វប្បធម៌ ជំនឿ

យល់សប្ដិ ៩ ប្រភេទ ចាស់ៗថា ដល់គូព្រេង

បានផុស

៣ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

សុបិនតែងតែជាប្រផ្នូលនាំមកនៅហេតុការណ៍ និងព្រឹត្តិការណ៍នានាដែលបម្រុងកើតលើជីវិតរបស់បុគ្គល ដែលគេងយល់សុបិននេះ។ ប្រសិនបើអ្នកអានបានយល់សុបិនឃើញរឿង ៩ ប្រភេទ តាមទំនាយ ចាស់ៗលោកថា នាំគូព្រេងនិងសំណាងល្អមានដល់អ្នកនៅលីវ។

បើសុបិនឃើញ៖

១ សុបិនឃើញទារក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលបើសុបិនឃើញទារក ឬឃើញកូនក្មេង យោងតាមជំនឿនេះ បញ្ចាក់ពីលាភសំណាង និងមុខតំណែងការងារកាន់តែប្រសើរជាងមុន។ តែក៏អាចនាំនិស្ស័យគូ មកឲ្យជួបផងដែរ។

២ សុបិនឃើញសត្វពស់

ប្រសិនបើមនុស្សនៅលីវ សុបិនឃើញពស់ នោះសបញ្ចាក់ពីការរៀបការមានគូស្រករឆាប់ៗនេះ។ បើជាស្ត្រីមានគ្រួសារនាងនឹងមានកូនចៅពេញផ្ទះមិនខាន។

ចំណែកសុបិនឃើញពស់រុំជុំវិញខ្លួន មានន័យថា បើពស់ចឹករាងកាយដូចជាចង្កេះ នោះនឹងបានជួបគូជីវិត ដែលមានឋានៈសមគួរក្នុងសង្គមនេះ។ បើមនុស្សមានគ្រួសារហើយ ក្នុងសុបិននោះ បើបានកាន់ពស់ នោះនឹងទទួលបានលាភសំណាងល្អមានដល់ជីវិត។

៣ សុបិនឃើញឈាម

ស្ត្រីណាដែលសុបិនឃើញឈាម ឬហូរឈាមចេញពីរាងកាយ។ តាមទំនាយទាយថា សុបិននោះនឹងនាំមកនូវដំណឹងល្អពីចម្ងាយ ឬភ្ញៀវនាំអំណោយមកជូនដល់ផ្ទះ។ ប្រសិនបើអ្នកសុបិនឃើញខ្លួនឯងបានហត់ឈាម នោះនឹងទទួលបានលាភសំណាង ពីការប្រថុយណាមួយមិនខាន។

៤ សុបិនចង់កាន់កូនឬក្មេង

សម្រាប់មនុស្សនៅលីវ នឹងទទួលបានដៃគូស្មោះស្ម័គ្រ។ ចំណែកអ្នកមានគ្រួសារ នឹងមានកូន។ មួយវិញទៀត បើក្នុងយល់សប្ដិឃើញកូននោះមានសម្បុរស នោះអ្នកនឹងទទួលបានលាភសំណាង ខាងហិរញ្ញវត្ថុមិនខាន។

៥ សុបិនឃើញទឹកអប់

ស្ត្រីឬបុរសណាសុបិនឃើញថាបានយកទឹកអប់ ឬមានទឹកក្រអូបៗប្រោះលើខ្លួន ទាយថានឹងផុតគ្រោះ ឬជាសះស្បើយពីជំងឺ។

៦ សុបិនឃើញព្រះពុទ្ធ

បុរសស្ត្រីណាសុបិនឃើញព្រះពុទ្ធ គ្រឿងបូជាផ្សេងៗ សុបិននេះនាំសំណាងដល់ខ្លួនឯង ឬនាំលុយកាក់នៃអាជីវកម្មផ្ទាល់ខ្លួន។

៧ សុបិនឃើញសាកសព

សុបិនឃើញមនុស្សស្លាប់ ឬសាកសពធុំក្លិន មានន័យថាអ្នកនឹងទទួលបានលាភសំណាងពីរឿងហេតុអ្វីមួយ ឬជំនួញដែលនាំសំណាង និងភារកិច្ចការងារ ប្រសិនបើអ្នកសុបិនថាអ្នកស្លាប់ ហើយដង្កូវចោះ សុបិននោះនឹងបង្កើនទ្រព្យសម្បត្តិវិញ។

៨ សុបិនឃើញលាមក

សុបិនឃើញលាមក ឬបន្ទោរបង់ដោយខ្លួនឯង តាមទំនាយបានន័យថា បុគ្គលនោះនឹងមានសំណាង។ ប៉ុន្តែបើអ្នកចាប់លាមក វានឹងនាំមកនូវភាពអាម៉ាស់ដល់កេរ្តិ៍ឈ្មោះ ឬត្រូវបានបង្កាច់បង្ខូចដោយការនិយាយដើមពីមនុស្សខិលខូច។