ជារឿងគួររីករាយ ប្រសិនយល់សប្តិបាន “ជិះយន្តហោះ”

ប្រសិនគេងសុបិនឃើញខ្លួនឯងឬអ្នកផ្ទះ បានធ្វើដំណើរទៅបរទេស ឬបានជិះយន្តហោះ អត្ថន័យរបស់វាគឺ៖

អាជីព និងហិរញ្ញវត្ថុ

យោងទៅតាមសៀវភៅទំនាយសុបិន ពេលឃើញបានជិះយន្តហោះឬត្រូវទៅក្រៅប្រទេស មានន័យថា ភាពតានតឹងផ្នែកលុយកាក់នឹងរលាយបាត់ទៅ ហើយជំនួសមកវិញនូវចំណូលដែលមានស្ថិរភាពល្អ។ ចំពោះអាជីពវិញ អ្នក​នឹង​មានឱកាស​ទទួលបានការជ្រោមជ្រែងពីមិត្តរួមការងារ។ ចំណែកជំនួញ ពេលនេះជាពេលល្អខ្លាំងណាស់ក្នុងការដាក់ទុន ព្រោះអ្នកនឹងជួបវិនិយោគិនធំៗដែលនាំឱ្យការរកស៊ីមានភាពរីកចម្រើន។

ស្នេហា និងគ្រួសារ

យ៉ាងណាមិញខាង​ស្នេហា អ្នកមិនទាន់រៀបការ​ សុបិននេះហាក់ដូច​ជាប្រផ្នូលមិនសូវល្អឡើយ។ ក្នុងជិវិតពិតអ្នកអាចជួបរឿងខកចិត្តផ្ទួនៗជាមួយដៃគូ ពុំនោះទេកើតមានជម្លោះពាក្យសម្ដីធ្វើឱ្យទំនាក់ទំនងរង្គោះរង្គើ។ ដោយឡែកជីវិតគ្រួសារ សុបិនបានជិះយន្តហោះឬធ្វើដំណើរទៅក្រៅប្រទេស ជាប្រផ្នូលនៃសុភមង្គលពេញមួយគ្រួសារ ព្រោះថាអ្នកនឹងទទួលបានដំណឹងល្អ ដែលមិនធ្លាប់គិតដល់៕

អត្ថបទ៖ សន្យា

ចុចអាន៖ យល់សប្ដិឃើញរថយន្ត ម៉ូតូកង់បី ឬ យានដ្ឋាន អត្ថន័យល្អឬអាក្រក់?

ចុចអាន៖ សុបិនពាក់ “ចិញ្ចៀនមាស” អ្នកនឹងទទួលបានឱកាសល្អៗ មិននឹកស្មានដល់