យល់សប្តិឃើញ “កាប់ពស់” អត់មានគូ ដូចគេថាមែនឬ?

សុបិនឃើញពស់ បង្ហាញពីប្រផ្នូលនៃការជួបជុំនាពេលអនាគត ខណៈសុបិនវាយពស់ ជាន់ពស់ ឬកាប់ពស់ អាចបកស្រាយអត្ថន័យដូចខាងក្រោម៖

សុបិនរត់គេចពីពស់

សុបិនរត់គេចពីពស់តូចក្ដី ធំក្ដី មានន័យថា អ្នក​មិន​ទាន់​បាន​ត្រៀម​រួចរាល់សម្រាប់ចាប់ផ្តើមសម្ព័ន្ធភាពស្នេហាទេ។ យ៉ាងណាមិញ បើចាប់ផ្ដើមសាងស្នេហ៍ក្នុងពេលនេះ គូជីវិតរបស់អ្នកជាមនុស្សមានអំណាច និងមានស្ថានភាពហិរញ្ញវត្ថុល្អប្រសើរ។

សុបិនរត់ជាន់ពស់

វាជាប្រផ្នូលថា ក្នុងអំឡុងពេលនេះ អ្នកមានឱកាសបានជួបមនុស្សល្អជាច្រើន ហើយក៏មានមនុស្សជាច្រើនដែលកំពុងចង់បានអ្នកជាគូផងដែរ។ ចំពោះអ្នកដែលទើបបែកបាក់គ្នា មានន័យថា គូស្នេហ៍របស់អ្នកអាចនៅរាប់អានគ្នាជា​មិត្តភក្តិល្អ និង​អាចពឹងផ្អែកគ្នាទៅវិញទៅមក។

សុបិនវាយពស់

សុបិននេះ ស្រាយថា អ្នកនៅលីវ អាចជួបគូគាប់ជាមិត្តរួមការងារ ឬអតីតមិត្តរួមថ្នាក់ ហើយខណៈពេលនេះ ក៏កំពុងមានមនុស្សលួចស្នេហ៍អ្នកផងដែរ។

សុបិនចាប់បោកពស់

បើទោះបីបច្ចុប្បន្ន អ្នកចង់បានដៃគូជីវិតប៉ុណ្ណាក៏ដោយ តាមទំនាយសុបិននេះ អ្នកមិនទាន់សក្តិសមសម្រាប់ចាប់ផ្ដើមអាពាហ៍ពិពាហ៍នៅឡើយទេ។ ការនៅលីវ កំលុងពេលនេះ ជាពេលល្អបំផុតសម្រាប់ជួយខ្លួនឯង និងក្រុមគ្រួសារ។

សុបិនកាប់ពស់​

សុបិននេះ មិនពាក់ព័ន្ធនឹងស្នេហាទេ វាទាក់ទងទងជាមួយអាជីព និងការរកស៊ីជួញដូរ។ សុបិនកាប់ពស់ឬកាត់ពស់ជាកង់ៗ បកស្រាយថា ក្នុងជីវិតអ្នកនឹងជួបឧបសគ្គរាំងស្ទះដល់ការរីកចម្រើននៅកន្លេងការងារ ឯជំនួញត្រូវមានកំណែទម្រង់ខ្លះ ទើបរីកដុះដាលទៅមុខ។

លេខសំណាង៖ លេខ​នាំ​សំណាង​ក្នុង​សុបិន​នេះ​មាន ៤៥, ៥៦, ៤៥៩, ៤៩៨, ៥៦៦, ៥៦៨ និង ៦៥៨៕

អត្ថបទ៖ សន្យា

ចុចអាន៖ អត្ថន័យ​នៃ​ការ​យល់​សុបិន​ឃើញពស់ពណ៌ខ្មៅ

ចុចអាន៖ យល់សប្តិឃើញពស់ អត្ថន័យ​គេតាមស្រលាញ់?