សុបិនរៀបការ អត្ថន័យល្អខាងស្នេហា តែខាងអាជីពអត្ថន័យផ្ទុយស្រឡះ

អត្ថន័យទូទៅ

សុបិនរៀបការ​ ខាងផ្នែកអាជីព អត្ថន័យមិនល្អប៉ុន្មានទេ។ សុបិននេះចង់ប្រាប់អ្នកកុំឱ្យវិនិយោគលើអ្វីទាំងអស់ ព្រោះគម្រោងមិនមានភាពច្បាស់លាស់ បង្កឱ្យខាតបង់ប្រាក់ធំ។

ចំពោះមន្ត្រីប៉ូលិស កំពុងបញ្ជាក់ថា ​អ្នកមានគ្រោះថ្នាក់នៅក្នុងជីវិតពិត ព្រមទាំងមានជម្លោះធំដុំ បើសិនអ្នកមិនអាចបត់បែនតាមស្ថានការណ៍ទាន់ពេលនោះទេ។

ចំពោះអ្នក​ធ្វើ​ការក្រោមបង្គាប់គេវិញ ត្រូវ​មិត្ត​រួម​ការងារលួច​ចាក់​ពីក្រោយ​ខ្នង និងព្យាយាមប៉ែងជើង មិនឱ្យអ្នកនៅបានសុខ ​ព្រោះគេច្រណែនស្អប់។ អ្វីដែលគួរធ្វើ ត្រូវក្សាភាពស្ងៀមស្ងាត់ កុំព្យាយាមតបត ​នោះបញ្ហាធ្ងន់នឹងក្លាយជាស្រាលវិញ។

អត្ថន័យស្នេហា

​សុបិន​រៀបការ ពីបង្ហាញដៃគូ១០០ឆ្នាំ ដែលនឹង​ចូល​មកបំពេញជីវិតឱ្យស្រស់បំព្រង សម្រាប់អ្នកនៅលីវ។ ចំពោះបុរស នឹងទទួលបានការស្រឡាញ់កាន់តែខ្លាំងពីមិត្តស្រីឬប្រពន្ធ។ ម្យ៉ាងទៀតសុបិននេះ ក៏បង្ហាញថា អ្នក​នឹង​ត្រូវសង្សារឬភរិយា ប្រចែប្រចណ្ឌខ្លាំងផងដែរ អាចមកពីអ្នកជាបុរសមានមន្តស្នេហ៍។ ចំពោះស្រ្តី សុបិនរៀបការ នាងនឹងទទួលបានអំណោយជាគ្រឿងអលង្ការ ឬដំណឹងមានបុត្រ ឬមានគេហដ្ឋានថ្មីឆាប់ៗនេះ៕

អត្ថបទ៖ សន្យា

ចុចអាន៖ សុបិនស្នេហា ៖ អត្ថន័យសុបិនកាន់ដៃ និងការបកស្រាយ

ចុចអាន៖ ឃើញស្ត្រីចម្លែកក្នុងសុបិន អត្ថន័យទាក់ទងនឹងមិត្តភាព