ស្នាមផ្នូក ឬខ្នៅ ៤កន្លែង បញ្ជាក់ពី​ស្ថានភាពជីវិត​ និង​​ទ្រព្យសម្បត្តិរបស់អ្នក

ក្រៅ​ពី​ប្រជ្រុយ ស្នាមផ្នូក ឬខ្នៅពីកំណើត​​លើ​រាងកាយ​ក៏​អាច​​ទស្សន៍ទាយ​ជោគវាសនា​របស់​មនុស្ស​បាន​ដែរ។ ពិសេសអ្នកណាដែលមានខ្នៅទាំង ៤ ទីតាំងដូចខាងក្រោម គេចាត់ទុកជាបុគ្គលដែលមានសំណាងពី «ឋានសួគ៌» ព្រមទាំងមានជីវភាពធូរធារនាពេលអនាគត។

ស្នាមផ្នូក ឬខ្នៅនៅក្រោមស្មា ផ្នែកខាងក្រោយ

ពួកគេត្រូវបាន​ចាត់​ទុក​ជាមនុស្ស​មាន​ជោគ​វាសនាល្អ ខ្ពង់ខ្ពស់ណាស់។ មនុស្សដែលមានស្នាមផ្នូក ឬខ្នៅនៅក្រោមស្មា ផ្នែកខាងក្រោយ មានបុគ្គលិកលក្ខណៈទន់ភ្លន់ និងសុភាពរាបសា។ ក្នុង​ជីវិត និង​ការងារ ពួកគេ​ច្រើនតែ​ចេះ​អត់ឱន និង​អាណិតអាសូរ​ដល់​មនុស្ស​​ជុំវិញ​ខ្លួន​។ ជាពិសេសមនុស្សប្រភេទនេះ ​មិនចូលចិត្តរបៀបរស់នៅដោយកំហឹង ការច្របូកច្របល់ និងការឈ្លោះប្រកែកគ្នានោះទេ។ ផ្ទុយទៅវិញពួកគេគ្រាន់តែចង់រស់នៅក្នុងជីវិតសាមញ្ញ  និងរីករាយ ដោយប្រព្រឹត្តិនូវអំពើល្អ និងសន្សំបុណ្យកុសលប៉ុណ្ណោះ។

ស្នាមផ្នូក ឬខ្នៅនៅដើមដៃ

មនុស្សដែលមានស្នាមផ្នូកត្រង់កន្លែងនេះ កើតមកជាមួយនឹងការខិតខំប្រឹងប្រែង និងចូលចិត្តរុករកសឹងគ្រប់កន្លែង។ ពួកគេ​មិន​ភ័យ​ខ្លាច​នឹង​សេចក្តីទុក្ខ​លំបាកឡើយ ដោយ​តែងតែ​ខិតខំ​ប្រមូលទ្រព្យទុកសម្រាប់​ខ្លួនឯង​​។ ពេល​ជួប​ការ​លំបាក គេ​មិន​ចុះ​ចាញ់​ទេ ផ្ទុយ​ទៅ​វិញ​គេ​ខំ​ប្រឹង​ប្រែង​កាន់​តែ​ខ្លាំងឡើង។

ភាគច្រើននៃមនុស្សដែលមានស្នាមផ្នូក ឬខ្នៅនៅដើមដៃតែងមានចិត្តល្អ រស់នៅចេះគិតគូមុខក្រោយជានិច្ច។ ថ្វីត្បិតតែជីវិតនៅក្មេងជួបភាពលំបាកច្រើនក៏ដោយ ប៉ុន្តែបន្ទាប់ពីរៀបការរួច អ្វីៗនឹងមានភាពល្អប្រសើរឡើង។ ប្ដីប្រពន្ធចុះសម្រុងគ្នា អាពាហ៍ពិពាហ៍មានភាពរលូន ជីវិតគ្រួសារជួបតែសេចក្តីសុខ និងសុភមង្គល។

ស្នាមផ្នូក ឬខ្នៅនៅលើថ្ងាស

ស្នាមផ្នូក ឬខ្នៅនៅលើថ្ងាស ត្រូវបាននរវិទ្យាចាត់ទុកជា​ទីតាំង​កម្របំផុត។ យោងតាមការកត់ត្រារបស់​នរវិទ្យា អ្នក​ណា​ដែល​មានស្នាមផ្នូក ឬខ្នៅត្រង់នេះ ជា​កំណើតនៃបុគ្គលដែលនឹងកាន់​តំណែងជា ​មេលើគេ​ ព្រោះភាគច្រើន​ពួកគេជា​មនុស្ស​ដែល​មាន​ទេព​កោសល្យខ្លាំង​ពី​ធម្មជាតិ ក្រៅ​ពី​មាន​សមត្ថភាព​ពូកែ​ហើយ គេ​ក៏​មាន​ឆន្ទៈ​ខ្ពស់ណាស់​ដែរ។

ស្នាមផ្នូក ឬខ្នៅ នៅលើបាតដៃ ឬបាតជើង

ពួកគេជាមនុស្សមានទេពកោសល្យល្អពីកំណើត ជំនាញសឹងគ្រប់យ៉ាង និងប៉ិនប្រសប់សឹងគ្រប់រឿង។ លើសពីនេះ ពួកគេជាមនុស្សស្កប់ស្កល់នឹងខ្លួន និងឯករាជ្យក្នុងការងាររបស់ពួកគេផងដែរ។ ប្រសិនបើ​បុរស​មាន​ គាត់​ជា​មនុស្ស​ដែលមាន​ទំនួល​ខុសត្រូវ​ខ្ពស់ និង​មាន​សមត្ថភាព​នាំមុខគេ​ ហើយ​ប្រសិនបើស្ត្រី ពួកគេ​កើតមក​ជា​បងប្អូន​ស្រី​ ឬជាប្រពន្ធ​ដែល​ឧស្សាហ៍​ព្យាយាម និង​ក្លាហាន​។ អនាគតពួកគេនឹង​មាន​ជីវភាព​ធូរធារ ចំណែកផ្ទះនឹង​សម្បូរ​ទ្រព្យ៕

អត្ថបទ៖ សន្យា

ចុចអាន៖ មនុស្សប្រុសស៊យបំផុត តែងមានលក្ខណៈ ៤យ៉ាងនេះ

ចុចអាន៖ ប្រជ្រុយកម្រ ៤កន្លែង បុរាណចារមកជាមនុស្សមានលាភធំ