វប្បធម៌ ជំនឿ

រុក្ខជាតិហុងស៊ុយ គេជឿថា ដាំក្នុងផ្ទះ ជួយបង្កើនសំណាងល្អ និងរីកចម្រើនផ្នែកអាជីព

បានផុស

៣ years មុន

នៅ

ថ្ងៃសុក្រ ៣១ ធ្នូ ២០២១

ដោយ

ការស្វែងរកវត្ថុស័ក្ដិសិទ្ធិ ដើម្បីតុបតែងផ្ទះ ជារឿងមួយដែលមនុស្សជាច្រើនចាប់អារម្មណ៍។ ក្រៅពីរូបបដិមា រូបគំនូរ ឬអាងចិញ្ចឹមត្រី វត្ថុមួយទៀតដែលមិនអាចខ្វះបាន នោះគឺដើមឈើប្រណីត។

ការរកដើមឈើនាំលាភ មកតុបតែងផ្ទះ ដើម្បីជួយលើកកម្ពស់ការងារ និងលាភសំណាង ក៏ជារឿងគួរឲ្យចាប់អារម្មណ៍មួយទៀត។ គេជឿថា វាជារុក្ខជាតិដ៏មានសំណាង ដែលលើកកម្ពស់សេចក្ដីថ្លៃថ្នូរ និងកិត្តិយសដល់សមាជិកគ្រួសារ វាក៏មានអត្ថន័យល្អក្នុងន័យការងារផងដែរ។

១ ប្រទាល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាដើមឈើទំហំមធ្យម ស្លឹកមានរាងស្ដើង ហើយចុងស្លឹកគឺរាងស្រួច បើនិយាយពីអត្ថន័យ រុក្ខជាតិមួយប្រភេទនេះ គេនិយមដាំ ជាពិសេសនៅអាស៊ី ហើយជឿថា នាំសំណាងល្អ មានភាពរុងរឿងក្នុងការងារ។

២ ដើមផ្កាចំប៉ា

ជារុក្ខជាតិដែលមានអាយុកាលច្រើនឆ្នាំមកហើយ។ ផ្ការបស់វាតែងចេញស្ទើរតែពេញមួយឆ្នាំ និងមានក្លិនក្រអូប។ តាមជំនឿ ពេលដាំដើមចំប៉ានៅក្នុងផ្ទះនឹងនាំសំណាងល្អ លើកកម្ពស់ជីវភាពគ្រួសារ ឲ្យកាន់តែរុងរឿង និងមានសុភមង្គលពេញលេញ។

៣ ប្រទាលម្ជុលពេជ្រ

គឺជារុក្ខជាតិមានបន្លាមុតស្រួច ចេញផ្កាជាក្រុម ដែលមានពណ៌ចម្រុះយ៉ាងស្រស់ស្អាត រួមមាន ក្រហម ផ្កាឈូក ស លឿង ដោយជំនឿលើរុក្ខជាតិនេះ គឺគេជឿថា វានាំសំណាងល្អនិងហុងស៊ុយ បើមាននៅក្នុងផ្ទះ។ ជាពិសេសនឹងនាំមកសុភមង្គល ដល់អ្នកសមាជិកគ្រួសារនីមួយៗ ។

៤ ដើមចេក

ជារុក្ខជាតិមានរូបរាងធំៗ វាមានអត្ថប្រយោជន៍ជាច្រើនផ្នែក ទាំងផ្លែស្លឹកនិងដើម ដែលអាចយកមកធ្វើម្ហូបបាន។ នៅក្នុងអត្ថន័យ តាមជំនឿ ការដាំដើមចេកនៅខាងកើតផ្ទះ នឹងជួយការងារបានរលូនទៅមុខ។ ជាពិសេស បើមានសត្រូវមកប៉ងអាក្រក់ នោះនឹងខ្ចាត់ព្រាត់ទៅឆ្ងាយលែងមកទៀត៕

គ្រូ ណុប

ចុចអាន៖ឃ្លោក ចិន ហុងស៊ុយហៅលុយកាក់ បង្កើនលាភសំណាង និងអាយុយឺនយូរក្នុងគ្រួសារ

ចុចអាន៖បន្ទប់ឬកន្លែងធ្វើការងងឹត អាចនាំថាមពលអាក្រក់ចូលមក ហើយអំណាចនឹងនៅទ្រឹងថមថយកម្លាំង