សុបិនឃើញ “មាស” មិនមែនជាប្រផ្នូលល្អទាំងអស់ទេ!

មាស ជាទ្រព្យដ៏មានតម្លៃតាំងពីបុរាណកាលមក។ រហូតមកទល់​សព្វ​ថ្ងៃ​ មាស​នៅ​តែ​មាន​តម្រូវ​ការ​ដោយ​អ្នក​វិនិយោគ និងក្រុមអភិជន។ មិនតែប៉ុណ្ណោះ មាសក៏ជាផ្នែកមួយនៃជំនឿ និងទំនាយរបស់ប្រជាជនផងដែរ។ ក្នុងជំនឿទាំងនោះ គេឃើញថា យល់សប្តិឃើញមាស​ជាប្រផ្នូលអំពីស្ថានភាពរស់នៅ។

ខាងក្រោមជាការបកស្រាយនៃសុបិនឃើញមាស៖

សុបិនបាត់មាស ហើយរកមិនឃើញវិញសោះ

​វាជាប្រផ្នូលប្រាប់​អំពីការបាត់បង់​ទ្រព្យសម្បត្តិនៅក្នុងជីវិតពិត។ ចូរកុំ​ឲ្យ​អ្នក​ណា​ខ្ចី​លុយ​ស្រួលៗឱ្យសោះ ព្រោះអ្នកកំពុងប្រថុយប្រថានណាស់ ខណៈលុយដែលគេយកចេញទៅ មិនប្រាកដនឹងបានមកវិញទេ។

សុបិនមាសបាត់ តែរកឃើញវិញ

សុបិននេះមានន័យថា ការផ្លាស់ប្តូរផ្សេងៗ នឹងចូលមកក្នុងជីវិតរបស់អ្នក ហើយវានឹងក្លាយជាការផ្លាស់ប្តូរក្នុងទិសដៅកាន់តែប្រសើរឡើង។ អាជីពរបស់ប្ដូរទៅកាន់ភាពវិជ្ជមាន អ្នកត្រូវមេកោយទុកចិត្តឱ្យទទួលភារកិច្ចសំខាន់ៗ។ ចំពោះគូស្នេហ៍ អ្នកដែលធ្លាប់មានបញ្ហា​នឹង​ផ្សះផ្សា​គ្នាវិញ ហើយអាចមាន​ដំណឹង​ល្អ​ចូលរោងការឆាប់ៗ។

សុបិនបាត់ចិញ្ចៀនមាស

នេះមិនមែនជាសុបិនល្អទេ។ វាជាសញ្ញាប្រាប់ឱ្យដឹងមុនថា អ្នកអាចមានបញ្ហាឈ្លោះប្រកែកជាមួយសមាជិកគ្រួសារ។ ក្នុងអំឡុងពេលនេះ អ្នកមិនគួរវិនិយោគ ឬប្រឡូកខ្លួនជាមួយលេងល្បែងស៊ីសងឡើយ។។

សុបិនបាត់ខ្សែកមាស

ទស្សន៍ទាយថា អ្នកអាចចាញ់បោកមនុស្សដែលទុកចិត្តបំផុត ធ្វើឱ្យខាតបង់ទាំងលុយកាក់ ទ្រព្យសម្បត្តិ និងទំនុកចិត្ត។

សុបិនបាត់ខ្សែដៃមាស

អ្នកទំនងជា​​ខាតបង់​ប្រាក់​ច្រើន​ នៅពេលភ្ញាក់ពីដំណេកមក។ ដូច្នេះ គួរកុំវិនិយោគជាមួយនរណាម្នាក់ក្នុងអំឡុងពេលនេះ ចូរទុកប្រាក់ឱ្យនៅជាមួយអ្នកសិនចុះ។

សុបិនបាត់ក្រវិលមាស

ក្រវិលមាស ដែលបាត់ក្នុងសុបិន ជាប្រផ្នូលនៃការបាត់បង់មនុស្សជាទីស្រឡាញ់ អាចជាសាច់ញាតិ ឬមិត្តភក្តិជាដើម។

សុបិនមានគេឱ្យមាស

វាជាសុបិនល្អ! វត្ថុដែលបាត់នឹងត្រូវរកឃើញ ប្រាក់ដែលគេខ្ចី នឹងបានប្រគល់មកវិញ។ មិនតែប៉ុណ្ណោះ អ្នកក៏មានសំណាងទទួលបានការគាំទ្រពីមនុស្សពេញវ័យជុំវិញខ្លួនផងដែរ៕

អត្ថបទ៖ សន្យា

ចុចអាន៖ សុបិនឃើញចិញ្ចៀន អត្ថន័យសំដៅដល់មានកូន?

ចុចអាន៖ តាមពិតសុបិនឃើញ “បុណ្យសព” មិនអាក្រក់ ដូចធ្លាប់ដឹងទេ