ពីងពាង ក្នុងក្ដីសុបិន ជាសារសំខាន់រំលឹកឲ្យប្រយ័ត្នខ្លួន

ពីងពាងក្នុងសុបិន ជាសារសម្រាប់ឲ្យយើងត្រូវមានស្មារតីដឹងខ្លួនឲ្យទាន់ពេល។ ព្រោះពីងពាង ចង់បង្ហាញពីរឿងអាក្រក់ និងល្អស្មើដៃស្មើជើងគ្នា ជាហេតុឲ្យយើងត្រូវមានការប្រុងប្រយ័ត្ន គ្រប់ជំហ៊ានផងដែរ។

ប្រសិនបើអ្នកគេងសុបិនឃើញ ៖

សុបិន​ឃើញពីងពាង

បញ្ជាក់​បាន​ថា ក្នុង​អំឡុង​ពេល​នេះ អ្នកអាចនឹងត្រូវគេបោក ឬចង់បានផល​ប្រយោជន៍​អ្វី​មួយពីអ្នក។ ម៉្លោះហើយ​​ សូម​កុំ​ទុកចិត្ត ​អ្នកណា​ម្នាក់​ងាយៗ​ឲ្យ​សោះ​ ប្រយ័ត្ន​បោស​គូថ​ខោ​គ្មានសល់អ្វី។ ជាពិសេស មុននឹងចុះហត្ថលេខា លើកិច្ចសន្យា ណាមួយ អ្នកគួរតែអានឯកសារ ឬសង្គេតមើលឲ្យគ្រប់ជ្រុងជ្រោយ និងប្រុងប្រយ័ត្នឲ្យខ្លាំង។

សុបិន​ឃើញ​ពីងពាង​ខាំ

បញ្ជាក់​បាន​ថា ​​អ្នក​កំពុង​ត្រូវ​បានគេ​បង្កាច់បង្ខូច​ ឬ​និយាយ​ដើម​ឲ្យ​ខូច​ឈ្មោះ​ឥត​បាន​ការ។ ដូច្នេះចូរប្រុងប្រយ័ត្ន និងមានស្មារតីក្នុងខ្លួនឲ្យមែនទែន! ប្រយ័ត្នប្រហែសបាត់ និងខាតបង់អាសារ នូវរឿងមួយចំនួន។

សុបិន​ឃើញពីងពាង​ជាច្រើន

បាន​ន័យ​ថា ​​អ្នក​នឹង​ទទួល​បាន​ដំណឹង​ល្អ​ក្នុងកិច្ច​ការងារ​ ឬ​ទទួល​បាន​ដំណឹង​ល្អ​ពី​មនុស្ស​ជិតស្និទ្ធ​។ តែយ៉ាងណា ចូរប្រុងប្រយ័ត្នមនុស្សណាម្នាក់ ដែលមកផ្អែមសំដីដាក់យើង។

​ឃើញ​ខ្លួនឯងដេញពីងពាង

បានន័យថា អ្នកនឹងទទួលបានសំណាងពីភេទផ្ទុយ ឬមនុស្សពិសេសណាម្នាក់។ ទោះតិចឬច្រើន ក៏ទទួលយកហើយមានអំណរអរគុណ ទៅកាន់អ្វីដែលទទួលបាន៕

គ្រូ ណុប

ចុចអាន៖ព្រះសង្ឃនិងព្រះពុទ្ធ ក្នុងសុបិន តំណាងឲ្យកាងារឡើងស្រឺតៗ ជីវិតថ្កុំថ្កើងជាងមុន

ចុចអាន៖ឃើញខ្លួនឯង ស្ទូចត្រីក្នុងសុបិន បង្ហាញពីជោគលាភធំ កំពុងមកដល់