ក្បួនពាក់ចិញ្ចៀនបង្កើនសំណាង សម្រាប់អ្នកកើតថ្ងៃពុធ

សម្រាប់បុគ្គលដែលកើតក្នុងថ្ងៃពុធ ហើយចង់ឲ្យខ្លួនឯងមានសំណាង និងលាភចូល គ្រូ ណុប សូមណែនាំពីក្បួនពាក់ចិញ្ចៀន​ជួយបង្កើន​សំណាងល្អមានដល់ខ្លួនឯង។

ទន្ទឹម​នោះ ​មុននឹង​ដឹង​ថា​គួរ​ពាក់​ម្រាម​ដៃ​ណា​នាំ​សំណាង​ល្អ​ សូម​មក​ដឹង​ពី​ចរិត​លក្ខណៈ​របស់​មនុស្ស​ដែល​កើត​ក្នុង​ថ្ងៃពុធ​សិន។

បុគ្គលិក​លក្ខណៈ​របស់​មនុស្ស​កើត​ថ្ងៃ​ពុធ

ទម្លាប់​របស់​មនុស្ស​កើត​ថ្ងៃ​ពុធ ជារឿយៗ​ជា​មនុស្ស​​រសើប មាន​ការ​ខកចិត្ត​ញឹកញាប់ ជា​មនុស្ស​ដែល​មាន​រូបរាង​ត្រជាក់ និង​ស្ងប់ស្ងាត់​នៅ​ខាង​ក្រៅ ប៉ុន្តែមានភាព​ស្មោះត្រង់ និងអាចទុកចិត្តបាន។ អ្នកដែលកើតថ្ងៃពុធ ជាមនុស្សដែល​មាន​ភាព​អត់ធ្មត់​ខ្ពស់ ឧស្សាហ៍​ព្យាយាម អាចដោះស្រាយគ្រប់រឿងដែលជួបប្រទះ។ អ្នក​កើត​នៅ​ថ្ងៃ​ពុធ ច្រើន​តែ​ត្រូវ​បាន​មនុស្ស​ស្រលាញ់​ចូលចិត្ត​ច្រើន។

ម្រាមដៃ​កណ្ដាល​ខាងឆ្វេង នាំ​ការងារ​ល្អ លុយ​ចូល​មក​ឥត​ឈប់

ពាក់ចិញ្ចៀន​នៅលើម្រាមដៃ​កណ្តាលខាងឆ្វេង ​ជួយ​លើក​កម្ពស់​តួនាទី​ការងារ​ឲ្យ​កាន់​តែ​លេចធ្លោ។ ជាពិសេស​ដើម្បី​ឲ្យ​មាន​ភាព​ជា​អ្នក​ដឹកនាំ ​ក្នុង​ការ​សម្រេច​ចិត្ត​កាន់​តែ​ប្រសើរ វា​ក៏​ជួយ​បង្កើន​លំហូរ​នៃ​ហិរញ្ញវត្ថុ​ផង​ដែរ។

ម្រាមដៃ​ចង្អុល​ខាងស្តាំ នាំ​មក​នូវ​ស្នេហា​ល្អប្រសើរ

សម្រាប់​អ្នក​ដែលចង់ពង្រឹងរឿងស្នេហា ការ​ពាក់ចិញ្ចៀន​នៅ​លើ​ម្រាមដៃ​ចង្អុល​ខាងស្តាំ​ នឹងធ្វើឲ្យ​ហោរាសាស្ត្រស្នេហាលេចធ្លោ (ថ្ងៃ​ពុធ​ជា​ច្រើន​មាន​សំណាង​ក្នុង​រឿង​ស្នេហា)។ បើមនុស្សដែល​មានគូ​រួច​ នឹង​ជួយលើកទឹកចិត្តឲ្យ​ស្រលាញ់​គ្នា​បាន​យូរ​ ឬ​ជា​រៀង​រហូត។

ទន្ទឹមនោះ ​គ្រូ ណុប ​សូមបញ្ចាក់​ការ​ពាក់ចិញ្ចៀន​នាំ​សំណាងគឺជាជំនឿផ្ទាល់ខ្លួន។ ប៉ុន្តែទោះជាយើង​បន្ថែម​សំណាង​ប៉ុណ្ណា​ក៏​ដោយ ក៏ត្រូវតែអមដោយពាក្យល្អ ទង្វើល្អ គំនិតល្អផងដែរ៕

គ្រូ ណុប

ចុចអាន៖ក្បួនពាក់ចិញ្ចៀន ដើម្បីបង្កើនសំណាងសម្រាប់អ្នកកើតថ្ងៃអង្គារ