សុបិនឃើញឈាមរដូវ ចូរប្រយ័ត្ននូវហេតុភេទ ៥យ៉ាង

រឿងពិតនៃការមករដូវរបស់មនុស្សស្រី វាមិនស្រួលសោះឡើយ។ ចំណែកក្នុងសុបិនវិញ ក៏ជាសញ្ញាព្រមានដល់​ម្ចាស់​សុបិនដែរថា ចូរប្រុងប្រយ័ត្ននូវហេតុភេទមួយចំនួនដែលបម្រុង​នឹងកើតឡើងឆាប់ៗនេះ។

ប្រសិនសុបិនឃើញមានរដូវធ្លាក់ច្រើនមិនឈប់ ចូរប្រយ័ត្ននឹងរឿង ២យ៉ាង។ ១.ប្រយ័ត្នក្នុងការជួយនរណាម្នាក់ ក្រែងគេនឹងបកមកធ្វើបាបអ្នកវិញ។ ២.សុបិននេះក៏ចង់ព្រមានដល់អ្នកកំពុងមានគូស្នេហ៍ កុំប្រហែសជាមួយទំនាក់ទំនងឱ្យសោះ ព្រោះកំលុងពេលនេះជីវិតគូរបស់អ្នកផុយស្រួយ ងាយបែកគ្នាណាស់។

ប្រសិនបើសុបិនឃើញមានរដូវតាមធម្មតា ត្រូវប្រយ័ត្ននឹងរឿង ៣យ៉ាង។ ទីមួយការផ្លាស់ទីលំនៅដែលមិនសមប្រកប។ ទីពីរការប្ដូរការងារដែលអាចនឹងដុនដាបជាងមុន។ ទីបីការធ្វើទានជួយអ្នកដទៃពុំធ្លាប់ស្គាល់ អាចក្លាយជាកំហុសដែលពិបាកស្រោចស្រង់។

យ៉ាងណាមិញ យោងតាមសៀវភៅសិក្សាសុបិនមួយចំនួនបានឱ្យដឹងថា បើមិនចង់ឱ្យសុបិននេះក្លាយទៅជាការពិតទេ បន្ទាប់ពីភ្ញាក់ពីគេងភ្លាម ចូរយកខ្នើយ កម្រាលពូក ឬកន្ទេល ផ្កាប់បញ្ចា្រស ដើម្បីបោះចោលសំណាងអាក្រក់ឱ្យត្រឡប់ជាល្អវិញ៕

អត្ថបទ៖ សន្យា

ចុចអាន៖ យល់សប្ដិឃើញផ្កាឈូក អ្នកនៅលីវយូរឆ្នាំនឹងជួបគូព្រេង ចំណែកការងារត្រូវដំឡើងឋានៈ

ចុចអាន៖ យល់សប្តិឃើញ “ភ្លើងឆេះផ្ទះ” អត្ថន័យគួរឱ្យបារម្ភ