គ្រោះ ឬលាភ ទស្សន៍ទាយទាំងអស់ រាសីឆ្នាំទាំង ១២ កំលុងឆ្នាំ២០២២

ខាងក្រោមនេះជាហោរាសាស្ត្រសង្ខេបសម្រាប់ឆ្នាំទាំង ១២ កំលុងឆ្នាំ ២០២២ ចូលមកដល់៖

​ឆ្នាំ​ជូត (កណ្ដុរ)

ជីវិតប្រៀបដូចសុបិន្តអាក្រក់ដដែលៗ។ ប៉ុន្តែមិនអីទេ រឿងល្អនឹងកើតឡើងឆាប់ៗ គួរឱ្យភ្ញាក់ផ្អើល។ ពណ៌​នាំ​សំណាង​សម្រាប់ឆ្នាំ២០២២គឺ លឿង និងស។

ឆ្នាំឆ្លូវ (គោ)

ជីវិតហត់នឿយ ដូចនៅទីលានប្រណាំង អ៊ីចឹង។ ពេលខ្លះហាក់ជាប់គាំង ប៉ុន្តែកុំបោះបង់ ឱ្យតែតស៊ូបន្តិចទៀត អ្វីៗនឹងល្អប្រសើរឡើងវិញ។

ឆ្នាំខាល (ខ្លា)

ឆាកជីវិតយ៉ាប់យឺនបន្តិច និងជួបប្រទះនឹងបញ្ហាច្រើន។ ដើម្បីរំដោះសំណាងអាក្រក់ចោល ​ត្រូវ​ធ្វើ​បុណ្យ ធ្វើ​ទាន រំដោះ​ជីវិត​សត្វ នោះអ្នកប្រាកដជារួចផុតពីជំងឺ និងគ្រោះថ្នាក់នានា។

ឆ្នាំថោះ (ទន្សាយ)

កុំសូវទុកចិត្តមនុស្ស អ្នកនឹងជួបបញ្ហា ដោយសារមនុស្សដែលទុកចិត្តបំផុត។ ឆ្នាំនេះនឹងបានជួបមនុស្សរាប់ពាន់នាក់ ប៉ុន្តែមានតិចណាស់ដែលស្មោះត្រង់។ បើសិនជ្រើសរើសពណ៌បៃតង និងខៀវប្រើ ​អាចជួយកាត់គ្រោះអាក្រក់ចេញបានខ្លះ។

ឆ្នាំរោង (នាគ)

ជិវិតខាងមុខគឺជាក្តីសង្ឃឹម រឿងកន្លងហួសគឺជាមេរៀន ជីវិតចាប់ឆ្នាំ២០២២ ផ្តើមមានដំណឹងល្អខ្លះវិញហើយ បន្ទាប់ពីជួបរឿងមិនសមបំណងជាច្រើនកន្លងមក។ ដើម្បីបង្កើនសំណាងល្អគួរឧស្សាហ៍ប្រើពណ៌​បៃតង និង​ពណ៌​មាស។

ឆ្នាំម្សាញ់ (ពស់)

ឆ្នាំនេះ ជាឆ្នាំដ៏ហត់នឿយ សម្រាប់អ្នក។ ទាំងការងារ ហិរញ្ញវត្ថុ និងស្នេហា អ្វីៗហាក់មិនគាប់ប្រសើរ និងជួបរឿងខូចចិត្តច្រើន។​ យ៉ាងណាក្ដី អ្នកអាចបន្ថែម​សំណាង​មកវិញ ដោយទៅសែន​នៅ​ចេតិយ ហើយចៀសកុំចូលរួមបុណ្យ​សព ។

ឆ្នាំមមី (សេះ)

ជីវិតប្រែពីលំបាកទៅស្រួល។ អ្នកនឹងទទួលបានឱកាសការងារល្អៗ ព្រមទទួលបានសំណាងដែលមិនធ្លាប់រំពឹងទុក។ បញ្ហាជីវិតខាប់ផ្ដើមរសាយ មានលុយហូរចូលបន្ថែម រីឯគ្រួសារ​ទទួលបានភាពរីករាយ មានតែសំណើច។

ឆ្នាំមមែ (ពពែ)

ទាំងអាជីព និងការរកស៊ី មានគូប្រជែងច្រើន តម្រូវឱ្យអ្នកខំប្រឹងប្រណាំងប្រជែងខ្លាំងដែរ។ សំណាងអាក្រក់កើតឡើងបន្តបន្ទាប់ ការរស់នៅតម្រូវឱ្យមានការប្រុងប្រយ័ត្នខ្ពស់។

ឆ្នាំវក (ស្វា)

ឆាកជីវិតភព្វប្រសព្វនឹងភាពខ្មៅងងឹតខ្លាំងជាងមុន។ អ្នកនឹងមានរឿងឈឺក្បាលច្រើន ចំណែក​ហិរញ្ញវត្ថុ ការវិនិយោគ និង​ស្នេហា​ ក៏មានឧបសគ្គច្រើនដែរ។​ ទោះបី​ជួប​គ្រោះក្ដី ចូរធ្វើ​បុណ្យឱ្យបានទៀងទាត់រៀងរាល់ថ្ងៃសីល ​ហើយ​ហាម​បរិភោគ​សាច់ច្រើន ជាពិសេសអ្នកដែលកើតក្នុងឆ្នាំ២០១៦ និងឆ្នាំ១៩៨០។

ឆ្នាំរកា (មាន់)

ឆាកជីវិតជួបភាព​រីករាយ អាជីពរីកចម្រើនទៅមុខ។ អ្នកនៅលីវក៏រស់នៅក្នុងស្ថានសុខស្រួល និងសម្បូរបែប។ បើបានពណ៌​លឿង មកប្រើជាប្រចាំ រឹតតែមានរាសីខ្ពស់ ។

ឆ្នាំច (ឆ្កែ)

ឆ្នាំ២០២២ ជាឆ្នាំមហាហេង។ ជីវិតមានភាពរីចម្រើនខ្លាំង មុខជំនួញ ការងារ ហិរញ្ញវត្ថុ សេចក្តីស្នេហា គឺសំណាងល្អគ្រប់យ៉ាង។ អ្នកនឹងទទួលបានលាភ បានជ័យ សឹងគ្រប់ប្រការ។

ឆ្នាំកុរ (ជ្រូក)

គ្មានជោគជ័យណា បានមកដោយគ្មានការប្រឹងប្រែងឡើយ។ ឆ្នាំ២០២២ ទាមទារឱ្យអ្នកអត់ធ្មត់ខ្លាំង។ ការចាប់ផ្តើមដំបូងហាក់ដូចអាក្រក់ តែចុងក្រោយនឹងល្អវិញ​ដូចពាក្យចាស់ពោលថា ពិបាកមុន ស្រណុកក្រោយ។ ព្យាយាមធ្វើបុណ្យ ដាក់ទានដល់ជនក្រីក្រ និងជនពិការ នោះជោគជតានឹងប្រែពីអាក្រក់ទៅល្អ៕

អត្ថបទ៖ សន្យា

ចុចអាន៖ វក ម្សាញ់ កុរ និង ខាល ២០២២ ឡាក់ឆុងមែនពិត តែបើធ្វើរឿងនេះ ជីវិតនឹងគេចផុតពីសំណាងអាក្រក់ពេញមួយឆ្នាំ

ចុចអាន៖ រឿងសំណាង និងរឿង​ត្រូវ​ប្រយ័ត្ន​ ចំពោះតារានិករទាំង១២ កំលុងឆ្នាំ២០២២