គួរឱ្យខ្លាច ទើបតែដើមឆ្នាំ ទំនាយលោកយាយពិការភ្នែក Baba Vanga ក្លាយជាការពិតមួយហើយ

ប្រិយមិត្តភាគច្រើន ច្បាស់ជាបានស្គាល់ លោកយាយពិការភ្នែក Baba Vanga ដែលជាអ្នកទស្សន៍ទាយជោគវាសនាពិភពលោកដ៏ល្បីល្បាញម្នាក់។ សមត្ថភាពទស្សន៍ទាយរបស់លោកយាយត្រូវបានមនុស្សម្នាជឿតាមច្រើនបំផុត ព្រោះភាគរយនៃភាពត្រឹមត្រូវមានជិត ៩០ភាគរយឯណោះ។

ខណៈដើមឆ្នាំ ២០២២នេះ លោកយាយ Baba Vanga ដែលមានឈ្មោះពិត Vangelia Gushterova បានទស្សន៍ទាយអំពីរឿងរ៉ាវដ៏រន្ធត់ចំនួន៦ ដែលនឹង​កើតឡើងលើពិភពលោកដូចជា ការរញ្ជួយដី និងរលកយក្សស៊ូណាមិ នៅមហាសមុទ្រប៉ាស៊ីហ្វិក, ជំងឺរាតត្បាតមួយទៀត, កង្វះទឹកផឹកនៅបណ្ដាទីក្រុងធំៗជាច្រើន, ការឈ្លានពានរបស់មនុស្សភពផ្កាយ, ការញាំញីដោយរឿងចង្រៃ នៅប្រទេសឥណ្ឌា ​និងការកាន់កាប់ពិភពលោកដោយ Virtual Reality (VR)។

ក្នុងនោះគេសង្កេតឃើញថា ទំនាយទាំង ៦ ​មានទំនាយមួយហើយ ដែលបានសម្រេចនៅដើមឆ្នាំ ២០២២នេះ នោះគឺ រញ្ជួយដី និងរលកយក្សស៊ូណាមិ នៅមហាសមុទ្រប៉ាស៊ីហ្វិក។ ​ការទស្សន៍ទាយរបស់លោកយាយ Baba Vanga បានទាយថា នៅឆ្នាំនេះ នឹងមានទឹកជំនន់ខ្លាំងក្លា បណ្ដាលមកពីការរញ្ជួយដី និងរលកយក្សស៊ូណាមិ នៅក្នុងប្រទេសអាស៊ីមួយចំនួន និងអូស្ត្រាលី។

ជាក់ស្ដែង កាលពីថ្ងៃអាទិត្យ ទី១៦ ខែមករា ឆ្នាំ២០២២ កន្លងទៅនេះ ប្រទេសតុងហ្គា ដែលជាដែនកោះរបស់ទ្វីបអូស្ត្រាលី បានជួបប្រទះនឹងការបំផ្ទុះភ្នំភ្លើងក្រោមទឹកដ៏ខ្លាំងក្លា ដែលជាករណីផ្ទុះដ៏ធំ និងកម្រ ខណៈក្នុងរយៈពេលរាប់ពាន់ឆ្នាំ ទើបវាលេចឡើងម្ដង។

ការផ្ទុះនេះបានបង្កឲ្យមានការរញ្ជួយដីកម្រិត ៧.៤ រ៉ិចទ័រ និងបានបណ្តាលឲ្យមានរលកយក្សស៊ូណាមិ វាយប្រហារឆ្នេរសមុទ្រនៃប្រជុំកោះប៉ាស៊ីហ្វិកនៃប្រទេសតុងហ្គា និងបានធ្វើឲ្យកោះត្រូវគ្របដណ្តប់ដោយផេះផង់ និងដាច់ប្រព័ន្ធទំនាក់ទំនងពីប្រទេសក្បែរខាង។

ក្រោយការផ្ទុះដ៏ធំមួយនេះ មហាសមុទ្រប៉ាស៊ីហ្វិក ដែលស្ថិតក្នុងតំបន់អូស្រ្តាលី បានទទួលរងនូវរលកយក្សស៊ូណាមិ ដែលមានកម្ពស់ខ្ពស់បំផុត រហូតមនុស្សអាចថតពីចម្ងាយបានទៀតផង ខណៈទំហំនៃការខូចខាត ក៏ដូចជាស្ថានភាពគ្រោះថ្នាក់ផ្សេងទៀត នៅក្នុងប្រទេសតុងហ្គា នៅមិនទាន់មានការរាយការណ៍នៅឡើយ៕

អត្ថបទ៖ សន្យា

ចុចអាន៖ ទំនាយរបស់លោកយាយពិការភ្នែក Baba Vanga សម្រាប់ឆ្នាំ២០២២ ពិតជាគួរឲ្យខ្លាច

ចុចអាន៖ ភ្នំភ្លើងក្រោមទឹកផ្ទុះនៅ តុងហ្គាកើតឡើងម្តងប៉ុណ្ណោះ ក្នុងរយៈពេលរាប់ពាន់ឆ្នាំ