សំណាងរត់រកពេញមួយខែមីនា ប្រសិនបើធ្វើរឿងទាំងនេះ

ដើម្បីបង្កើនទ្រព្យសម្បត្តិ ពង្រឹង​ជោគជតាឱ្យត្រដែតត្រដឹមខាងផ្នែកហិរញ្ញវត្ថុ ​​តារានិករ​ទាំង​១២ គួរធ្វើរឿងមួយចំនួនដូចខាងក្រោម៖

តារានិករ Aries (​២១ មីនា- ២០ មេសា)

​Aries មានឱកាស​ល្អផ្នែកជំនួញ ស្ថិរភាព​ហិរញ្ញវត្ថុក៏​ល្អ រីឯ​ប្រាក់​ចំណេញ​ច្រើនរឹតតែសមប្រកប។ ​ចំពោះការចាប់ដៃគូទំនាក់ទំនង​ថ្មី នឹងជួយឱ្យអាជីវកម្មកាន់តែរីកចម្រើន។

ដើម្បីបង្កើនសំណាងឱ្យជាប់នៅពេញមួយខែ ចូរជួយយកអាសារអ្នកផ្ទះ ព្រមទាំងមិត្តភក្ដិ និងគួរ​ថ្វាយ​បង្គំ​ព្រះ​សម្មាសម្ពុទ្ធ​ដោយថ្វាយ​បាច់​ផ្កាពណ៌​ស។

តារានិករ Taurus (២១ មេសា- ២១ ឧសភា)

ហោរាសាស្ត្រហិរញ្ញវត្ថុ Taurus សមប្រកប ហើយល្អប្រសើរ។ អ្នកនឹងមានមនុស្សតាមគាំទ្រ ដែលនាំចំណូលមានស្ថេរភាព។

ទោះយ៉ាងណា កុំភ្លេចរក្សាសំណាងឱ្យជាប់ ដោយធ្វើបុណ្យចែកទានដល់កុមារក្រីក្រ ឧបត្ថម្ភគាំទ្រវត្តអារ៉ាម​ និងផ្ដល់ជំនួយជួសជុល​សាលារៀនជាដើម។

តារានិករ Gemini (២២ ឧសភា -២១ មិថុនា)

តារានិករនេះ មិនសូវភព្វប្រសព្វនឹងលាភល្អខាងលុយកាក់​នោះទេ ​ព្រោះជារឿយៗអ្នកមិនអាចទប់ចិត្តបាននឹងរបស់ដែលមិនមែនជាតម្រូវ រហូតធ្វើឱ្យប្រាក់ហូរចេញមិនឈប់។ ​

ដូច្នេះ ​ចូរហៅលាភ ហៅហេង ​ឱ្យមកកៀកជាមួយ ដោយត្រូវ​មាន​សតិដើម្បី​គ្រប់គ្រង​អារម្មណ៍​ឱ្យ​ស្ងប់​ និងគួរ​ធ្វើ​បុណ្យជា​ម្ហូប​អាហារ និង​បរិច្ចាគ​វត្ថុប្រើប្រាស់នានា​ដល់​កុមារ។

តារានិករ Cancer (២២ មិថុនា- ២៣ កក្កដា)

Cancer មិនសូវខ្វះលុយទេ ដោយសារអ្នករកចំណូលបានពីការងាររបស់អ្នក យ៉ាងទៀងទាត់។

មិនថាយ៉ាងនេះក្ដី អ្នកត្រូវពង្រឹងសំណាងទ្រព្យសម្បត្តិបន្ថែមទៀត ដើម្បីឱ្យជីវិតស្រណុកស្រួល ពេញមួយខែមីនានេះ។ គួរ​ធ្វើ​បុណ្យ​បរិច្ចាគ​ឈាម និងផ្ដល់ទានជា​ឧបករណ៍​សង្រ្គោះ​បន្ទាន់ ទៅកាន់កន្លែងខ្វះខាត។

តារានិករ Leo ( ២៤ កក្កដា- ២៣ សីហា)

សម្រាប់តារានិករ Leo ហិរញ្ញវត្ថុ​ល្អប្រសើរ មាន​លាភ មាន​ជ័យ មាន​ការ​ផ្លាស់​ប្តូរ​ទៅ​មុខ​ល្អជានិច្ច។ យ៉ាងណាមិញ ជាគួរចាយវាយដោយសន្សំ​សំចៃ និងប្រុងប្រយ័ត្ន ក្រែងចាញ់បោកគេ។ មួយវិញទៀត ចូរបង្កើនសំណាងខ្លួនឯង ដោយធ្វើ​បុណ្យ​​ជួយ​សត្វ​ដែល​រង​របួស ឬ​ពិការ។

តារានិករ Virgo ( ២៤ សីហា- ២៣ កញ្ញា)

Virgo ក្នុងខែមីនា នឹងជួបបញ្ហាលុយកាក់យ៉ាងស្មុគស្មាញ ដែលវានាំឱ្យប៉ះពាល់ដល់សមតុល្យសាច់ប្រាក់សឹងគ្រប់ផ្នែកទាំងអស់។ ប៉ុន្តែបញ្ហានឹងធូរស្រាកស្រាន្ត ប្រសិនបើអ្នកអាច​ថ្វាយ​បង្គំ​ព្រះ​សម្មាសម្ពុទ្ធ និង​ព្យួរ​កណ្ដឹង​មាស​ចំនួន ​៣​ ក្នុង​ព្រះវិហារ។

តារានិករ Libra (២៤ កញ្ញា- ២៣ តុលា)

ហោរាសាស្ត្រហិរញ្ញវត្ថុរបស់ Libra បន្ត​រក​លុយ​បាន ​មិន​ខ្វះ​ចាយឡើយ។ ពីនេះទៅដល់ដាច់ខែ អ្នកនឹងទទួលបានចំណូលពីមនុស្សភេទផ្ទុយថែមទៀតផង។

ដោយឡែក គន្លឹះ​បង្កើនហេងៗ សម្រាប់អ្នកនៅក្នុងខែនេះ ​ត្រូវធ្វើបុណ្យជាមួយអ្នកជំងឺនៅមន្ទីរពេទ្យ។

តារានិករ Scorpio (២៤ តុលា- ២២ វិច្ឆិកា)

រាសីតារានិករ Scorpio ក្នុងខែមីនា អាចមាន​ស្ថិរភាពហិរញ្ញវត្ថុនឹងនរ លុះណាតែអ្នកប្រឹងរក និងប្រឹងទប់ខ្លាំងណាស់។ យ៉ាងណាក្ដី ប្រសិនបើវិនិយោគ ឱកាសជោគជ័យនឹងមានសំណាងខ្ពស់ គួរជាទីពេញចិត្ត។

ចំពោះប្រការគួរធ្វើ ​ដើម្បីហៅលាភជ័យសម្រាប់អ្នក ចូរធ្វើ​បុណ្យ​ជួយ​ជន​ពិការ​។

តារានិករ Sagittarius (២៤ តុលា- ២២ វិច្ឆិកា)

ចំពោះតារានិករនេះវិញ ហិរញ្ញវត្ថុមានភាពរលូន សមតុល្យនៃការទូទាត់ចំណូល-ចំណាយ  មិនមានឧបសគ្គឡើយ។ ប្រសិនបើអ្នកធ្វើការខាងផ្នែកគ្រប់គ្រងលុយ ខែនេះជាឱកាសល្អ ក្នុងការចចរចារ សុំតំឡើងប្រាក់បៀវត្តរ៍។

អាថ៌កំបាំងនាំសំណាងសម្រាប់ ​Sagittarius ចូរ​ទៅ​គោរព​ប្រណិប័តន៍​ព្រះ​ចេតិយ​នៅ​ទីសក្ការបូជា​ និងថ្វាយដង្វាយផ្លែ​ដូងដល់វត្ថុស័ក្តិសិទ្ធិ។

តារានិករ Capricorn  (២៣ ធ្នូ- ១៩ មករា)

បញ្ហាហិរញ្ញវត្ថុ ​Capricorn ចាប់ផ្តើមធូរស្រាលហើយ ក្នុងខែមីនានេះ។ ទោះយ៉ាងណា កុំទាន់ពន្លែងដៃពេក ចូរប្រយ័ត្នចំពោះការចំណាយបន្ទាន់ ព្រោះអ្នកអាចជំពាក់ជំពិនបំណុល​វ័នក។

កំលុងពេលនេះ Capricorn អាច​បង្កើនលាភសំណាងទ្រព្យម្បត្តិរបស់អ្នក ជាមួយនឹងការធ្វើបុណ្យ បរិច្ចាគស្បែកជើង និងស្រោមជើងដល់សិស្សានុសិស្សដែលខ្វះខាត។

តារានិករ Aquarius (២០ មករា- ១៨ កុម្ភៈ)

ប្រសិន Aquarius កាន់តែឧស្សាហ៍ នោះអ្នកកាន់តែមានលុយច្រើន មិនពិបាកទេពឹងគេ ពេលត្រូវការប្រាក់បន្ទាន់។ ខែនេះ Aquarius ​មិន​គួរ​ខ្ចីបុល​គេទេ ព្រោះអាចជាប់បំណុល​មិនអាចសង​។

អំឡុងខែមីនានេះដែរ អ្នកក៏អាចកាត់គ្រោះខ្លួនឯងឱ្យជួបនូវសំណាងហិរញ្ញវត្ថុហូរហៀរ ដោយ​ធ្វើ​បុណ្យ​ប្រគេន​ចង្ហាន់ ​គ្រឿង​ឧបភោគ​បរិភោគ បង្អែម ទឹកដោះគោ​ស្រស់ និង​ទឹក​បរិសុទ្ធដល់​ព្រះសង្ឃ។

តារានិករ Pisces (១៩ កុម្ភៈ- ២០ មីនា)

រាសីតារានិករ Pisces ផ្នែកលុយកាក់ ​មិនសមប្រកបប៉ុន្មានឡើយ ដោយហេតុថាចំណូល​ចូល​មក​អាចយឺតជាងតម្រូវការ ឬត្រូវចាយច្រើនជាងអ្វីដែលរកបាន។ ប្រសិនបើចង់ពាក់ព័ន្ធនឹងការបង់រំលោះអចលនទ្រព្យ ក្នុងខែមីនា ប្រយ័ត្នខ្ជះខ្ជាយលុយដោយមិនដឹងខ្លួន។

ប៉ុន្តែគ្រោះនឹងប្រែជាលាភ ប្រសិនបើឧស្សាហ៍ទៅបួងសួងសុំពរពីព្រះពុទ្ធរូប និង​បរិច្ចាគ​អាហារ​ក្រៀមទៅវត្តអារ៉ាម៕

អត្ថបទ៖ សន្យា

ចុចអាន៖ ៨ ចំណុចពិសេស ជានិមិត្តរូបហុងស៊ុយនៃមនុស្សឆ្លាតលើសគេ

ចុចអាន៖ បុណ្យ ៥យ៉ាង ពុទ្ធសាសនិកជឿថា អាចនាំក្ដីសុខចម្រើនដល់ជីវិត ក្នុងថ្ងៃឱបោសថសីល