Connect with us

វប្បធម៌ ជំនឿ

ការពិតមួយចំនួន​ដែលមនុស្សភាគច្រើនតែងយល់ច្រឡំលើសាសនាអ៊ីស្លាម

បានផុស

នៅ

ក្នុងចំណោមសាសនាពិភពលោកសំខាន់ៗទាំងអស់ សាសនាអ៊ីស្លាមត្រូវបានគេយល់ច្រឡំច្រើនបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. សាសនាអ៊ីស្លាមជាសាសនាធំជាងគេទី ២ នៅលើពិភពលោកដែលមានប្រជាជន ១.៦ ប៊ីលាននាក់ប្រកាសពីជំនឿរបស់ពួកខ្លួនលើលោក មហាម៉ាដ (Muhammad) និង ព្រះអាឡោះ (Allah)។ ដោយឡែក ព្រះអាឡោះ មានរហូត ៩៩ ឈ្មោះ ដែលមានឈ្មោះនីមួយៗមានអត្ថន័យខុសគ្នា។

២. សព្វថ្ងៃនេះសាសនាអ៊ីស្លាម ក៏ជាសាសនាដែលមានកាសររីកចម្រើនលឿនបំផុតនៅលើពិភពលោកផងដែរ។ ១៥% នៃប្រជាជនមូស្លីមទាំងអស់ជាជនជាតិអារ៉ាប់។ ក្នុងនោះឥណ្ឌូណេស៊ីមានប្រជាជនមូស្លីមច្រើនជាងគេ បន្ទាប់មកគឺ ប៉ាគីស្ថាន ឥណ្ឌា និងបង់ក្លាដែស។

៣. អ៊ីស្លាម ជាពាក្យប្រើសម្រាប់សាសនា មានន័យថា “ថ្វាយ” រីឯ មូស្លីម ប្រើសម្រាប់ មនុស្សមានជំនឿលើអ៊ីស្លាមសាសនា មានន័យថា “អ្នកដែលថ្វាយខ្លួនជូនព្រះ” ។

៤. សាសនានេះចាប់ផ្តើមនៅឆ្នាំ ៦២២ នៃគ្រឹស្តសករាជ នៅពេលមហាម៉ាដដែលត្រូវបានគេស្គាល់ថាជាឪពុកនៃសាសនាបានធ្វើដំណើរចេញពីទីក្រុងមេកា (Mecca ) ទៅក្រុង ម៉េឌីណា (Medina ) ប្រទេសអារ៉ាប់ប៊ីសាអូឌីត។ ថ្ងៃដែលលោកចាកចេញពីមេកា គឺជាថ្ងៃចាប់ផ្តើមប្រតិទិនអ៊ីស្លាម។ កាលណោះ មហាម៉ាដ ចាកចេញពីក្រុង ដោយសារតែលោកឮពាក្យចចាមអារាមថាមានកុលសម្ព័ន្ធខ្លះនឹងធ្វើឃាតខ្លួន។

៥. លោក មហាម៉ាដបានរៀបការជាមួយស្ត្រីអាយុ ៤០ ឆ្នាំ ខណៈលោកមានអាយុតែ ២៥ ឆ្នាំប៉ុណ្ណោះ។

៦. ចំណែក កូរ៉ាន (Qur’an) ជាគម្ពីរដ៏បរិសុទ្ធរបស់សាសនាអ៊ីស្លាម។ គម្ពីរនេះមានសរុប ៦២៣៦ ខ ឬស៊ូរ៉ា (suras)។ នៅសម័យដើម មេដឹកនាំសាសនាត្រូវតែទន្ទេញគម្ពីរទាំងមូលចេះចាំស្ទាត់ ហើយសូត្រទៅកាន់ស្មៀន។

៧. ព្រះយេស៊ូវត្រូវបានគេលើកឡើងនៅក្នុងគម្ពីរ កូរ៉ាន។ ប្រជាជនម៉ូស្លីមជឿថាទ្រង់កើតមកពីស្ត្រីព្រហ្មចារី ប៉ុន្តែគេមិនជឿថាទ្រង់ជាព្រះទេ ត្រឹមតែជាហោរាដ៏អស្ចារ្យម្នាក់ ដូចនឹងលោក មហាម៉ាដ ។ រីឯម៉ារីយ៉ាជាម្ដាយរបស់ព្រះយេស៊ូវត្រូវបានគេលើកឡើងញឹកញាប់ ជាងនៅក្នុងគម្ពីរសញ្ញាថ្មីរបស់គ្រីស្ទានទៅទៀត។ នាងក៏ជាស្ត្រីតែម្នាក់គត់ដែលត្រូវបានគេលើកឡើងតាមឈ្មោះនៅក្នុងរដ្ឋ Qur’an ។

៨. អ៊ីស្លាមសាសនិកទាំងអស់ត្រូវតែអនុវត្តគោលការណ៍គ្រឹះទាំងប្រាំរួមមាន ១. បរិច្ចាគប្រាក់ចំណូល ២.៥% ដល់សប្បុរសធម៌ ២. តមអាហារនៅរដូវបុណ្យរ៉ាម៉ាដាន ៣. ប្រកាសសេចក្តីជំនឿ ៤. អធិស្ឋានប្រាំដងក្នុងមួយថ្ងៃ ៥. ធ្វើធម្មយាត្រទៅកាន់ក្រុងមេកា។

៩. រៀងរាល់ឆ្នាំ មានមូស្លីមសាសនិក ដែល​ធ្វើធម្មយាត្រាប្រមាណ ២.៥ លាននាក់ទៅកាន់ក្រុង មេកា។ ប្រជាជនម៉ូស្លីមម្នាក់ៗត្រូវធ្វើធម្មយាត្រានេះយ៉ាងហោចណាស់ម្តងក្នុងជីវិត ដែលជាផ្នែកមួយនៃគ្រឹះជំនឿទាំង៥សម្រាប់អ៊ីស្លាម។

១០. ប្រតិទិនអ៊ីស្លាមមានរយៈពេលខ្លីជាងប្រតិទិនលោកខាងលិចចំនួន ១១ ថ្ងៃ។ មូលហេតុដោយសារប្រតិទិនឥស្លាមផ្អែកលើដំណើរព្រះចន្ទ រីឯប្រតិទិនលោកខាងលិចផ្អែកលើគន្លងផែនដីជុំវិញព្រះអាទិត្យ។

១១. សាសនាអ៊ីស្លាមមានទំនាក់ទំនងយ៉ាងជិតស្និទ្ធជាមួយសាសនាយូដានិងគ្រីស្ទសាសនា។ ប្រជាជនមូស្លីមស្គាល់ព្រះយេស៊ូវ លោកអ័ប្រាហាំ លោកម៉ូសេ និងហោរាផ្សេងទៀតនៅក្នុងគម្ពីរប៊ីបរបស់គ្រឹស្តសាសនិក៕

ប្រែសម្រួល៖ សន្យា

ប្រភព៖ THE FACT SITE

ចុចអាន៖ ជំនឿចាស់ៗគួរឱ្យចាប់អារម្មណ៍ខ្លាំំង​ ទីមួយត្រូវប្រើរបស់ថ្មីនៅថ្ងៃសុក្រ ព្រោះអាច….

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម