វប្បធម៌ ជំនឿ

ទាយបុគ្គលិកលក្ខណៈ តាមរយៈពណ៌ដែលអ្នកចូលចិត្ត

បានផុស

៣ years មុន

នៅ

ថ្ងៃពុធ ២០ កក្កដា ២០២២

ដោយ

របស់ដែលអ្នកទិញ របស់របរប្រើប្រាស់ តន្ត្រីដែលអ្នកស្តាប់ ភាពយន្តដែលអ្នកមើល សុទ្ធតែឆ្លុះបញ្ចាំងពីអ្នកជានរណា រួមទាំង ពណ៌ដែលអ្នកចូលចិត្តផងដែរ។ តោះមើលថាតើមានប៉ុន្មាន%នៃពណ៌ដែលអ្នកចូលចិត្តត្រូវនឹងបុគ្គលិកលក្ខណៈរបស់អ្នក។

១ ពណ៌ខ្មៅ អ្នកចូលចិត្តពណ៌ខ្មៅគឺមានភាពជាអ្នកដឹកនាំ ជាមនុស្សនិយាយត្រង់ មិនប្រយោល មានគោលការណ៍ក្នុងជីវិត និងមានដំណើរការគិតជាប្រព័ន្ធ ដើម្បីទប់ទល់នឹងស្ថានភាពភ្លាមៗ ប៉ុន្តែទាំងនេះមានគុណវិបត្តិមួយចំនួនក្នុងក្រសែភ្នែកអ្នកដទៃ អ្នកអាចជាចៅហ្វាយនាយហួសហេតុពេក ស្មោះត្រង់ពេក ហើយអ្នកអាចមើលទៅត្រជាក់ពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ពណ៌ប្រផេះ អ្នកជាមនុស្សមានគំនិតច្នៃប្រឌិតខ្លាំង និងមានទេពកោសល្យ រហូតដល់ការបង្កើតការងារដែលគេស្គាល់ថាជា អ្នកគឺជាមនុស្សខាងវិញ្ញាណណាស់។ អ្នកចូលចិត្តកន្លែងស្ងាត់ ដើម្បីនៅជាមួយខ្លួនឯង និងចៀសវាងភាពវឹកវរ។

៣ ពណ៌ស មនុស្សនេះនិយមមានភាពអាថ៌កំបាំងបន្តិច ជួនកាលវាអាចបង្កឲ្យមានការធ្វេសប្រហែស។ អ្នកគឺជាមនុស្សដែលមានជំនាញ ដោយមិនគិតពីលទ្ធផល ប៉ុន្តែរឿងទាំងនេះធ្វើឲ្យអ្នករឹងមាំ និងពោរពេញដោយថាមពលដើម្បីធ្វើអ្វីៗ

៤ ពណ៌ក្រហម បុគ្គលនេះជាមនុស្សប្រភេទពូកែអ្នករុករក មានកលល្បិចបន្តិច ហើយគឺជាអ្នកពូកែសុបិន ចូលចិត្តផ្ដួចផ្ដើមគំនិតថ្មីៗ ដូចជាការធ្វើដំណើរជាមួយមិត្តភ័ក្ដិ។ អ្នកជាអ្នកសង្កេតការណ៍ យកចិត្តទុកដាក់ជុំវិញ ថាតើវាជានិស្ស័យ រួមទាំងអាកប្បកិរិយារបស់មនុស្សជុំវិញយ៉ាងដូចម្ដេច។

៥ ពណ៌លឿង អ្នកមានភាពរសើបខ្លាំង និយាយស្លូតបូត និងមានគំនិតច្នៃប្រឌិតគ្មានដែនកំណត់ និងដឹងពីរបៀបប្រើវាបានល្អ អ្នកគឺជាអ្នកដែលមានចក្ខុវិស័យ និងការមើលឃើញឆ្ងាយ ប៉ុន្តែពេលខ្លះអាចមានការខ្មាស់អៀនខ្លះ និងចៀសវាងការបង្ហាញអារម្មណ៍ទៅកាន់អ្នកដទៃ។

៦ ពណ៌ទឹកក្រូច បុគ្គលិកលក្ខណៈរបស់អ្នកនិយមពណ៌ទឹកក្រូច ស្រដៀងទៅនឹងអ្នកដែលចូលចិត្តពណ៌លឿង។ ប៉ុន្តែភាពខុសគ្នាគឺ អ្នកមានចិត្តទូលាយ ចេះចូលទៅជិតសង្គមល្អ និងមានទំនួលខុសត្រូវខ្ពស់។ ថ្វីត្បិតតែខ្មាស់អៀនបន្តិច អ្នកគឺជាអ្នកស្វែងរកការរំភើប ស្វាហាប់ ហើយរស់នៅក្នុងបច្ចុប្បន្នកាល។ យ៉ាងណាមិញ អ្នកគឺជាមនុស្សដែលចូលចិត្តលាក់អារម្មណ៍ខ្លះៗ ហើយនឹងមិនអនុញ្ញាតឲ្យអ្នកដទៃ ដឹងពីអ្វីដែលអ្នកមានការព្រួយបារម្ភ។

៧ ពណ៌បៃតង អ្នកជាមនុស្សចូលចិត្តដំណើរផ្សងព្រេង មានចិត្តទូលាយ ដូចជាសប្បាយ អ្នកមានទំនុកចិត្តលើខ្លួនឯងខ្ពស់ រហូតដល់ពេលខ្លះ វាអាចធ្វើឲ្យអ្នកដទៃរំខានអ្នកវិញ។

៨ ពណ៌ត្នោត អ្នកចូលចិត្តភាពល្អឥតខ្ចោះ និងមានឧត្តមគតិខ្ពស់ ទាំងជាមួយអ្នកដទៃ ឬសូម្បីតែខ្លួនឯង ហើយពេលខ្លះទាំងនេះអាចនាំឲ្យមានការខកចិត្ត។

៩ ពណ៌ផ្កាឈូក មនុស្សនេះនិយមចូលចិត្តតុល្យភាព។ អ្នកចូលចិត្តរក្សាតុល្យភាពក្នុងគ្រប់ទិដ្ឋភាពនៃជីវិតរបស់អ្នក។ មានសុទិដ្ឋិនិយម និងមិនចូលចិត្តជម្លោះ រក្សាទំនាក់ទំនង ហើយមានស្ថេរភាពក្នុងស្នេហា មានមន្តស្នេហ៍ ចូលចិត្តនៅក្នុងចំណោមមនុស្សជាច្រើន ស្រឡាញ់សេរីភាព មិនចូលចិត្តការតាំងចិត្ត។

១០ ពណ៌ខៀវ បុគ្គលស្រលាញ់ពណ៌ខៀវគឺជាមនុស្សក្លាហានតែ រឹងរូសណាស់ហើយក៏មានស្មារតីការងារខ្ពស់។ ទម្លាប់របស់គេគឺមិនចូលចិត្តមនុស្សបញ្ជា ចូលចិត្តទុកមតិយោបល់ នេះអនុញ្ញាតឲ្យអ្នកក្លាយជាអ្នកដឹកនាំដ៏អស្ចារ្យ។ អ្នកជាអ្នកណែនាំដ៏ល្អម្នាក់ មានមនុស្សជាច្រើនចង់មករកអ្នកដើម្បីទទួលបានដំបូន្មាន។

១១ ពណ៌ផ្ទៃមេឃ បុគ្គលនេះចូលចិត្តរ៉ូមែនទិក និងមានការលះបង់ដើម្បីស្នេហាច្រើន។ ចូលចិត្តធ្វើឱ្ឲ្យមនុស្សដែលខ្លួនស្រលាញ់ញញឹមភ្ញាក់ផ្អើល មិនថាជាគូស្នេហ៍ មិត្តភក្តិ រួមទាំងសមាជិកគ្រួសារ។ អ្នកជាមនុស្សមានចិត្តតែមួយ ចូលចិត្តសន្តិភាព មិនចូលចិត្តរញ៉េរញ៉ៃជាមួយអ្នកណាឡើយ ហើយក៏មិនចូលចិត្តអ្នកណាមកជ្រៀតជ្រែកកិច្ចការរបស់អ្នកដែរ

១២ ពណ៌ស្វាយ បុគ្គលនេះមានការច្នៃប្រឌិតមើលឃើញឆ្ងាយ ចូលចិត្តស្វែងរកអ្វីដែលថ្មី។ ប៉ុន្តែពេលខ្លះទម្លាប់របស់អ្នក ធ្វើឲ្យមនុស្សគិតថាអ្នកជាមនុស្សអាថ៌កំបាំង ហើយពិបាកចូលទៅជិត។ ប៉ុន្តែពេលដែលអ្នកស្គាល់អ្នក វាមិនដូចអ្វីដែលអ្នកដទៃគិតនោះទេ។

ក្រោយបានអានរួច តើអ្នកជាមនុស្សស្រលាញ់ពណ៌អ្វីដែរ?

គ្រូ ណុប

ចុចអាន៖រើសទឹកមួយក្នុងចំណោម ៤ នេះ បង្ហាញពីអត្តចរិតពិត និងការសម្រេចចិត្តធំនៅថ្ងៃខាងមុខ