វប្បធម៌ ជំនឿ
ថ្មធម្មជាតិ ៦០០០ ឆ្នាំ Lapis Lazuli នាំសំណាង យសស័ក្តិ និងការគោរពស្រលាញ់
នៅពេលដែលអ្នកណាម្នាក់ពាក់ត្បូងថ្ម Lapis Lazuli ថាមពលទាក់ទាញសំណាងត្រូវបានបំផុសឡើងមក មិនថាគំនិតគិតអំពីអ្វី ថាមពលចង់ធ្វើអ្វី ភាពអវិជ្ជមានបម្រុងកើតឡើងមកដោយប្រការណាក្តី បានក្លាយជា ការគិតបែបវិជ្ជមាន និងប្រកបដោយការស្មារតីស្ថាបនាខ្ពស់។ ត្បូងនេះ សក្តិសមនឹងបុគ្គលណា ដែលមានយសក្តិ មានបរិវាហែរហម គប្បីទិញថ្មនេះ យកមកប្រើ ឬទុកជាទ្រព្យក្បែរខ្លួន។
ត្បូងថ្មធម្មជាតិ ឡាពីសឡាហ្សូលី(Lapis Lazuli) ផ្តល់នូវគុណសម្បត្តិ នៃសីលធម៌ដែលជះឥទ្ធិពលដល់បុគ្គលិកលក្ខណៈនៃមនុស្សកំពុងស្ថិតក្នុងអំណាច។ ឥទ្ធិពលលើចក្រារបស់ត្បូងនេះ រំលើកទឹកចិត្តឱ្យម្ចាស់វា មានការច្នៃប្រតិដ្ឋ មានគំនិតសន្តោសមេត្តា មានភាពអត់ធ្មត់ខ្ពស់លើសមនុស្សធម្មតា ដែលអាចកាន់ការធំបានសម្រេចសឹងគ្រប់រឿង។
Lapis Lazuli គឺជាផ្នែកមួយនៃថ្មធម្មជាតិប្រភេទកម្រ ដែលត្រូវបានគេប្រើច្រើនបំផុតចាប់តាំងពីប្រវត្តិសាស្រ្តរបស់មនុស្សកកើតដំបូង។ ស្តេចជាច្រើននៅអឺរ៉ុបមានថ្មនេះ ជាអលង្ការក្នុងទិវាអភិសេកគ្រងរាជ ព្រោះគេជឿថាជាថាមពលនៃអំណាច ទសពិតរាជធម៌ និង ការបង្ករបរិវារាប់ម៉ឺនសែន។
ល្បាយពណ៌ខៀវជ្រៅរបស់វា រហូតដល់ពេលនេះ នៅតែជានិមិត្តរូបនៃរាជវង្សនិងកិត្តិយស ជាតំណាងឱ្យសេនាធំនៃព្រះ តំណាងឱ្យអំណាចនៃវិញ្ញាណដែលពេញដោយចក្ខុវិស័យលើសពីមនុស្សធម្មតា។
វាក៏ជានិមិត្តរូបនៃការនាំមកថាមពល ប្រាជ្ញានិងសេចក្តីល្អបរិសុទ្ធក្នុងផ្នត់គំនិតអ្នកដែលពាក់វា (មនុស្សគិតអាក្រក់ ព្យាបាទអ្នកដទៃ មិនអាចប្រើត្បូងនេះបានឡើយ)។ ដើម្បីទទួលបានអត្ថប្រយោជន៍ពីគុណភាពរបស់ LaPis យើងអាចធ្វើជាចិញ្ចៀនឬខ្សែដៃពាក់ជាប់ខ្លួនបាន។
Lapis Lazuli មិនមែនជាថ្មដែលមានតម្លៃថ្លៃពេកនោះទេ ប៉ុន្តែវាកម្រមាន។ ប្រភេទដែលមិនមានបង្កប់សសៃមាសក៏អាចលក់ក្នុងតម្លៃប្រមាណជា ២០ ដុល្លារក្នុងមួយការ៉ាត់ រីឯឡាពីសដែលមានជាតិខ្សែមាសច្រើន អាចឡើងដល់ ១០០-១៥០ ដុល្លារ ក្នុងមួយហ្គារ៉ាត់។
ការលាងសម្អាតវា យើងអាចធ្វើបានដោយប្រើ ទឹកក្តៅឧណ្ឌ ៗ ។ គេមិនគួរដាក់ត្បូង Lapis Lazuli ក្នុងម៉ាស៊ីនជ្រលក់គីមីឬគ្រឿងអលង្ការទេ ហើយការពារពីសារធាតុអាសុីតឲ្យបាន។ បើយើងរកជាងធ្វើ ត្រូវប្រាប់គេឱ្យច្បាស់។
Lapis Lazuli បច្ចុប្បន្ន រកបានដោយកម្រដោយសារវាមានតិចជាងត្បូងពេជ្រ។
ឡាពីសដែលមានពណ៌ខៀវស្រងាត់ ផ្ទុកសារធាតុរ៉ែធម្មជាតិ និងចែកចាយពណ៌ខៀវខុសៗពីគ្នាច្រើនសណ្ឋានក្នុងដុំតែមួយ ចាត់ថាជារបស់ពិត។
កាល៦០០០ឆ្នាំមុន ប្រភពដើមនៃ Lapis Lazuli ត្រូវបានគេរកឃើញនៅក្នុងតំបន់ថ្មកំបោរ នាជ្រលងដងទន្លេ Kokcha នៃខេត្ត Badakhshan ភាគឦសានប្រទេសអាហ្វហ្គានីស្ថាន៕
អត្ថបទ ៖ ចម្រើន តារា
ចុចអាន៖ ទទឹមគឺជាត្បូងដ៏កម្រលើផែនដីនិងមានឥទ្ធិពលខ្លាំងសូម្បីតែក្នុងសុបិនដែលឃើញត្បូងនេះ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ