ក្អែប ក្នុងសុបិន សំដៅដល់លាភសំណាង ពីមនុស្សភេទផ្ទុយ

កាលបើសុបិនឃើញក្អែ​ប តាមជំនឿមិនមែនមាន័យថា សុទ្ធតែអាក្រក់នោះទេ។ ហោចណាស់ក្នុងន័យនេះ គឺសំដៅដល់​អភូតហេតុ​ ឬ​លាភ​សំណាង​មនុស្ស​ភេទ​ផ្ទុយ​ ​យកមកឲ្យដល់កន្លែងក៏មាន។

សុបិន​ឃើញ​ក្អែប

បកស្រាយ​ថា​​ អ្វី​ដែល​អ្នក​គិត ឬ​អ្វី​ដែលកំពុង​ធ្វើ អាច​នឹង​ជួប​ឧបសគ្គ ឬ​ជាប់​គាំង​នៅ​ទ្រឹង។ ដូច្នេះ ​ចូរ​ប្រញាប់​រក​ដំណោះស្រាយ​ឲ្យ​បាន​កាន់​តែ​ឆាប់ ​គឺ​ល្អ​បំផុត។

សុបិន​ថា​សត្វ​ក្អែប​ខាំ

បញ្ជាក់​​ថា ​អ្នក​អាច​ទទួល​បាន​សំណាង​ពី​មនុស្ស​ពេញវ័យ ​ដែល​មក​ពី​ចម្ងាយ។ ប៉ុន្តែ​ចូរ​បក​ប្រយ័ត្នប្រយែង​ ហើយ​តាំង​ចិត្ត​ ទទួល​អ្វី​ដែល​កើត​ឡើង។

សុបិន​ឃើញ​សត្វ​ក្អែប​ជា​ច្រើន

បាន​ន័យ​ថា ​អាច​ទទួល​បាន​សំណាង​ពី​ភេទ​ផ្ទុយ។ ដែល​សំណាង​នោះ ​អាច​ជា​ការ​រកស៊ី​ជាមួយ​គ្នា ​ឬការ​ចូល​ហ៊ុន​ណា​មួយ ដែល​មាន​មក​ជា​យូរ​ហើយ។

សុបិន​ចង់​សម្លាប់​សត្វ​ក្អែប

បញ្ជាក់​ថា ​ក្នុងអំឡុងពេល​នេះ ​នឹងមានមនុស្ស​ចម្លែក ​អាច​នាំ​មក​នូវ​បញ្ហា ​ឬ​ធ្វើ​ឲ្យ​អ្នក​មាន​អារម្មណ៍​សោកសៅ ​ឬ​មាន​មន្ទិល​ដោះស្រាយ​មិន​ចេញ។

យ៉ាងណាមិញ នេះគ្រាន់តែជាសុបិននោះទេ ចំពោះទិដ្ធភាពខាងក្រៅយ៉ាងណា គឺអាស្រ័យលើទង្វើ និងកាយវិការបុគ្គលដែលធ្វើប៉ុណ្ណោះឯង៕

គ្រូ ណុប

ចុចអាន៖បកស្រាយសុបិនឃើញមនុស្សចាស់ ឬឲ្យរបស់របរចម្លែក តើអត្ថន័យដូចម្ដេច?

ចុចអាន៖សេះក្នុងសុបិន អត្ថន័យសំដៅដល់អាជីពកាន់តែរីកចម្រើន និងសំណាងល្អនាពេលខាងមុខ