វប្បធម៌ ជំនឿ
អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និងអាយុវែង
ជាទៅ មិនថាខ្មែរកាត់ចិន ឬជនជាតិចិននោះទេ ឲ្យតែដល់បុណ្យជាតិធំៗ គេតែងនិយមធ្វើអាហារប្រពៃណី ដើម្បីជាការរំលឹកដល់បុព្វបុរស និងតាមជំនឿដែលគេជឿថា នាំសំណាងល្អ អាយុយឺនយូរ និងសុភមង្គលមកឲ្យដល់គ្រួសាររបស់ពួកគេ។
ជាក់ស្ដែងអាហារខាងក្រោមនេះ គឺជាអាហារដែលប្រជាជនចិននិយមមទទួលទានជាទម្លាប់ ដើម្បីនាំសុភមង្គលនិងអាយុវែង មានដល់ខ្លួននិងគ្រួសារទាំងមូល។
១ នំអ៊ី (Tangyuan)
![](https://www.kampucheathmey.com/wp-content/uploads/2021/12/1-5.jpg)
Tangyuan គឺជាកូននំដែលគេលុញឲ្យទៅ ជារូបរាងតូចៗ វាធ្វើពីម្សៅអង្ករដំណើប មានស្នូលដូចជាគ្រាប់ផ្កាឈូករ័ត្ន គ្រាប់ល្ង សណ្ដែកបណ្ដុះ សាច់ Walnut ផ្លែឈើស្ងួត ស្ករ និងប្រេងដែលអាចបរិភោគបាន។ ប៉ុន្តែក៏មាននំអ៊ីមួយចំនួនធំ គឺមិនមានស្នូលដូចគ្នាដែរ អាស្រ័យលើចំណងចំណូលចិត្តរបស់ជនជាតិចិននីមួយៗ។ នំអ៊ីសំដៅ ដល់ភាពស្អិតរមួតនៃគ្រួសារ បើហូបកាលណា នាំតែរឿងល្អៗ និងអាយុវែងដូចនំដែលហូបដែរ។
២ គាវចំហុយទឹកស៊ីអ៉ីវ (Jiaozi)
![](https://www.kampucheathmey.com/wp-content/uploads/2021/12/2-6.jpg)
Jiaozi ជាធម្មតាមានសាច់ក្រក ឬបន្លែដែលរុំចូលទៅ ក្នុងដុំម្សៅរមូរស្តើងៗ បន្ទាប់មកយើងអាចចុចគែមបិទ កុំឲ្យស្នូលចេញមកក្រៅ ក្នុងករណីស្ងោរឬចៀន។ អាហារមួយមុខនេះ ជនជាតិចិនជឿថា នាំសំណាងនិងសុភមង្គលចូលមកក្នុងគ្រួសារពេញមួយឆ្នាំ។
៣ បង្អែម Babao
![](https://www.kampucheathmey.com/wp-content/uploads/2021/12/3-3.jpg)
បង្អែម Babao ត្រូវបានគេហៅថា បង្អែមមានធាតុផ្សំប្រាំបីមុខចូលគ្នា។ វាមានអង្ករដំណើប សណ្តែកក្រហម សណ្ដែកលឿង សណ្ដែកចិន សណ្ដែកបៃតង គ្រាប់ឈូកស្ងួត អង្ករសំរូបចិន និងគ្រឿងផ្សំមួយចំនួនទៀត ដូចជា ដំណាប់ល្មើ កៅ ឡាក់សាច់ Walnut អាល់ម៉ុន សណ្តែកដី ជាមួយស្ករដើម្បីធ្វើ បបរមានរសជាតិឆ្ងាញ់។ យោងតាមជំនឿចិនពីដើម ការហូបបង្អែមនេះក្នុងពិធីបុណ្យុសែននំអ៉ី ជួយឲ្យអាយុវែង និងសុខភាពរឹងមាំពេញមួយឆ្នាំ។
៤ ឆៃថាវចិន (Chinese radish)
![](https://www.kampucheathmey.com/wp-content/uploads/2021/12/4-2-1024x680.jpg)
មិនថាខ្មែរកាត់ចិន ឬជនជាតិនោះទេ គេតែងជឿថា radish ឬឆៃថាវចិន គឺអព្យាក្រឹតនៅក្នុងតួអក្សរ ខណៈវាមានរសជាតិផ្អែមបន្តិចនិងអាចជំរុញឲ្យមានចំណង់អាហារ និងការរំលាយអាហារបានល្អប្រសើរជាងមុន។ ជាពិសេស បំបាត់ជាតិពុលបន្ថយកម្ដៅ និងគ្រប់គ្រងចលនាឲ្យមានលំនឹងជាងមុន ។ មានពាក្យបុរាណចិនមួយឃ្លាពោលថា “ការទទួលទាន radish ក្នុងរដូវរងា និងខ្ញីក្នុងរដូវក្ដៅ អាចធានាបាននូវសុខភាពពេញមួយឆ្នាំ”។
៥ នំប៉ាវតូចស្រដៀងគាវដែរ (Wonton)
![](https://www.kampucheathmey.com/wp-content/uploads/2021/12/5-1.jpg)
Wonton គឺជាប្រភេទនំប៉ាវមួយប្រភេទ ដែលត្រូវបានរកឃើញជាទូទៅ នៅក្នុងម្ហូបចិនមួយចំនួន។ គ្រឿងផ្សំមានសាច់ជ្រូកជាមួយអំបិល ខ្ទឹម ឬខ្ទឹមបារាំងបៃតងហាន់ល្អិតៗច្របល់បញ្ចូលគ្នាបានជាល្បាយ។ នំប៉ាវតូចៗស្រដៀងគាវចំហុយឬចៀន ហើយហូបក្នុងពិធីបុណ្យប្រពៃណីធំៗ មិនដែលអាក់ខានឡើយ។ ដោយគេជឿថា វានឹងនាំរឿងល្អៗ ភាពរុងរឿង និងសុភមង្គលពេញលេញក្នុងគ្រួសារ។
៦ សាច់ចៀម (Mutton)
![](https://www.kampucheathmey.com/wp-content/uploads/2021/12/Mutton-Bhuna.jpg)
តាមជំនឿចិនតែងជឿជាក់ថា សាច់ចៀមមានរសជាតិផ្អែម និងមានលក្ខណៈកក់ក្ដៅ ដែលអាចចូលទៅចិញ្ចឹមក្រលៀន និងឈាមឲ្យមានសុខភាពល្អ កាលបើបានបរិភោគរួចហើយ។ កាឡូរីនៅក្នុងសាច់ចៀមគឺខ្ពស់ជាងសាច់គោ ជាតិដែកនៃសាច់ចៀមគឺច្រើនជាងសាច់ជ្រូកប្រាំមួយដង។
បន្ថែមពីនេះ អាហារខាងលើ សុទ្ធតែជាម្ហូបប្រពៃណីជនជាតិចិន មិនដែលចោលឬអាក់ខាន និងតែងប្រារព្ធធ្វើជារៀងរាល់ឆ្នាំ ឲ្យតែមានពិធីបុណ្យជាតិធំៗ នៅក្នុងប្រទេស៕
គ្រូ ណុប
ចុចអាន៖អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង
ចុចអាន៖មកដឹងពីម្ហូបប្រពៃណីចិនល្បីៗ សូម្បីបរទេសក៏ស្ងើចសរសើរថាឆ្ងាញ់និងប្លែកពីប្រទេសផ្សេង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៣ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ជីវិតកម្សាន្ដ៦ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានអន្ដរជាតិ៥ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៣ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត