រឿងអាក្រក់ទាំងនេះនឹងកើតឡើង បើហ៊ានប្រើអាសនៈ ឬចានធូបដែលសល់ពីគេ

អាសនៈ ឬកំប៉ុងជើងធូបដែលគេប្រើរួច មិនថានៅថ្មីល្អ ឬត្រូវបានយកចេញពីវត្តវ៉ាក្ដី មិនគួររើសយកទៅប្រើបន្តទេ ព្រោះថាជារឿងអពមង្គលចំពោះខ្លួនឯងនិងគ្រួសារ។

អាសនៈ មានប្រវត្តិដ៏យូរយារទៅលើជំនឿហុងស៊ុយទ្រព្យសម្បត្តិ និងការរបររកស៊ីនានា។ មិនថាកូនចៅចិន ឬអ្នកជាប់សែស្រឡាយចិន និងសូម្បីប្រជាជនខ្មែរមួយចំនួន សុទ្ធតែប្រើអាសនៈនៅតាមគេហដ្ឋាន ឬការិយាល័យ ដើម្បីបូជាទេវតាទ្រព្យសម្បត្តិ សុំឱ្យរកស៊ីមានបាន លុយហូរចូល និងជួយឱ្យអាជីវកម្មរីកចម្រើន។

ប៉ុន្តែចំពោះអាសនៈដែលគេឈប់ប្រើហើយ ទោះជានៅថ្មីប៉ុនណាក៏ដោយ កុំប៉ះពាល់ យកវាដាក់ផ្ទះ ឬកន្លែងរស់នៅរបស់អ្នកជាដាច់ខាត។ តាមជំនឿ  អាសនៈបោះចោល លែងតំណាងឱ្យទេវតាទ្រព្យទៀតហើយ បើយកមកប្រើ មានតែនាំការអន់ថយ មិនថាមុខរបររកស៊ី អាជីព ឬជំនួញតូចធំ អាចដាំក្បាលចុះ ព្រោះសំណាងអាក្រក់ដែលតោងជាប់ជាមួយអាសនៈនោះ។

រីឯកំប៉ុងជើងធូប ក៏អាចនាំសំណាងមិនល្អដូចគ្នា ប្រសិនណា អ្នករើសវាមកប្រើបន្តពីអ្នកផ្សេង។ ចានធូប ឬកំប៉ុងជើងធូប មានប្រភពដំបូងបំផុតពីប្រទេសចិន តាំងពីឆ្នាំ ១៦០០-១០៤៦ មុនគ្រឹស្តសករាជមកម្ល៉េះ។  វាតំណាងឱ្យបុព្វបុរសដែលចែកឋាន ក៏តំណាងឱ្យការបួងសួងរបស់មនុស្សទៅកាន់អទិទេពដែលខ្លួនប្រណិប័ត។

សព្វថ្ងៃនេះ ជើងធូប មានគ្រប់កន្លែងសក្ការបូជា និងសឹងគ្រប់ផ្ទះរបស់ពុទ្ធសាសនិកខ្មែរ។ ក្រៅពីអុជឧទ្ទិសទៅកាន់ដូនតា និងញាតិការទាំង ៧សណ្ដាន គ្រឿងចានធូបក៏សម្រាប់បួងសួងសុំសេចក្ដីសុខសប្បាយពីទេវតារក្សាម​នុស្សផងដែរ។

យ៉ាងណាមិញ ចានធូបដែលប្រើរួច ត្រូវបានគេទុកចោលឬបោះចោល គេជឿថា មានវិញ្ញាណអាក្រក់សណ្ឋិតនៅ បើកាលណាអ្នកយកមកទុកជាមួយ វិញ្ញាណទាំងនោះនឹងមកបៀតបៀនជីវិតអ្នក និងអ្នកផ្ទះរបស់អ្នក។ កំប៉ុងជើងធូបឬចានធូប សំណល់ពីអ្នកផ្សេង អាចនាំគ្រោះភ័យខាងអរូបិយ ជាពិសេសបង្ករោគាព្យាធិដល់គ្រួសារ៕

ប្រែសម្រួល៖ សន្យា

ចុចអាន៖ ធូបមិនមែនចេះតែអុជតាមនឹកឃើញឡើយ សរសៃនីមួយៗបញ្ជាក់អត្ថន័យនិងតំណាងឲ្យការគោរពបូជាផ្សេងគ្នា

ចុចអាន៖ កញ្ចក់នាំមកនូវរឿងមិនល្អដល់ជីវិតស្នេហា ឬទំនាក់ទំនងប្ដីប្រពន្ធ