សម្គាល់ ៤ នេះលើទម្រង់មុខ ចាស់ៗថា សំណាងអាក្រក់ ឬហៅថាគ្មានហុងស៊ុយ

យោងតាមជំនឿរបស់ប្រជាជនអាស៊ី តែងមើលលើទម្រង់មុខ ដែលចាស់ៗលោកមានប្រសាសន៍ថា បុគ្គលនោះអាចមានជោគវាសនា និងសំណាងល្អ នាពេលអនាគតបាន។ ប៉ុន្តែ ប្រសិនបើចំណុចនៅលើមុខមិនល្អ មានដូច ៤ ប្រភេទ ដែលបានរៀបរាប់ នោះគេអាចទស្សន៍ទាយជោគ​វាសនា​ថា នឹង​មាន​សំណាង​អាក្រក់​ទៅវិញ។

១ ថ្ងាសមានជ្រួញខ្លាំង ចំពោះថ្ងាសដែលមានស្នាម​ជ្រួញ​ខ្លាំង ឬថ្ងាស​ដែល​មិន​មាន​ពណ៌​ភ្លឺរលោងស្អាត។ ជារឿយៗ​តែង​មាន​បញ្ហា​ក្នុង​មុខតំណែង​ការងារ ​និង​ហិរញ្ញវត្ថុ​ ជាមនុស្សគ្មាន​សំណាងល្អនឹងគេសោះ។ ​បើ​មនុស្ស​ស្រីវិញ ​នឹង​មាន​បញ្ហា​ក្នុងរឿង​ស្នេហា គឺជួបតែផិតក្បត់ មិនចេះចប់មិនចេះហើយ។

២ ចិញ្ចើមមាន​ចង្អូរជ្រៅពេកជិតដល់ភ្នែក ឬ​កន្ទុយ​ចិញ្ចើមខ្លីពេក ជារឿយៗបុគ្គលនេះ​តែងជួបស្នេហាមិនសម​ប្រកប ដៃគូ​ជា​ញឹកញាប់​ មិន​ស្មោះស្ម័គ្រ ឬ​ដៃគូ​មាន​ឥទ្ធិពលជាងខ្លួន។ ដូច្នេះដើម្បីឲ្យជីវិតត្រលប់មកភ្លឺស្វាងដូចគេ អ្នក​គួរ​ទៅ​ពិគ្រោះ​ជាមួយ​គ្រូពេទ្យ​ជំនាញ ​ដើម្បី​ធ្វើ​ចិញ្ចើម​ឲ្យ​ស័ក្ដិសម​ នឹង​មុខ​របស់​អ្នក។

៣ ភ្នែកមានសរសៃឈាម ដែលខូចនៅក្នុងភ្នែកពណ៌ស ឬ​ពណ៌​ស​នៃ​ភ្នែក​មាន​ពន្លឺស្រអាប់មិនស្រស់ថ្លាដូចគេ បុគ្គលនេះនឹង​មាន​បញ្ហា​សុខភាព ប្រយ័ត្ន​ការ​បរាជ័យ​ការងារ ឬបាត់បង់មុខតំណែង។ ចូរឲ្យពេទ្យពិនិត្យ និងថែទាំសុខភាពកែភ្នែកឲ្យមែនទែន។

៤ ច្រមុះ​មាន​ស្នាម​ជ្រីវជ្រួញ របួស ចុង​ច្រមុះ​ខ្មៅ ប្រយ័ត្ន​បាត់បង់​លុយ​ធំ អាចមានបញ្ហាហិរញ្ញវត្ថុ ទោះ​បាន​លុយ​ក៏​មិន​អាច​រក្សា​បាន​ដែរ។ ដូច្នេះបើអាចគួររក្សាច្រមុះឲ្យស្អាត ភ្លឺរលោង មានហុងស៊ុយ ទើបជាការប្រសើរបំផុត។

យ៉ាងណាមិញ ខាងលើនេះគ្រាន់តែជាជំនឿនៃហុងស៊ុយ ដែលចាស់ៗធ្លាប់ប្រាប់អ្នកជំនាន់ក្រោយឲ្យបានដឹងតែប៉ុណ្តោះ។ អ្វីដែលសំខាន់ ផ្ទៃមុខស្រស់ថ្លានិងរលោង គឺពិតជាទាក់ទាញក្បួនហុងស៊ុយ នាំលុយកាក់ នាំលាភចូលដល់ខ្លួនពិតមែន៕

គ្រូ ណុប

ចុចអាន៖ទម្រង់មុខហុងស៊ុយ ៥ ប្រភេទ របស់ស្រីៗ ចាស់ៗថា អាចក្លាយជាសេដ្ឋី និងធ្វើជំនួញជោគជ័យ

ចុចអាន៖បុគ្គលដែលវាសនាចារជាមហាសេដ្ឋី ត្រូវមានលក្ខណៈសម្បត្តិ ៧ នេះលើផ្ទៃមុខ