យល់សប្តិបានទិញឬស្លៀកពាក់ “ខោអាវថ្មី” សំណាងល្អកំពុងរត់មករក

ធ្លាប់ទេយល់សបិ្តបានទិញខោអាវថ្មី ឬបានស្លៀកពាក់ខោអាវថ្មី? បើធ្លាប់ តើដឹងឬអត់ថា ​វា​មានន័យ​យ៉ាង​ដូចម្តេច? តោះ! មករកចម្លើយនៅខាងក្រោម៖

យោងទៅតាមអត្ថបទបុរាណដែលទស្សន៍ទាយអំពីសុបិន ប្រសិនបើអ្នកយល់សប្តិទទួលបានសម្លៀកបំពាក់ថ្មី វាជាប្រផ្នូលនៃការសម្រេចបំណងប្រាថ្នា ឬបើរៀបចំផែនការអ្វី នោះនឹងដើរដោយរលូនណាស់។ ប្រសិនកំពុងរកការងារធ្វើវិញ  CV ដែលបានដាក់ទៅហើយ នឹងត្រូវក្រុមហ៊ុនទាក់ទងមកជួបសម្ភាសន៍ ហើយអ្នកទំនងទទួលបានការងារល្អដែលមិនរំពឹងទុកទៀតផង។

ក្រៅពីប្រផ្នូលល្អពាក់ព័ន្ធនឹងការងារ យោងតាម​សៀវភៅ​​បកស្រាយសុបិនទាយទៀត​ថា ​អ្នកនៅ​លីវ​នឹងបានជួបស្នេហាស្មោះស្មគ្រ​ពិតប្រាកដ ក្នុងពេលភ្ញាក់ពីដំណេកមក។ យ៉ាងណាមិញ គូរបស់អ្នក​ អាចជា​មនុស្ស​មក​ពី​ទី​ឆ្ងាយ​ដូច​ជា ​បរទេស បណ្តា​ខេត្ត ឬ​មនុស្ស​​ដែល​មក​ពី​វប្បធម៌​ផ្សេង​គ្នា​។

យល់សប្តិនេះ ក៏ជាប្រផ្នូលនៃលេខ​​សំណាងផងដែរ។ អំឡុងពេលនេះ  ប្រសិនណារើសលេខ ៣៧, ០៦, ៩៧៤ មកប្រើប្រាស់ វានឹងផ្ដល់លាភដល់អ្នកយ៉ាងគាប់ចិត្ត៕

អត្ថបទ៖ សន្យា

ចុចអាន៖ សុបិនឃើញ “មាស” មិនមែនជាប្រផ្នូលល្អទាំងអស់ទេ!