ឃើញខ្លួនឯងបម្រើអាហារ​ ក្នុងសុបិន អត្ថន័យបង្ហាញពី ភាពសប្បុរស បរិបូរណ៍ និងវិបុលភាព ក្នុងជីវិត

សុបិន​មាន​ការបកស្រាយផ្សេងៗគ្នា ទាក់ទង​នឹង​អ្វី​ដែល​អ្នក​កំពុង​បម្រើ និង​អ្នក​ដែល​យើង​កំពុង​បម្រើ​ក្នុង​សុបិន។ យ៉ាងណាមិញ ការ​ផ្ដល់​អាហារនៅក្នុងសុបិន​ ​បង្ហាញ​ពីភាពសប្បុរស និងការបម្រើអាហារដល់​នរណា​ម្នាក់ ​បង្ហាញ​ពី​ភាពបរិបូរណ៍ និង​វិបុលភាព។ ការបម្រើអាហារក្នុងសុបិន ​អាចជាសញ្ញាថា អ្នកនឹងយកឈ្នះលើការលំបាក ហើយសម្រេចបាននូវគោលដៅ និងគោលបំណងក្នុងជីវិត។

អត្ថន័យ​លម្អិត​នៃការបម្រើអាហារក្នុងសុបិន ការបម្រើអាហារសុខភាព ឬអាហារ​មាន​ជីវជាតិ​ដល់​នរណាម្នាក់ ​អត្ថន័យ​បង្ហាញ​ពីការ​ផ្លាស់ប្តូរ ឬ​សញ្ញាវិជ្ជមាន និងការបម្រើអាហារមិនល្អ ឬ​មិនប្រក្រតី​ នឹងតំណាង​ឲ្យ​សញ្ញាអវិជ្ជមាន ​នៅ​ក្នុង​ជីវិត​នា​បច្ចុប្បន្ន​នេះ។

ការដែលសុបិនឃើញខ្លួនឯងកំពុង​បម្រើអាហារ បញ្ជាក់​បាន​ថា អ្នក​គឺ​ជា​មនុស្ស​ដែល​មាន​កាតព្វកិច្ច លះបង់ ឬ​មាន​កិច្ចខិតខំ​ប្រឹងប្រែងសំខាន់ៗ​ក្នុង​ជីវិត ។ ក្នុងកម្រិតមួយ ភាពគួរសម និងការលះបង់គឺល្អ ប៉ុន្តែនៅពេលនិយាយអំពីតម្លៃខ្លួនឯង ឬការគោរពខ្លួនឯង នោះវាគឺជា​សញ្ញា​ព្រមាន​មួយ​ទៅវិញ។

មនុស្សចាប់ផ្តើមវាយតម្លៃសមត្ថភាពរបស់អ្នក ដោយផ្អែកលើធម្មជាតិដែលចុះចូលនិងយើង ហើយ​ទទួលយកដោយ​យល់ស្រប។ ដូច្នេះក្រោយភ្ញាក់ពីដំណេកត្រូវ​វិភាគ​ស្ថានភាព​ជីវិត​ ដើម្បីសិក្សា ​យល់​ពី​អត្ថន័យ​ដ៏​ត្រឹម​ត្រូវ​ និង​ការ​ផ្សារភ្ជាប់​នៃ​សុបិនដែលឃើញ។

បម្រើអាហារពេញមួយថ្ងៃ ឬអាហារជាច្រើនដល់នរណាម្នាក់ក្នុងសុបិន ការ​បម្រើអាហារ​ពេញមួយថ្ងៃ ឬ​អាហារ​ជាច្រើន​ដល់​នរណា​ម្នាក់​ក្នុងសុបិន​ ត្រូវបានចាត់ទុកថាជាសញ្ញាល្អ និងជានិមិត្តរូបនៃ​ភាព​ជោគជ័យ សុភមង្គល ទ្រព្យសម្បត្តិ នៅ​ក្នុង​ជីវិត​បច្ចុប្បន្ន។

ប្រសិនបើអ្នកកំពុងបម្រើអាហារដល់​មនុស្សជាច្រើន នោះ​តំណាង​ឲ្យ​ភាពសម្បូរបែប ភាពរុងរឿង​នៃ​ជីវិត។ ដូច្នេះត្រៀមខ្លួន​ ដើម្បីរីករាយនឹងផលផ្លែផ្កា នៃអំពើល្អ ដែលយើងបានធ្វើកន្លងមក។ ​មួយទៀត សុបិន​អាចទាក់ទង​នឹងគ្រប់ទិដ្ឋភាពនៃជីវិតសព្វថ្ងៃនេះ​ដែរ។

ឃើញខ្លួនឯង​កំពុង​បម្រើ​អាហារ​ដល់​មនុស្សប្លែកមុខ សុបិន​បែបនេះ ​ក៏​អាច​ជា​សញ្ញា​ដាស់តឿន​ថា​ យើង​កំពុង​ទទួល​ខុស​ត្រូវ​ចំពោះ​សុខុមាលភាព​ខ្លួនឯង​ឲ្យខ្លាំងក្លា។ ជា​ការ​ល្អ​ ដែល​យើង​មើល​ថែ​អ្នក​ដទៃបានយ៉ាងល្អ​ ប៉ុន្តែ​ក៏​ត្រូវ​ផ្ដោត​លើ​ខ្លួនឯង​ជា​ចម្បង​ដូចគ្នា។ ក្ដី​សុបិន សេចក្ដី​ប្រាថ្នា គោលដៅ និង​បំណង​ប្រាថ្នា​របស់​យើង ​ក៏​មាន​មាន​សារៈសំខាន់​​ ហើយ​ក៏ទាមទារ​ការ​លះបង់​មកដែរ។

បើ​សិន​ឃើញ​ខ្លួនឯង​កំពុង​យក​អាហារ​ដែល​មាន​ក្លិន​ស្អុយ ឬ​រលួយ ​ទៅ​ឲ្យ​គេ ​វា​តំណាង​ឲ្យ​ទម្លាប់​ដ៏ខ្ចិលរបស់យើងនៅខាងក្រៅ អាចថាយើងចំណាយ​វាមិន​ល្អ​។ សុបិន​នោះ ​ចង់​ដាស់តឿន​ថា យើងត្រូវ​តែ​ឆ្លាត​ជាង​មុន ​ជាមួយនឹង​ហិរញ្ញវត្ថុ​ផ្ទាល់ខ្លួន។ ជាពិសេស​​ថ្មីៗនេះ យើង​​កំពុង​ចំណាយ​លុយ​លើ​របស់​ដែល​មិន​ចាំបាច់ ឬ​ចំណាយ​លើស​ប្រាក់​ដែល​រក​បានក៏មាន។

បម្រើអាហារដុត ឬមិនឆ្ងាញ់ក្នុងសុបិន អាហារដុតក្នុងសុបិន​ តំណាង​ឲ្យ​សំណាងមិនល្អ ឬការបាត់បង់អ្វីមួយដែលយើងសែនស្រលាញ់ខ្លាំង។ ប្រសិនបើអ្នកហៀបនឹងប្រថុយអ្វីថ្មី នោះក្តីសុបិនរបស់អ្នក គឺជាសញ្ញាមួយដែលថា នេះមិនមែនជាពេលវេលាដ៏ត្រឹមត្រូវនោះទេ។ ក្តីសុបិនអាចមានន័យស្រដៀងគ្នា​​ នៅក្នុងជីវិតផ្ទាល់ខ្លួន ដូច្នេះចូរយកវាមកត្រិះរិះ មុនធ្វើអ្វីមួយ។ ប្រយ័ត្នជួបបញ្ហាធំ មិនដឹងខ្លួន។

រសជាតិ​អាហារ​មិនសូវឆ្ងាញ់ ឬមិនគួរ​ឲ្យ​ចង់ញ៉ាំ នៅក្នុងសុបិន ​តំណាងឲ្យការចម្អិនមិនទាន់ឆ្អិន ឬប្រញាប់ប្រញាល់ពេក។ សុបិននេះ កំពុងដាស់តឿនថា ​យើងនៅមិន​ទាន់​ត្រៀម​ខ្លួន​ជា​ស្រេច​សម្រាប់​បញ្ហា​ប្រឈម​ និង​លក្ខខណ្ឌ​មិន​ប្រាកដ​ប្រជា​មួយចំនួន។ ដូច្នេះចូរធ្វើការលើផែនការ និងអនុវត្តឲ្យបានច្បាស់លាស់ ចៀសវាងមានបញ្ហាប្រឈម។ សុបិនបែបនេះ​ ក៏អាចបង្ហាញពីស្ថានភាព ឬឧប្បត្តិហេតុ ដែលមិនអាចទាយទុកជាមុនបានដូចគ្នា។

សុបិន​ឃើញ​បម្រើអាហារដល់ខ្លួនឯង គឺដូចជាផ្តល់ឲ្យខ្លួនឯង​នូវការផ្តោតអារម្មណ៍ និងថាមពល​ត្រឹមត្រូវ។ សុបិនបែបនេះត្រូវបានចាត់ទុកថា ជាសុបិន​ល្អ និងរីករាយ ព្រោះវាឆ្លុះ​បញ្ចាំង​ពី​តម្រូវការ​នៃ​ការថែទាំ និងសុខុមាលភាព​ផ្ទាល់ខ្លួន។

យ៉ាងណាមិញ សូមចំណាំអំពីអាហារដែលអ្នកកំពុងបម្រើឲ្យខ្លួន​ឯង នៅក្នុងសុបិន។ ប្រសិន​បើ​អ្នក​កំពុង​បម្រើ​នូវ​អាហារ​ដែល​មាន​សុខភាពល្អ និង​រសជាតិ​ឆ្ងាញ់ក្នុង​បរិមាណ​ត្រឹមត្រូវ នោះ​ចង់​បញ្ជាក់​ពី​ភាព​រីករាយ​​ នឹង​ការផ្លាស់ប្តូរថ្មីៗ នាពេលខាងមុខ ឬ​ការ​ចាប់ផ្ដើម​ថ្មី ​ក្នុង​ជីវិតទៅទៀត៕

គ្រូ ណុប

ចុចអាន៖ឃើញស្ត្រីចម្លែកក្នុងសុបិន អត្ថន័យទាក់ទងនឹងមិត្តភាព

ចុចអាន៖សត្វកណ្ដុរក្នុងសុបិន ចូរប្រយ័ត្នប្រយែងខ្លួន អាចមានគេនិយាយអាក្រក់ពីក្រោយខ្នង