ព្រៃក្នុងសុបិន ​តំណាងឲ្យការងារនឹងត្រូវផ្លាស់ប្ដូរមុខតំណែង

ព្រៃជាកន្លែងព្រៃប្រឹក្សា សំបូរទៅដោយរុក្ខជាតិតូចធំជាច្រើន។ យ៉ាងណាមិញ ប្រសិនបើព្រៃបានបង្ហាញក្នុងសុបិនរបស់អ្នក នោះប្រកដជា ចង់បង្ហាញពីហេតុការណ៍ណាមួយក្នុងជីវិតជាក់ជាពុំខាន។

សុបិន​ឃើញ​​ព្រៃ​មួយ

បញ្ជាក់​ថា ​អ្នកអាចនឹងត្រូវបានតំឡើងតំណែងឬត្រូវទទួលខុសត្រូវ​ចំពោះ​ការងារ​ថ្មី​ ឬអាចត្រូវបាន​ផ្លាស់ប្ដូរ​ទីតាំង ក្នុង​អំឡុង​ពេល​នេះ ។ ចំណែកមនុស្សពេញវ័យ​ក្នុង​គ្រួសារ​ អាច​មានបញ្ហាសុខភាព​ ហើយ​អ្នក​ប្រហែល​ជា​ឈឺក្បាល​រឿង​លុយកាក់ខ្លះៗដែរ។

សុបិន​ឃើញ​​វង្វេង​នៅ​ក្នុង​ព្រៃ

បាន​ន័យ​ថា ​អ្នក​អាច​មាន​ការ​ផ្លាស់ប្ដូរ​ភារ​កិច្ច​ការងារ​ ឬ​បាន​ផ្លាស់ទីទៅកន្លែងណាមួយ។ ចូររក្សាលំនឹងឲ្យនឹងធឹង ហើយតាំងស្មារតីឲ្យមុតមាំ នោះនឹងជោគជ័យ។

សុបិន​ឃើញ​ដើរ​ក្នុង​ព្រៃ

បញ្ជាក់​ថា ​ក្នុង​អំឡុង​ពេល​នេះ ​អ្នកអាច​មាន​ជម្លោះ​ជាមួយមិត្តរួមការងារ​របស់​អ្នក ឬ​មនុស្ស​ជិតស្និទ្ធ​ណាម្នាក់។ អ្នក​គួរ​តែ​ប្រយ័ត្ន​នឹង​ពាក្យ​សម្ដីដែលនិយាយចេញមកចៀសវាងមានបញ្ហាទៅថ្ងៃខាងមុខ។

សុបិនឃើញខ្ទមនៅក្នុងព្រៃ

បានន័យថា ​​ក្នុង​អំឡុងពេលនេះ ​​អ្នក​អាចនឹងត្រូវបានចាត់តាំងការងារថ្មី ដែលអាចថាធ្ងន់ ឬនាំឲ្យអ្នកប្រែជានឿយហត់ជាខ្លាំងរហូតទ្រាំមិនបាន៕

គ្រូ ណុប

ចុចអាន៖ពីងពាង ក្នុងក្ដីសុបិន ជាសារសំខាន់រំលឹកឲ្យប្រយ័ត្នខ្លួន

ចុចអាន៖ពណ៌​ពស់ក្នុងសុបិន​ បញ្ជាក់​ពី​រឿង​អាក្រក់​ និង​ល្អ​ក្នុងជីវិត ត្រូវប្រុងប្រយ័ត្នខ្លាំង