ស្រាយអត្ថន័យយល់សប្តិឃើញ សង្សារក្បត់ចិត្ត

យល់សប្តិឃើញសង្សារបណ្ដូលចិត្តក្បត់ស្នេហា​ ឬមនុស្សជាទីស្រឡាញ់មានអ្នកថ្មី សុទ្ធសឹងជាសញ្ញាមិនល្អពាក់ព័ន្ធនឹងទំនាក់ទំនងជាមួយមនុស្សជុំវិញខ្លួន។ ក្នុងនោះអត្ថន័យរួមមាន៖

យល់សប្តិឃើញមិត្តស្រីក្បត់ចិត្ត

អ្នកទំនងជាមានរឿងក្នុងគ្រួសារ ឬមានបញ្ហាដែលពិបាកមើលមុខគ្នា។  ក្នុងអាជីពវិញ ក៏អាចមានបញ្ហាការងារមិនចុះសម្រុងគ្នា ជាពិសេសទំនាក់ទំនងជាមួយមេកោយ។

យល់សប្តិនេះក៏ជាសញ្ញាព្រមានដល់គូស្វាមីភរិយាដែលទើបរៀបការរួច អ្នកអាចនឹងមានរឿងឈ្លោះប្រកែកគ្នា ដោយសារ​ភាគី​ទី​បី ឬ​អ្នក​ថ្មី​ចូល​ជ្រៀតជ្រែក។

យល់សប្តិឃើញមិត្តប្រុសក្បត់ចិត្ត

ចំពោះមនុស្សស្រី ប្រសិនឃើញសង្សារក្បត់ចិត្ត នៅក្នុងយល់សប្តិ វាជាតម្រុយប្រាប់ថា អ្នកនឹងមានជម្លោះជាមួយអ្នកដទៃអាចជាមិត្ត​រួម​ការងារ មន្ត្រី​ក្រោម​ឱវាទ ដៃគូជំនួញ ឬជាមួយសង្សារតែម្ដង។ មិនតែប៉ុណ្ណោះ យល់សប្តិនេះ ត្រូវឱ្យអ្នកប្រយ័ត្នចំពោះទំនាក់ទំនងជាមួយមនុស្សថ្មី ព្រោះអាចចាញ់បោកទំនុកចិត្តលើគេ៕

អត្ថបទ៖ សន្យា

ចុចអាន៖ យល់សប្តិមានសង្សារថ្មី សញ្ញាប្រាប់រឿងហេតុ ៣យ៉ាង សំខាន់ៗ