ឃើញទឹកជំនន់ ក្នុងសុបិន បញ្ជាក់ពីទុក្ខវេទនា ក្នុងជីវិតពិត

ទឹកជំនន់ក្នុងសុបិន បង្ហាញពីការផ្លាស់ប្ដូរ មិនបានល្អប្រសើរនោះទេ ជួនវាល្អ​ ជួនអាក្រក់។ យ៉ាងណាមិញ ប្រសិនបើគេងសុបិនឃើញពីប្រភពទឹកជំនន់ ទោះមានបញ្ហាអី្វកើតឡើងក្នុងជីវិតពិត ក៏ត្រូវស៊ូទ្រាំ និងបន្តសកម្មភាពធម្មតាដដែល។

សុបិន​ឃើញ​លិច​ផ្ទះ​ខ្លួនឯង បញ្ជាក់​បាន​ថា​ ក្នុង​អំឡុង​ពេល​នេះ ​អ្នក​ប្រហែល​ជា​ត្រូវ​ធ្វើ​ដំណើរ​ឆ្ងាយ ឬ​មាន​ការ​ផ្លាស់ទី​លំនៅ ​ប៉ុន្តែ​ការ​ផ្លាស់ប្ដូរ​នេះ​ នឹង​មាន​លក្ខណៈ​ល្អ​ប្រសើរ​ខ្លះ។ ជា​ពិសេស ​គឺ​មិន​មាន​ផល​លំបាក​អ្វី​សោះ​ឡើយ។

សុបិន​ឃើញ​ជន់​លិច​ផ្ទះ​អ្នកដទៃ បាន​ន័យ​ថា ​ក្នុង​អំឡុង​ពេលនេះ​ ចូរ​ប្រយ័ត្ន​បាត់​ទ្រព្យសម្បត្តិ ឬ​បាត់​របស់របរ​ក្នុង​ផ្ទះ។ដូច្នេះ​ចូរ​មាន​ស្មារតី​នឹងធឹង​ និងធ្វើតែអំពើល្អជានិច្ច។

សុបិន​ឃើញ​ទឹក​ជំនន់​ធំ មានន័យ​ថា ​​អ្នក​អាច​នឹង​​មាន​ជំងឺ​ឈឺថ្កាត់ ដែល​ទាក់ទង​បញ្ហា​សុខភាព​ភ្លាមៗ ឬ​ជួប​គ្រោះថ្នាក់​ណាមួយ​ជាយថាហេតុ។

សុបិន​ឃើញ​ទឹក​ហូរ​លឿន បញ្ជាក់​ថា ​អ្នក​នឹង​ជួប​ការ​លំបាក រងទុក្ខវេទនា ​ដែល​មិនអាចព្រាងទុកបាន៕

គ្រូ ណុប

ចុចអាន៖ពីងពាង ក្នុងក្ដីសុបិន ជាសារសំខាន់រំលឹកឲ្យប្រយ័ត្នខ្លួន

ចុចអាន៖ព្រៃក្នុងសុបិន ​តំណាងឲ្យការងារនឹងត្រូវផ្លាស់ប្ដូរមុខតំណែង