ទស្សន៍ទាយរឿងស្នេហារបស់អ្នក តាមរយៈខ្សែបាតដៃទាំងសងខាង

ប្រសិនបើអ្នកចង់ដឹងជីវិតឬចរិតស្នេហារបស់ខ្លួននឹងទៅជាយ៉ាងណាពេលមានសង្សារ ឬរៀបការរួច អាចសាកល្បងធ្វើតេស្ត ដោយគ្រាន់តែត្រូវបិទបាតដៃទាំងសងខាង (ដូចក្នុងរូបភាព) បន្ទាប់មកមើលពីភាពខុសគ្នារវាងបន្ទាត់ស្នេហាទាំងពីរនៅលើបាតដៃ ហើយផ្ទៀងចម្លើយដើម្បីទាយរឿងស្នេហារបស់អ្នកនាពេលអនាគត។

ប្រភេទ A

ប្រសិនបើបន្ទាត់ស្នេហានៅលើដៃរបស់អ្នកគឺប្រភេទ A បង្ហាញថា អ្នកជាមនុស្សដែលមានថាមពលរឹងមាំ និងក្លាហាន។ ជាពិសេសអ្នក​មាន​ចិត្ត​ស្វាហាប់​ខ្លាំង ហើយ​តែងតែ​ពោរពេញ​ដោយ​ថាមពល​ទាំងក្នុង​ស្នេហា ទាំងជីវិតរស់នៅ។

ទោះជាយ៉ាងណា ដោយសារតែអ្នកកើតមកមានបុគ្គលិកលក្ខណៈចង់ដឹងចង់ឃើញ ចូលចិត្តស្វែងយល់ពីអ្វីដែលថ្មីនៅជុំវិញខ្លួន និងមានភាពស្វាហាប់ រឿងរ៉ាវស្នេហារបស់អ្នកជាស្នេហាងប់ងល់ និងដុតរោលរាលតែនៅពេលចាប់ផ្តើមប៉ុណ្ណោះ ហើយវាឆាប់ធុញទ្រាន់បំផុត។ មិនថាអ្នកជាមនុស្សម្នាក់ដែលមានទំនោរចង់រៀបការឆាប់ក៏ដោយ ក៏មិនមែនមានន័យថា ជីវិតគ្រួសាររបស់អ្នកមានស្ថេរភាពនោះទេ ហើយថែមទាំងងាយប្រឈមមុខនឹងអស្ថិរភាពជាច្រើននៅថ្ងៃអនាគតទៀតផង។

ប្រភេទ B

ប្រសិនបើអ្នកប្រៀបធៀបដៃទាំងសងខាង ហើយមានបន្ទាត់ស្នេហាដូចប្រភេទ B វាមានន័យថា អ្នកខ្សោយផ្លូវចិត្ត ប៉ុន្តែមានមនោសញ្ចេតនាជ្រាលជ្រៅ។ ពេលមានស្នេហា អ្នកប្រែជាមនុស្សអភិរក្សនិយម ថែមទាំងរឹងរូស ហើយមិនខ្វល់ច្រើនពីគំនិតអ្នកដទៃឡើយ។ លើសពីនេះ ជារឿយៗមិនស្តាប់យោបល់របស់មនុស្សជុំវិញខ្លួន រួមទាំងដៃគូររបស់អ្នកផងដែរ។

ដោយសារតែអ្នកកើតមកមានចរិតបែបអភិរក្សនិយម និងរឹងរូស អ្នកតែងតែចូលចិត្តមនុស្សភេទផ្ទុយដែលចាស់ជាងអ្នក ព្រោះគិតថាមានតែភេទផ្ទុយដែលចាស់ជាងប៉ុណ្ណោះ ទើបអាចផ្តល់ឱ្យអ្នកនូវអារម្មណ៍នៃការរួមភេទដោយសុវត្ថិភាព។ ហើយ​ដោយ​សារ​តែ​រឿង​នោះ អ្នក​ច្រើន​តែ​ធ្លាក់​ក្នុង​អន្លង់​ស្នេហ៍​ដោយ​ងងឹតងងុល។

ប្រភេទ C

ជាចុងក្រោយ ប្រសិនបើបន្ទាត់ស្នេហានៅលើដៃរបស់អ្នកស្ថិតក្នុងប្រភេទ C វាបបញ្ជាក់បានថា អ្នកជាមនុស្សសុភាពរាបសារ អត់ធ្មត់ និងស្ងប់ស្ងាត់បំផុត។ មិនថាក្នុងស្ថានភាពណាក៏ដោយ អ្នកនឹងតែងតែខ្វល់ខ្វាយ មិនដែលរអ៊ូរទាំ រំខាន ឬខឹងនឹងបុគ្គលណាម្នាក់ងាយៗនោះទេ។

ពិសេសជាងនេះទៅទៀតគឺថា មនុស្សដូចអ្នកច្រើនតែជាមនុស្សមានគំនិតគិតវែងឆ្ងាយ និងស្រឡាញ់គ្រួសារជាធំ។ ពេលមានគ្រួសារ អ្នកនឹងចំណាយពេលមើលថែពួកគេដោយយកចិត្តទុកដាក់បំផុត។ ដោយសារចរិតល្អមួយនេះ អនាគតស្នេហា និងអាពាហ៍ពិពាហ៍របស់អ្នកនឹងមានភាពរលូន កក់ក្តៅ និងសុភមង្គល៕

អត្ថបទ៖ សន្យា

ចុចអាន៖ ​ទស្សន៍ទាយដៃគូស្នេហា តាមសន្លឹកបៀរ ​៥​ប្រភេទ

ចុចអាន៖ មនុស្សស្រីវាសនាល្អ នឹងមានប្រជ្រុយ ៣កន្លែងនេះ