ក្បួនពាក់ចិញ្ចៀនដើម្បីបង្កើនសំណាង សម្រាប់អ្នកកើតថ្ងៃសុក្រ

សម្រាប់បុគ្គលដែលកើតក្នុងថ្ងៃសុក្រ ហើយចង់ឲ្យខ្លួនឯងមានសំណាង និងលាភចូលមានដល់ជីវិត គ្រូ ណុប សូមណែនាំពីក្បួនពាក់ចិញ្ចៀន​ជួយបង្កើន​សំណាងល្អមានដល់ខ្លួនឯង។

ទន្ទឹម​នោះ ​មុននឹង​ដឹង​ថា​គួរ​ពាក់​ម្រាម​ដៃ​ណា​នាំ​សំណាង​ល្អ​ សូម​មក​ដឹង​ពី​ចរិត​លក្ខណៈ​របស់​មនុស្ស​ដែល​កើត​ក្នុង​ថ្ងៃសុក្រសិន។

ចរិត​លក្ខណៈ​របស់​មនុស្ស​កើត​ថ្ងៃ​សុក្រ

អ្នក​កើត​ថ្ងៃ​សុក្រ ជា​មនុស្ស​ដែល​មាន​ទម្លាប់​សាមញ្ញ ស្មោះត្រង់ មិន​ចូលចិត្ត​បញ្ហា ប៉ុន្តែ​តែងតែ​រុញច្រាន​រក​បញ្ហាទៅវិញ។ មនុស្សថ្ងៃសុក្រចូលចិត្តជួយ​អ្នក​ដទៃ​ ជា​មនុស្ស​និយាយ​មិន​ចេះ​សង្ស័យ មាន​ចិត្ត​រឹងរូស​បន្តិច។ ជាពិសេស​គេ​នេះ​ តែង​យកចិត្តទុកដាក់​ចំពោះ​មនុស្ស​ជុំវិញ​អ្នក។

ទន្ទឹមនោះ សម្រាប់​អ្នក​កើត​ថ្ងៃ​សុក្រ ចង់​ពង្រឹង​លាភ​សំណាង​គ្រប់​បែប​យ៉ាង​មិន​ថា​ការងារ ហិរញ្ញវត្ថុ ទ្រព្យសម្បត្តិ​ហូរ​ចូល​ដោយ​មិន​មានការ​កកស្ទះ អាច​ពាក់​ចិញ្ចៀន​នៅ​ម្រាមដៃ​ចង្អុល​ឆ្វេង។

ចំណែក​ឯ​អ្នក​ដែល​ចង់​ឲ្យ​ស្នេហា​កាន់តែរលូន ​សំណាង​ល្អ​ក្នុង​រឿង​ស្នេហា ​គួរ​ពាក់​នៅ​ម្រាមដៃ​កណ្ដាល​ខាង​ស្ដាំវិញ។​

ម៉្យាង​វិញ​ទៀត​ ចំពោះ​អ្នក​កើត​ថ្ងៃ​សុក្រ គួរ​ពាក់​ចិញ្ចៀន​លម្អ​ដោយ​ត្បូង​ពណ៌​ខៀវ និង​អម​ដោយ​ទឹក​សន្សើម ហើយ​មិន​គួរ​ពាក់​ចិញ្ចៀន​នៅ​លើ​គ្នា​ឡើយ៕

គ្រូ ណុប

ចុចអាន៖ក្បួនពាក់ចិញ្ចៀនបង្កើនសំណាង សម្រាប់អ្នកកើតថ្ងៃពុធ

ចុចអាន៖ក្បួនពាក់ចិញ្ចៀន ដើម្បីបង្កើនសំណាងសម្រាប់អ្នកកើតថ្ងៃអង្គារ