យល់សប្តិឃើញលេខឆ្នោត អត្ថន័យមិនល្អទេ!

ជឿ​ថា អ្នកនិយមលេងចាក់កន្ទុយលេខ ឬឆ្នោតផ្សងសំណាង រមែងកាត់លេខឆ្នោត តាមរយៈរូបភាពនៃការយល់សប្តិរៀងៗខ្លួន។ ជាទូទៅ សង្កេតឃើញថា ​អ្នក​ខ្លះពេល​យល់សប្តិឃើញខ្លួនឯងធ្លាក់ចូលទៅក្នុងទឹក ឬយល់សប្តិថាស្បែកជើងបាត់។ល។ ពួកគាត់អាចបកស្រាយបានជាលេខដើម្បីយកទៅចាក់ឆ្នោត។ ផ្ទុយទៅវិញ ប្រសិនយល់សប្តិឃើញ​លេខឆ្នោត​ផ្ទាល់តែម្ដង​ដូចជា លេខ ២ខ្ទង់ ឬ ៣ខ្ទង់ ជាដើម នេះមិនជាប្រផ្នូលល្អឡើយ។

យល់សប្តិឃើញលេខឆ្នោតច្រើនខ្ទង់

បើសិនយល់សប្តិឃើញលេខឆ្នោតច្រើនខ្ទង់ ហើយមិនចាំជាលេខអ្វីខ្លះ មានន័យថា ហិរញ្ញវត្ថុរបស់អ្នកល្អប្រសើរ អ្នកនឹងមានប្រាក់ចំណូលហូរចូលជានិច្ច។ ប៉ុន្តែចំពោះបញ្ហាគូជីវិត នឹងជួបភាពចម្រូងចម្រាស នាំឱ្យឈឺក្បាលខ្លាំងណាស់។

យល់សប្តិឃើញលេខ ២ខ្ទង់

ទស្សន៍ទាយ​​ថា អ្នក​ត្រូវ​ប្រយ័ត្ន​ចំពោះ​ទំនាក់ទំនងស្នេហា ព្រោះនឹងមានបញ្ហាប្រឈមដាក់គ្នាដូចរងើកភ្លើងបម្រុងនឹងឆេះ។ ​

យល់សប្តិនេះក៏ចង់ប្រាប់ថា អ្នកមិនគួរលេងល្បែងស៊ីសងណាមួយឡើយ ព្រោះអាចនាំរឿងគុកច្រវាក់ ហើយចូរប្រយ័ត្ននឹងការនិយាយស្ដី ជាពិសេសជាមួយមនុស្សជិតដិត។

យល់សប្តិឃើញលេខ ៣ខ្ទង់

ល្បែងស៊ីសងទាំងអស់ ហាមយកខ្លួនបៀតឱ្យសោះ មិនដូច្នេះទេ កុំថាឡើយហិរញ្ញវត្ថុដែលនឹងត្រូវខាតបង់ សូម្បីការងារក៏នឹងជួបបញ្ហា ពិបាកស្រោចស្រង់ណាស់។ ឯស្នេហាវិញក៏មិនគាប់ប្រសើរដែរ៕

អត្ថបទ៖ សន្យា

ចុចអាន៖ យល់សប្តិឃើញឆ្កែខាំ ប្រផ្នូលកុំឱ្យប្រហែស