ធ្លាប់ខុសមាត់ខុស ក ទេ? នេះជាវិធីកែខៃ តាមអប្បិយជំនឿដូនតាខ្មែរ

ចំពោះ​អ្នក​ណា​ដែល​មាន​អារម្មណ៍​ថា ​ខ្លួន​គ្មាន​សំណាង​ អាប់រាសី ធ្វើអ្វីហាក់ជាប់គាំង មិនទៅមុខទាល់តែសោះ សាកពិនិត្យមើល ៣ចំណុចខាងក្រោម ហើយកែខៃតាមការណែនាំដូចតទៅ៖

១. ធ្លាប់ប្រមាថ ឬបង្កាច់បង្ខូចអ្នកដទៃ

ក្នុង​ចំណុច​នេះ បើ​យើង​ធ្លាប់ធ្វើ​ខុស មិនថាជាចេតនា ឬគ្មានចេតនា ដោយបានស្តីបន្ទោស ឬធ្វើមិនល្អជាមួយឪពុកម្តាយ ឬអ្នកមានគុណ ឬនិយាយបង្កាច់បង្ខូចកេរ្តិ៍ឈ្មោះអ្នកដទៃ ដើម្បីកែប្រែកំហុសឱ្យប្រសើរវិញ លុះណាតែសុំការអភ័យទោសពីពួកគាត់ ឱ្យពួកគាត់អត់ទោសឱ្យយើង។

២. ប្រទេចផ្ដាសាឱ្យគេស្លាប់

ប្រសិនបើយើងធ្លាប់ដាក់បណ្តាសានរណាម្នាក់ឱ្យស្លាប់ដោយចៃដន្យ ទោះ​ដោយ​ចេតនា ឬ​អចេតនា​ក៏ដោយ ចូរ​អុជ​ធូប ​១៦​សរសៃរ ​នៅ​ខាងក្រៅផ្ទះ ហើយ​និយាយថា «​ខ្ញុំ​ឈ្មោះ.. កើត​នៅ​ថ្ងៃទី… ថ្ងៃនេះ ខ្ញុំសុំវត្ថុពិសិដ្ឋទាំងអស់ធ្វើជាសាក្សី។ ខ្ញុំដកពាក្យអាក្រក់ និងពាក្យបណ្តាសាទាំងអស់របស់ខ្ញុំចេញ ហើយខ្ញុំសុំការអភ័យទោសពីអ្នកទាំងអស់គ្នាផង»។

៣. ប្រមាថ​វត្ថុ​ស័ក្តិសិទ្ធិ រូប​សំណាក ឬរូប​ព្រះ​នៃ​សាសនា​ណា​មួយ​

បើ​ធ្លាប់​ប្រមាថ​វត្ថុពិសិដ្ឋ​ទៅ​កន្លែង​ណាមួយ ប៉ុន្តែ​​មិន​បានចាំទីតាំង ចូរ​​អុជ​ធូប​ ១៦​សរសៃរ ហើយ​បួងសួង​ថា «វត្ថុ​ស័ក្តិសិទ្ធិទាំងឡាយ ដែលខ្ញុំបានបន្ទាបបង្អាប់ និងមើលងាយ ទាំងចាំ ទាំងមិនបានចាំ ខ្ញុំសូមអភ័យទោសផង។ សូម​លើកលែងទោស​ឱ្យ​ខ្ញុំ​ ហើយសុំឱ្យអ្នកជួយដោះស្រាយឧបសគ្គឱ្យខ្ញុំនូវជីវិតប្រសើរជាងមុន។ ចាប់ពីពេលនេះទៅ ខ្ញុំ​នឹងធ្វើបុណ្យដោយ​ចិត្ត​​បរិសុទ្ធ»។

ទាំងនេះ ជាជំនឿ ដែលនៅតែពូកែស័ក្តិសិទ្ធិ ចំពោះអ្នកខុសមាត់ខុស ក ជាមួយនឹងវត្ថុមើលឃើញ និងមិនបានឃើញទាំងឡាយ។ ប្រសិនបើយើងបានប្រព្រឹត្តកំហុសឆ្គង ដូចបានប្រាប់មកខាងលើ ចូរដោះស្រាយ និងកែលម្អតាមតម្រានេះ ​ទើបរាសីមិនស្រកស្រុត ឬចាញ់ច្រាបគេ។

សូមមានសំណាងគ្រប់គ្នា!

អត្ថបទ៖ សន្យា

ចុចអាន៖ គ្រឿងតង្វាយ សែនព្រេនរួច ខ្លះមិនអាចយកមកហូបបានទេ ប្រយ័ត្នកាត់លាភនាំស៊យ

ចុចអាន៖ មនុស្សកើតឆ្នាំ ជូត ឆ្លូវ មមែ ឆាកជីវិតជួបនឹងវិបត្តិទាំងនេះ