វប្បធម៌ ជំនឿ

ប្រទេសណាខ្លះ ប្រារព្ធពិធីបុណ្យចូលឆ្នាំដូច កម្ពុជា ដែរ?

បានផុស

៣ years មុន

នៅ

ថ្ងៃពុធ ១៣ មេសា ២០២២

ដោយ

ខណៈថ្ងៃចូលឆ្នាំថ្មីរបស់ប្រជាជនកម្ពុជាក្នុងឆ្នាំនេះ គឺចំថ្ងៃ ១៤ នៅវេលាស្អែក ដោយតាមទំនៀមទម្លាប់ពុទ្ធសាសនិកខ្មែរ តែងនាំគ្នាធ្វើចង្ហាន់ទៅវត្ត និងលេងល្បែងប្រជាប្រិយជាដើម។

នៅក្នុងនោះ ក៏មានប្រទេសខ្លះ កំពុងប្រារព្ធពិធីបុណ្យចូលឆ្នាំថ្មីដូចជា ៖

១ ចូលឆ្នាំថ្មី សង្ក្រាន្ត ប្រទេសថៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងថ្ងៃទី ១៣ មេសា ២០២២ នេះ ចំថ្ងៃចូលឆ្នាំថ្មីថ្ងៃទីមួយរបស់ប្រទេសថៃ នេះបើយោងតាមប្រតិទិនឈប់សម្រាកផ្លូវការរបស់ប្រទេសថៃ។ ប្រជាជនថៃបានរៀបចំសម្អាតផ្ទះសម្បែងមុនថ្ងៃនេះមកដល់ ហើយនៅថ្ងៃបុណ្យប្រជាជនតែងទៅវត្តប្រគេនចង្ហាន់ព្រះសង្ឃ លែងសត្វចាប អ្វីជាពិសេសនោះ មានសកម្មភាពលេងកម្សាន្តបាច និងបាញ់ទឹកដាក់គ្នាជាការកម្សាន្តផងដែរ។

២ បុណ្យចូលឆ្នាំ Thingyan ប្រទេស មីយ៉ាន់ម៉ា

មិនខុសពីថៃឡើយ មីយ៉ានម៉ាក៏បានប្រារព្ធពិធីបុណ្យចូលឆ្នាំថ្មីដែលគេហៅថា Thingyan ។ ក្នុងអំឡុងពេលនៃឱកាសថ្ងៃបុណ្យចូលឆ្នាំថ្មីនេះ ប្រជាជនមីយ៉ាន់ម៉ា តែងធ្វើពិធីស្រង់អ្នកមានគុណ ដូចជាងូតទឹកជូនមាតា បិតា ជីដូនជីតាចាស់ៗ។ ក្រោយមកមានការសម្ដែងសិល្បៈ រាំនិងការលេងបាចទឹកដាក់គ្នាផងដែរ។

៣ បុណ្យចូលឆ្នាំ Pi Mai សង្ក្រាន្តប្រទេសឡាវ

នៅឆ្នាំ ២០២២ នេះ សង្ក្រាន្តនៅប្រទេសឡាវនឹងចាប់ផ្តើមនៅថ្ងៃទី ១៣ ខែមេសា ហើយមានរយៈពេលរហូតដល់ល្ងាចថ្ងៃទី ១៥ ខែមេសា។ កាលបរិច្ឆេទ ត្រូវបានគណនាតាមប្រតិទិន របស់ប្រទេសឡាវ ដែលរាប់ទាំងចលនារបស់ព្រះអាទិត្យតាមរយៈរាសីចក្រ និងរង្វង់របស់ព្រះច័ន្ទ។

ដោយឡែក សម្រាប់បណ្ដាប្រទេសផ្សេងៗ ដែលប្រារព្ធពិធីបុណ្យចូលឆ្នាំចំថ្ងៃដូចកម្ពុជា មានដូចជា ប្រទេសឥណ្ឌា ,នេប៉ាល់, បង់ក្លាដែស និងស្រីលង្កា ៕

គ្រូ ណុប

ចុចអាន៖ថ្ងៃចូលឆ្នាំខ្មែរ ពុទ្ធសាសនិកគួរធ្វើរឿងទាំងនេះ ដើម្បីបង្កើនសុភមង្គល ជម្រះកម្មផលនាំបុណ្យចូលមក

ចុចអាន៖តើយុវជនត្រៀមធ្វើអ្វីខ្លះ ជូនអ្នកមានគុណ ក្នុងឱកាសបុណ្យចូលឆ្នាំថ្មី?

Related Topics:បុណ្យចូលឆ្នាំខ្មែរ