យថា អ្នកអាចនឹងជួបមិត្តចាស់ ឬជួបមិត្តភក្តិជិតស្និទ្ធ បន្ទាប់ពីខានជួបគ្នាយូរមកហើយ ប៉ុន្តែរយៈពេលនេះ គួរតែត្រូវបានរស់នៅដោយប្រុងប្រយ័ត្ន។ ពីព្រោះអ្នកអាចទទួលរងអំពើដោយចេតនាពីនរណាម្នាក់ ពីការធ្វេសប្រហែសរបស់ខ្លួនឯង។

សុបិនឃើញដោះស្បែកជើង មានន័យថា សម្រាប់អ្នកដែលឈឺជំងឺប្រចាំកាយ នោះអាការអាចនឹងប្រសើរឡើងបន្តិចម្ដងៗ ឬជាសះស្បើយពីជំងឺតែម្ដង។ ចំពោះអ្នកដែលមានជួបសំណាងអាក្រក់ រឿងនោះនឹងកន្លងផុតទៅ ហើយនឹងចាប់ផ្ដើមទទួលបានសុភមង្គល សំណាងបន្ថែមទៀតមកវិញ។

សម្រាប់អ្នកនៅលីវ ប្រសិនសុបិនឃើញពាក់ស្បែកជើង មានន័យថា វាកំពុងចង់បង្ហាញពីបញ្ហាស្នេហា មនុស្សនៅលីវនឹងមានមនុស្សភេទផ្ទុយមកចែចង់ឬលួចស្នេហា។ ចំណែកអ្នកដែលកំពុងសិក្សាមើលចិត្តគ្នា កំពុងតែអភិវឌ្ឍទំនាក់ទំនងរបស់ពួកគេ ឲ្យកាន់តែប្រសើរឬល្អជាងនេះ៕

ប្រែសម្រួល៖ សាង ស្រីល័ក្ខ

ចុចអាន៖យល់សប្ដិឃើញតុកកែ អត្ថន័យល្អនិងអាក្រក់បកស្រាយរួមគ្នាខាងក្រោមនេះទាំងអស់

ចុចអាន៖បកស្រាយអត្ថន័យយល់សប្ដិឃើញសត្វឃ្មុំ ជាប្រផ្នូលឬលាភសក្ការៈ

ចុចអាន៖យល់សប្ដិឃើញប្រភេទបក្សី ជាប្រផ្នូលនាំលាភសំណាង និងកិត្តិយសមកឲ្យអ្នក