វប្បធម៌ ជំនឿ
បកស្រាយអត្ថន័យសុបិនដែលមិនគួរព្រងើយកន្តើយ
សុបិនជាទូទៅតែងប្រាប់ពីដំណើរការក្នុងជីវិតប្រចាំថ្ងៃរបស់យើង។ ដូច្នេះកុំព្រងើយកន្តើយនឹងសុបិនទាំងនោះឲ្យសោះ។
តើសុបិនទាំងនោះជាអ្វីខ្លះ?
១. សុបិនឃើញខ្លួនឯងកំពុងដួល

សុបិនឃើញខ្លួនឯងកំពុងដួលឬធ្លាក់ចុះ ភាគច្រើនទាក់ទងនឹងវាសនានិងអារម្មណ៍ដែលយើងត្រូវមានទំនួលខុសត្រូវ ដែលមានមនុស្សដាក់បន្ទុកមកលើយើងខ្លាំងពេក។ ចិត្តវិទូ Ian Wallace ជឿជាក់ថា ការធ្លាក់ចុះគឺជាអារម្មណ៍នៃការបាត់បង់ការគ្រប់គ្រង លើទិដ្ឋភាពនៃជីវិតពិតបច្ចុប្បន្ន។
២. មរណភាពឬបាត់បង់ធ្មេញ

សុបិនទាំងនេះបង្ហាញពីការខ្វះការគោរពខ្លួនឯង។ សុបិនស្លាប់មានន័យថា យើងអាចនឹងមានការផ្លាស់ប្ដូរនៅខាងមុខ ហើយយើងកំពុងទុកអតីតកាលចោលដើរឆ្ពោះទៅរករបស់ថ្មី។
សុបិនឃើញបាត់បង់ធ្មេញ ត្រូវបានផ្សារភ្ជាប់ជាមួយនឹងការបង្ក្រាបកំហឹងក្នុងពេលបច្ចុប្បន្នរបស់យើង។
៣. ខកខានការប្រកួតឬការប្រលង

សុបិនឃើញខកខានការប្រកួតណាមួយ មិនបានប្រលង ឬខ្មាសអៀនខ្លួនឯងនៅទីសាធារណៈជាដើម។ សុបិនប្រភេទនេះបង្ហាញថា យើងកំពុងតានតឹង ថប់បារម្ភ និងព្រួយបារម្ភនៅពេលថ្ងៃអំពីអ្វីមួយមុនពេលដេកលក់។
៤. ស្លៀកខោខ្លីឬគ្មានសម្លៀកបំពាក់

សុបិននេះគឺនិយាយពីអារម្មណ៍ខ្មាសអៀន ហើយមានន័យថាយើងកំពុងមានអារម្មណ៍ងាយរងគ្រោះក្នុងទំនាក់ទំនងថ្មី ឬនៅកន្លែងធ្វើការថ្មី ហើយខ្លាចថាមនុស្សជុំវិញខ្លួនដឹងចំណុចខ្សោយរបស់យើង។
ចំណែកក្នុងសុបិន ឃើញខ្លួនឯងគ្មានសំលៀកបំពាក់ទៅចូលរួមព្រឹត្តិការណ៍ដ៏សំខាន់ វាអាចជាសញ្ញានៃអសន្តិសុខអំពីព្រឹត្តិការណ៍ដែលនឹងកើតមានក្នុងជីវិតរបស់យើង។
៥. ឃើញគ្រោះមហន្តរាយធម្មជាតិ

សុបិនទាំងនោះមានន័យថា យើងមានអារម្មណ៍ថាបានបាត់បង់ការគ្រប់គ្រងលើបញ្ហាផ្ទាល់ខ្លួន។ ឬទទួលរងការគំរាមកំហែងអំពីអ្វីមួយនៅក្នុងជីវិតរបស់យើង។ អារម្មណ៍ទាំងនេះអាចធ្វើឱ្យយើងមានអារម្មណ៍ថាងាយរងគ្រោះ នៅពេលយើងភ្ញាក់ ដូច្នេះគួរតែដោះស្រាយជាប្រញាប់។
៦. សុបិនឃើញមានផ្ទៃពោះ

បុរសនិងស្ត្រីអាចសុបិនឃើញខ្លួនឯងមានផ្ទៃពោះដូចគ្នា ហើយក៏បង្ហាញថា យើងកំពុងផ្ដល់កំណើតនិងគំនិតថ្មីៗ។ ប្រសិនបើយើងស្ថិតនៅគម្រោងសំខាន់ៗ នោះត្រូវកំណត់គោលដៅនិងខិតខំធ្វើការដើម្បីនាំទស្សនៈរបស់យើងឲ្យក្លាយជាការពិត។
៧. ដៃគូបានចាកចេញពីយើង

មនុស្សជាច្រើនបានឆ្លងកាត់សុបិនដ៏គួរឱ្យខ្លាចនេះ ដោយឃើញដៃគូរបស់ពួកគេបានចាកចេញ។ សុបិននេះមិនមែនជារឿងធម្មតាទេ ប៉ុន្តែជាតំណាងនៃគំនិតនិងអារម្មណ៍។ ការភ័យខ្លាចចំពោះការដើរចេញរបស់មនុស្សជាទីស្រឡាញ់ មិនមែនជារឿងចម្លែកទេ ហើយអាចតំណាងឱ្យខ្លួនយើងនៅក្នុងសុបិនដែរ។
នេះអាចមានបញ្ហាជាមួយទំនាក់ទំនងរបស់យើង ដែលយើងត្រូវដោះស្រាយជាប្រញាប់។ ចូរនិយាយអំពីការភ័យខ្លាចទាំងនោះជាមួយដៃគូរបស់យើង ដើម្បីធានាថាសុខភាពផ្លូវចិត្តនិងរាងកាយរបស់យើង មិនត្រូវបានជះឥទ្ធិពលអវិជ្ជមាន៕
អត្ថបទ ៖ សាង ស្រីល័ក្ខ

-
ព័ត៌មានអន្ដរជាតិ៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?