វប្បធម៌ ជំនឿ

ទាយលម្អិត «វក» អាយុ ៤២ កើតឆ្នាំ ១៩៨០ យីអ៊ុនរឿងលុយកាក់មិនល្អ តែឋានៈសង្គមឡើងខ្លាំង

បានផុស

៣ years មុន

នៅ

ថ្ងៃសៅរ៍ ២៩ មករា ២០២២

ដោយ

រាសីចក្រស្វាលោហៈ សម្គាល់លើ មនុស្សកើតឆ្នាំ ១៩៨០ (វក) ទោះជាទូទៅ ហោរាសាស្ត្រសម្រាប់មនុស្សឆ្នាំវក ឆ្នាំ ២០២២ ជាឆ្នាំខ្លាទឹក នាំមកនូវការប៉ះទង្គិច តែអ្នកកើតឆ្នាំ១៩៨០ នឹងមានអំណោយផលសម្រាប់កសាងសមិទ្ធិផលទាក់ទិននឹងការច្នៃប្រឌិត ការផ្លាស់ប្តូរវិជ្ជាជីវៈ និងរៀន ជំនាញថ្មីៗជាជាងការបើកហាងថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារនេះ ជាពេលវេលាអំណោយផលសម្រាប់ការលូតលាស់ និងការអភិវឌ្ឍន៍វិជ្ជាជីវៈ វិធីថ្មីដើម្បីរកលុយមិនកបដូចការកសាងឋានៈទេ។ ឋានៈមានឡើងតែលុយអាចខាតខ្លះ។ នេះជាឆ្នាំសម្ងំចាយលុយ ដើម្បីរៀននិងបង្កើនឥទ្ធិពល មិនមែនជាឆ្នាំឱបក្រសោបប្រមូលលុយចូលឡើយ។

ឆ្នាំនេះក៏ល្អសម្រាប់ការពិសោធន៍ និងស្វែងយល់ក្នុងវិស័យការងារ ភាពជាអ្នកដឹកនាំ និងគុណធម៌ ជាជាងការកសាងផ្នែកហិរញ្ញវត្ថុ និយាយរួម ប្រើលុយចេញអ្នកនឹងប្រើត្រូវ ហើយជោគជ័យ តែបើប្រមូលលុយចូលនឹងមានបញ្ហាក្តៅរមាស់។ កុំខ្លាចការផ្សងព្រេងថ្មីលើដីធ្លី ឬ ធនធានមនុស្ស ព្រោះអ្វីដែលអស្ចារ្យអាចចេញពីពេលនេះនៅ៣ឆ្នាំក្រោយ។

ហោរាសាស្ត្រហិរញ្ញវត្ថុឆ្នាំ ២០២២សម្រាប់វក១៩៨០ ទស្សន៍ទាយថា គ្មានអ្វីអស្ចារ្យកើតមានគួររំភើប មានតែចំណាយ ប៉ុន្តែគ្មានការចំណាយណាមួយខកចិត្តទេទេ។ ចំណូលអាជីពនឹងមានស្ថិរភាពការ ខ្ចីលុយគេបណ្ដាក់ត្រូវហាមឃាត់។

ដំណាក់កាលទីពីរនៃឆ្នាំនេះ ចាប់ពីខែ ៧ ចិនឡើង (ខែកញ្ញា) នឹងនាំមកនូវដំណឹងល្អសម្រាប់ នៃការបង្កើនផលដែលមិនធ្លាប់រំពឹងទុក។ បើធ្វើការ ចូរធ្វើឲ្យចៅហ្វាយជាស្រី្ត យកបុគ្គលិកចូលថ្មី យកមនុស្សស្រីដែរ។

រាសីចក្រផ្នែកសុខភាពល្អ តែខាងទំនាក់ទំនងស្នេហា និងសាច់ញាតិចុះខ្សោយ។ ចំណែកការនិយាយស្តី បែរជាមានគេស្តាប់តាមច្រើន ព្រោះជាចក្រអំណាចខាងសង្គម មិនមែនហិរញ្ញវត្ថុ ឆ្នាំនេះសម្បូរវោហា និយាយស្តីបានល្អពេញមួយឆ្នាំ និងក្លាហានចេញមុខលើឆាកសាធារណៈច្រើន។

សែនចិនថ្ងៃចន្ទទី ៣១ ខែកក្កដា ឆ្នាំ២០២២ ៖ ប្រើសំពត់ ខោអាវ ពណ៌ស ឬខៀវ ឬ បៃតង ។ សែនផ្កា នំ និងផ្លែឈើពណ៌បៃតង ដូចជាក្រូចថ្លុង ម្នាស់ ទំពាំងបាយជូខៀវ ក្រូចខ្វិចខៀវ និងឪឡឹក ។ សែនផ្ទះឯងឲ្យស្រេចមុនម៉ោង ៨ ព្រឹក សឹមចេញទៅផ្ទះគេ ។ ឲ្យអាំងប៉ាវ ឬដាក់ទាន ប្រើលេខ៧ ឬលេខ៨ ។ ដូរស្លាកនានាសូមយក ៧៨ ឬ ៨៧ ។ គោរពជំនាងផ្ទះនិងព្រះភូមិ មុនចេញដើរ គោរពជីដូនជីតា គ្រូបាធ្យាយ មុនចូលដំណេក៕

គ្រូ ណុប

ចុចអាន៖មើលរាសីខែឆ្នាំទាំង ១២ ក្នុងអំឡុងខែ មករា ដល់ មីនា ល្អអាក្រក់ឬយ៉ាងណា

ចុចអាន៖ថ្ងៃសែនចូលឆ្នាំ ចិន ប្រើក្បួននេះ ដូចបូមលាភចូលដល់ផ្ទះ មានសំណាងពេញមួយជីវិត

ចុចអាន៖ហូបអាហារ និងផ្លែឈើនេះ ក្នុងថ្ងៃចូលឆ្នាំ ដូចនាំលាភសំណាងពេញមួយឆ្នាំ